Mizoram UPC Main Office Building thar chu November 23 Nilaini khan hawn a ni.
Main Building hawnna inkhawm hi Office tualah neih hmasak a ni a. Mizoram UPC Executive Chairman Upa C. Lalropianga’n ribbon chep chatin Office Building thar hi a hawng a, Conference Hall-ah Building thar Pathian hnena hlanna inkhawm hman chhunzawm niin, General Treasurer Rev PB Lalhmuliana’n a kaihruai a. Hunserh General Secretary Rev Saienga Sailo chuan a hmanga. Technical Report Lalchhandami Ralte Chief Architect, Mizoram PWD leh General LAD President ni bawk chuan a pe a.
Tirhkoh Liansangkima, Works Manager leh Chairman Assembly Centre Committee Mizoram UPC ni bawk hnen atangin Office Building hmalak chhoh dan ngaihthlak a ni bawk.
Mizoram UPC Main Office Building thar Pathian hnena hlanna inkhawmah hian General Superintendent Rev Thangliansanga’n thu a sawi a. Pathian kaihhruaina leh awmpuina avanga he hun hi thleng kan ni a. Pathian duhzawng ang zela kohhran hoten ke kan pen chuan, kan mamawh chu min ngaihtuah sak zel ang a ti.
He hunah hian sawm bik mi 100 bawr vel telin Pensioner leh hruaitu kal chhuak ten thusawina hun an nei bawk a. Mizoram UPC Office Building thar hawn inkhawm hi Rev Vanlalsipaia Lecturer ATI chuan tawngtainain a khar a ni. Mizoram UPC Main Office Building hi kum 2021 April ni 13 atang khan sak tan a ni a. A zau zawng hi Square metre 1599.16 niin chhawng nga (5) a ni a. A chung berah hian Conference Hall a awm a.
Ground Floor-hi Administration Section niin General Superintendent, General Secretary, General Missions Dept Secretary bakah Office Superintendent room-te a awm a. Basement 1-ah hian Account Section, Media Cell leh Driver Room te awmin, Account Section hi General Treasurer in a thutchilh bawk.
Basement 2 ah hian General Superintendent Quarters awmin, a hnuai ber Basement 3 a hian Chowkidar quarters dah a ni bawk. Main Office tual zawlah hian parling area zau tak ruahman a ni bawk a. Lirthei 200 chuang hun theih tura beisei a ni.
Mizoram UPC Main Office hi November ni 24 Ningani atang khan General Headquarters Staff-te chuan luah tanin. Kum tawp ro relna sang lo awm tur atan inbuatsaihna chak takin an kalpui nghal a. Office Building tha tak mai kan nei thei ta hi, Office Superintendent chuan Staff aiawhin kohhran hote chungah lawm thu a sawi a ni.
P&FB
P&FB chu November ni 24 Ningani khan Conference Hall General Headquarters Office Zonuamah an thu khawm a. Puipa ten ho vin, meeting hi Chairman Upa Lalzirliana’n a kaihruai.
P&FB thutkhawmah hian Mizoram UPC kum 2023 Budget Estimate thlirho a ni a. Main budget bakah Mizoram UPC hnuaia Department hrang hrang, Committee leh Board-ten Budget an ruahmante chu an thu ngaihtuah langsar zual a ni.
General SS Dept.
November ni 27 Pathianni hi Mizoram UPC SS kum tawp exam neih hun tur a nih angin. General SS Department chuan Tualchhung tinte SS Exam hi a hun taka nei theuh turin a ngen a. Zawhna leh chhanna te Tualchhung tinah thawn chhuah vek niin, SS zirlai a tam thei ang ber exam hmachhawn vek turin min ngen a ni.
Kum 2022 Puitling SS zirlai hi Tirhkohte Thiltih bu a ni.
General PYD
Gen. PYD hnuaia Social Wing Committee te chuan, Committee thil tum khawtlang nun siamthat kawnga hmalakna atan November ni 22 Thawhlehni khan Maubawk tlawng road-ah leh Melthum, Trinity Hospital road-ah te
Hoarding tar hnatlang an nei a. He hunah hian Committee thawk chhuak an tha hle a General PYD hruaitu ten an ho bawk a ni.
Missions Field
Guwahati Field, Iongkhuli Kohhranah a vawi khatna atan Missions Field a Pastor zawng zawng te leh thawktu te tan November ni 18 atanga ni 20 Pathianni hmang khan Seminar cum Revival hman a ni.
He hunah hian Mizoram UPC Home Mission Field-a thawktu mi 50 koh zingah mi 49 an tel thei a. Damlohna avangin Bihar Field Pastor Songlena chu a tel theilo a ni.
Seminar cum revival hmang tura kalkhawmte hi Iongkhuli Biak In compound-ah an riak khawm a. General Treasurer Rev PB Lalhmuliana leh Rev T. Laldingliana, Secretary General Missions Departmet te chuan an hmanpui a ni.
November ni 18 Zirtawp zan khan Pathian biak inkhawm an nei a. palai inchhiarna te neiin, Pastor Vanlalchama, Kolkata hnen atangin Pathian thu chah ngaihthlak a ni.
A tuk ni 19 Inrinni nilengin Seminar an nei a. Thupui hrang hrang zirho niin, Financial & Accounting Administration tih thupui Upa Sawihlira EBM Gen Missions Dept chuan zirtirna a pe a.
Church Administration chugnchang Rev T Laldingliana leh Pastor Andrew L Singson, Guwahati ten zirtirna nei velehin Church's Ceremonial System tih thupui a hamngin Rev Lalruatfela, Agra chuan kalkhawmte zirtirna a nei bawk.
Seminar neih zawh anih hnu hian sawihona hun an nei bawk a. field hrang hranga Pastor-te hnen atangin an ngaih pawimawh zawng leh report-te ngaihthlak a ni.
Pathianni atangin Revival inkhawm an neih chhunzawm a. Rev Lalruatfela chu speaker niin Pathianni zan inkhawmah Rev PB Lalhmuliana, Gen Treasurer hnen atangin Pathian thu chah ngaihthlak a ni thung a. Mizoram UPC Home Mission Field Workers Seminar cum Revival chu tluang taka neih zawh niin Pathianni zan khan a tiak a ni.
Lawngtlai District
Lawngtlai District-ah mithar 108 Mizoram UPC ah lawm luh an ni.
Lawngtlai District Saikhawthlir-ah November ni 21 Thawhtanni khan mi thar 53, chhungkaw 12 te chu kohhran dang atangin Area Secretary Rev PC Parliana’n Mizoram UPC ah a lawm lut a. A tuk ni 22 Thawhlehni khan Lawngtlai District chhung vek Guisuri-ah mi thar 55 chhungkaw 13 te chu Mizoram UPC-ah lawm luh an ni bawk.
Mi thar lawm luhna hunah hian Pastor Lalfamkima, District Superintendent, Pastor F. Lalnienga Hmawngbu bialtu leh Pastor Vanlalduhsaka Vathuampui bialtute an tel bakah, Tirhkoh Anthony Lalhmangaihsanga leh Tirhkoh BR Ungsoi, full time Evangelist te an kal bawk.
Saikhawthlir hi Diltlang S bial enkawlna hnuaiah a awm dawn a. Guisuri hi Vathuampui bialah a awm bawk ang.
