Mizoram UPC inkhawmpui lian ber General Assembly chu ni zan (December ni 11 Pathainni) khan a tiak a, Inkhawmpui ro relna chuan fa neih tam an rel.
General Assembly vawi 28-na hi December ni 9 Zirtawpni atang khan Mizoram UPC Assembly Centre, Zonuama Pandal sakah ro rel inkhawma bul tan a ni a. Zirtawpni leh Inrinniah nilenga ro relna a hun hman niin, Zirtawp zan atanga Pathianni zan thleng khan revival inkhawm an nei a, ruat bik ten thuril rawngbawlna an nei.
Mizoram UPC General Assembly neih chhung hian General Superintendent chuan Pastor 4 a ordain-a, mi 26 te hnenah Ministerial Licence a hlan bawk.
Mizoram UPC inkhawmpui lian ber ro relna chuan kohhran mipuite zingah fa nei tam tura in zirtirna neih uar nise an ti a, sacrament uain ram pum huapa in ang khat hman anih theih nana hmalakte, Genesis bu atanga Thupuan bu thleng, hrilhfiahna a bu a siamte chu an thu rel langsar zualte a ni a. Missionary Hmeichia ten rawngbawlna zau zawk an neih ve theih nan Ministreial Licence pek ni se tih rawtna awmte chu an pawm bawk.
Mizoram UPC inkhawmpui lian chuan kum 2023 budget atan cheng nuai sanghnih zahnih sawm riat pali singli sangkhat leh zahnih (Rs. 22,84,41,200/-) chu a pawm, kum 2023 General Assembly hi ruat lawk sa angin Durtlang Bial in an thleng ang.
