General Superintendent Rev Thangliansanga chuan January ni 15 Pathianni chawhma hian Thuampui Bial thar a hawng dawn a. Pathianni chawhnuah Sakawrtuichhun kohhran hruaitu thlanna neih puiin, zan lamah Ainawn veng kohhran hruaitu thlanna a neih pui bawk ang.
General Secretary Rev Saienga Sailo chu January ni 13 Zirtawp zan atang khan Chanmari West kohhrana Pathian Chawimawinaah Speaker a ni a, Pathianni zan thleng hian thuhril rawngbawlna a nei dawn a ni.
Genenral Treasurer Rev Zoramthara chu January ni 14 Inrinni zan hian Zonuam kohhran hruaitu thlanna a neih pui dawn a, Pathianni chawhmaah Chawlhhmun kohhran hruaitu thlanna a neih pui leh anga, Pathianni zanah Headquarters kohhranah thu hril rawngbawlna a nei ang.
Rev T. Laldingliana, Secretary General Missions Dept chu January ni 12 Ningani khan Nagaland Field Conference Hmanpui turin a zin chhuak. General Missions Dept Secretary hi North Eastern India Area-II field Supervisor Pastor Koko Lalmalsawma’n a tawiawm a, January ni 15 hmang hian Nagaland Field Conference hi neih a ni dawn a, Missions Secretary hi Janaury ni 17 Thawhlehni khian Aizawl a lo let leh ang.
Mizoram UPC General Headquarters Office, Zonuam chu kum 2023 atan January ni 6 Zirtawpni khan hawn a ni a. He mi ni hian Kum 2023-24 atana hruaitu thlan thar ten charge an la.
Office hawnni hian General Headquarters Office Staff-te chuan inhlan tharna hun hmangin, inkhawm tawi buatsaih hmasak a ni.
Office hawnni hian Mizoram UPC hruaitu thar charge inhlan inkhawm Conference Hall-ah neih a ni bawk a. Mizoram UPC General Superintendent Rev Thangliansanga’n he hun hi a kai hruai a. General Secretary Rev Saienga Sailo in hruaitu charge inhlan programme a kaihruai thung a ni.
Mizoram UPC hruaitu charge hlan inkhawmah hian sawm bik te leh Aizawl khawpui chhunga Pastor-te an tel kim hle a. Mizoram UPC Puipa kal chhuak leh thar te hnen atangin thu sawi ngaihthlak a ni.
Puipa Committee
Mizoram UPC Puipa Committee January ni 11 a thu khawm chuan Office Staff-te hna chanpual siamremin, thawktute awmna a siksawi. Puipa Committee chuan Crusade Fund atanga Tirhkoh rawih lai mi pangate
Tirhkoh Lalrindika Hauzel, Sangau Cheural Bial Tk. Lalvena, Mautlang, Vathuampui Bial
T.Upa Lalrohlua, Tuidam Kawrthah Bial
Tk. Felnalalhlenchhuahmawia, Tuirial Zemabawk Bial leh
Tk. Ramzuanthanga, Hruitezawl, Hmawngbu Biala rawih mekte chu kumin January atanga
Kum 2024 January thla chhung atan rawih chhunzawm leh nise an ti a,
Heng bakah hian Chawlhhmun Bialtu Pastor thar tura ruat Pastor H. Lalbiakhluna, January ni 9 a lo boral tak avangin, Chawlhhmun Bial enkawl lai lawktu tur an ngaihtuah bawk a. Pastoral Board-in Chawlhhmun Bialtu Pastor thar a ruat hma chu Rev T. Laldingliana, Secretary, General Missions Department chu Bial hmui hna lo thawk turin a ruat a ni.
Puipa Committee chuan Officers Meeting atanga rawtna lo lutte ngaihtuahin, Mizoram UPC hnuaia Office Staff-thenkhat hna chelh lai hetiang hian a siam rem a.
Lalbiakhluni Cashier, Main Office chu Apostolic Theological Institute Durtlanga Dealing Clerk cum Computer Operator ah sawn a ni a. Johny PC Lalchhuanawma, Dealing Clerk Apostolic Theological Institute chu
Computer Operator atan Main Office-ah sawn a ni thung a. Upa K.Rosangzuala, Main Office-a Computer Operator ni lai chu Dealing Assistant Main Accounts leh H. Zomuani Dealing Assistant chu Cashier Main Office- ah te siam rem an ni bawk.
