Executive Chairman Upa Lalzirliana chu February ni 3 Zirtawpni khan Phaituol Bial Silver Jubilee hmanpui turin a zin chhuak a. Rev C. Lalawmpuia, Lecturer ATI in a tawiawm.
Executive Chairman hi February ni 6 Thawhtanni hian Aizawl a lo let leh ang.
General Superintendent Rev Thangliansanga chu JNPC inkhawmpui, February ni 5 Pathianni hmang a
Kerala a neih tur hmanpui turin a zin chhuak a. Rev Rokhuma, Kawnpui Bialtu leh Pastor Ramhmingthanga, Delhi Pastor ten an tawiawm a ni.
General Superintendent hian February ni 6 atanga ni 9 chhung hian Delhi kohhran leh Agra Mission Field-a kohhran hrang hrangte a tlawh bawk ang.
February Ni 10 hian Delhi atangin Manipur District hruaitu thlanna neih pui turin Churachanpur a pan leh dawn a.
Rengkai kohhranah Pathian chawimawina hmanpuiin, thuhril rawngbawlna a nei bawk ang.
General Superintendent hian February ni 13 Thawhtanni hian Saikot kohhran biak inah Kohhran dan thianghlima inneih rawngbawlna a buatsaih dawn a. Imphal bialtu Pastor PC Lalliansanga te a inkutsuihtir ang.
Rev Thangliansanga hi February ni 14 Thawhlehni hian Aizawl a lo let leh dawn a ni.
General Secretary Rev Saienga Sailo chu February ni 5 Pathianni hmang hian Lunglei South Bial tlawhin a zin chhuak a. Ni 6 Thawhtanni hian kohhran thil pawimawhah Sawrkar Office a dawr bawk dawn a. Ni 7 Thawhlehni hian Aizawl a lo let leh ang.
P&FB
Mizoram UPC Planning & Financial Board chu January ni 31 Thawhleh zan khan Bethlehem Vengthlang Kohhran Committee room-ah an thu khawm a. Board Chairman Upa Sawihlira’n a kaihruaia. Kohhran hmalakna tur pawimawh tak tak bakah sum sanction ngaite an sawiho.
Planning & Fianancial Board chuan Mizoram UPC Main Office atanga Dilna, Department/Bial atanga Quarters fund dilna leh Pastor Quarters sak mek chhunzawm chungchangte an sawiho va. Quarters Fund hi hmun li ah pek an rem ti a, Bial pali hnenah Pastor Quarters sak chhunzawmna tur pek an rel bawk a ni.
Heng bakah hian Mizoram UPC hnuaia Board/Department hrang hrangte hmalakna tur pawimawh tak tak an sawiho a ni.
Foreign Missions Board
Mizoram UPC Foreign Missions Board chu February ni 2 Ningani khan Chairman Upa C. Lalropianga te chenna In Ramhlun South-ah an thu khawm a. Foreign Missions Field ah kohhranin rawngbawlna zau zawk a a neih theih nan hmalak an rel. Foreign Missions Board chuan Missionary a enkawl mekte chungchang ngaihtuahin,
Lalnunkimi, Cambodia Missionary chu kohhran serh leh sang khawih phalna a pe a. Tk. Lalremruata, Bangladesh chu Missionary Pastor nihna pek a rel bawk.
Heng bakah hian Bangladesh Field-ah Biak in thar 2 hawnna pekte, Rangamati-a quarters leh biak in sak chhunzawmna tur sum sanction-te leh Nepal Field leh Shan ram, Myanmar-ah tanpuina thawnte an rel a bawk a.
Foreign Missions Board thutkhawm hi General Secretary Rev Saienga Sailo leh General Treasurer Rev Zoramthara ten an ho a ni.
GENERAL MISSIONS DEPARTMENT
General Missions Dept. Executive board chu February ni 2 Ningani khan Google meet hmanga neih a ni a. Department Chairman Upa Andrew Laldingliana a kaihruai a. Home Missions Field-a hmalakna tur pawimawh tak tak an sawiho. Executive Board meeting chuan Nagaland Field Gashpani-ah kohhran Biak in hmun tur lei nise an ti a. Upper Assam Field chhung Lalmajan kohhran tan Biak In hmun lei an rel bawk a. Home Missions Field chhunga thawktu lak belh leh Quarters thawm that chungchnagte chu an thu rel langsar zualte a ni.
Education Board
Mizoram UPC Education Board chu February ni 3 Zirtawpni khan Conference Hall, Gen Hqrts. Office Office, Zonuamah an thu khawm a.
Board enkawl school enkawl zel dan tur leh hmunhma tlawh rawtna te, Dumzau School zirtirtu lawmman chungchangte leh Sihhmui kohhran atanga dilna lutte chu an thu rel langsar zualte a ni. Education Board thutkhawm hi Chairman Upa K. Lalsangzualan a kaihruai a, Mizoram UPC Puipa Rev Saienga Sailo leh Rev Zoramthara ten an ho a ni.