General news
Pastor H. Lalbiakhluna, Chawlhhmun Bialtu Pastor thar chu January ni 10 Thawhlehni khan vuiliam a ni.
Pastor H. Lalbiakhluna hi January ni 9 Thawhtanni khan a bial vawn mek Ruantlang Bial chhung Melbuk kohhrana mitthi vui tura a kal chu,
A taksa a chauh thut avangin Med Aim Hospital Zotlangah kalpui a ni a.
Tlai lam dar 4:30 khan Stroke avangin chatuan ram min lo pan san ta a ni.
Pastor H. Lalbiakhluna ruang hi tlaivar pui niin, a tuk ni 10 Thawhlehni khan
General Superintendent Rev Thangliansanga’n, an khua Rabungah a vui a.
Tuichangral District chhung bakah hmun hrang hrang atangin
amah uitu mi thahnem tak kalkhawmin Thalrau lam hla puite remin ropui taka thlah liam a ni.
Pastor H. Lalbiakhluna vui ni hian General Headquarters Office-ah pawh amah sunna
hunserh hi hman niin,
Aizawl khawpui chhunga Pastor, Upate leh Office Staff ten hun an hmang a,
Mizoram UPC Sub Office Lunglei-a Staff te leh
Tualchhung kohhran hrang hrangah pawh Pastor H. Lalbiakhluna pual hian hun hman a ni.
Pastor H. Lalbiakhluna hi
Ruantlang bialah kum 5 awmin, kum 2023 atang hian
Chawlhhmun bialtu atana ruat a ni a.
Mizoram UPC chuan kum 2016 khan Pastor atan nem nghetin.
Pastor hna a thawh chhung hian Bial pathum
West Phaileng, Khawhai leh Ruantlang Bialte a enkawl hman a ni.
Pastor H. Lalbiakhluna hian a hun tawp lam January ni 8 khan
Ruantlang Bial Zotlang kohhran ah
nauhlan rawngbawlna a nei a,
ni 8 zan vek hian mi thar pakhat Ruantlang kohhranah a lawm lut bawk a ni.
General LAD
Kum 2023-2024 atana General LAD Executive Board member tur pawh
January ni 10 Thawhleh zan khan General Headquarters Office Committee room-ah
General LAD Office Bearer leh Mizoram UPC Puipa thu khawm chuan ruatna an nei a,
Heng mite hi General LAD EXECUTIVE BOARD MEMBER (2023-2024) atana ruat tharte an ni.
- H. Lalronghaki Aizawl Bawngkawn
- Lalhlupuii Aizawl Zemabawk, Falkland
- Lalrawngbawli Aizawl Dinthar
- Elizabeth Lalengkimi Aizawl Thuampui
- Lalhlimpuii Aizawl Chawlhhmun
- K. Lalengpari Aizawl Chaltlang
- Lalrinmawii Durtlang, Ramthar
- Lalzamliani Khiangte Mamit
- Ramthianghlimi Lawngtlai
- PC. Zoramthari Bilkhawthlir te an ni.
General PYD
Mizoram UPC General PYD Office Bearer leh Puipa, January ni 10 Thawhlehnia General Secretary Office Chamber, Zonuam a thu khawm chuan, kum 2023 – 2024 chhung atana General PYD Executive Board Member tur atan heng mite hi an ruat.
- Tk. Zosangliana, Shalom, Bawngkawn Bial
- Tk. Isak Malsawmtluanga, Zuangtui, Thuampui Bial
- T. Upa Lalropuia, Kanan Veng, Dinthar Bial
- T. Upa Lalduhsaka Hnamte, Ramhlun Sports Complex, Chaltlang Bial
- Zothantluanga, Mel-5, Durtlang Bial
- Lalhruaitluanga, ITI Veng, Bethlehem Bial
- Reuben H. Lalbiakpuia, Chungtlang, Reiek Bial
- John VL Chuailova, Chawlhhmun, Chawlhhmun Bial
- Lalruatkimi, Venglai, Kolasib Venglai Bial leh
- H. Lalhmachhuani, Samtlang, Headquarters Bialte an ni.
