GENERAL HEADQUARTERS HRUAITUTE RAWNGBAWLNA:
Executive Chairman Upa Lalzirliana chuan February ni 26 Pathianni zan hian General PYD kumpuan hawnna a hmanpui dawn a, He hunah hian Kum puan Bu tlangzarhna a nei ang.
General Superintendent Rev Thangliansanga chuan February ni 21 Thawhlehni zan khan Champhai Kahrawt kohhranah "Zomi Special Area hawnna" hmanpuiin, Area hawnna leh Pathian hnen a hlanna a nei.
Zomi Special Area hian Mizoram chhung leh pawn a, Zomi ṭawng hmang zawng zawng te, Pathian thuthlunga hnuh hnaihte leh Zomi ṭawng a rawngbawlna te chu kalpui a tum ber a ni.
General Superintent hian February ni 22 Nilaini khan Ruantlang Bial chhunga kohhran ding thar, Khawmawi kohhran a tlawh bawk a. Biak in hmun hma te a hmunah kalin a enfiah.
Khawmawi khua hi Myanmar ramchhung, Ṭiau bula awm a ni a, Ruantlang Bial enkawlna hnuaia awm tura ruahmanna siam phawt a ni.
General Superintendent Rev Thangliansanga chuan February ni 24 Zirtawp zan atang khan Lengpui kohhrana Pathian Chawimawina ah thuhril rawngbawlna a nei a, Pathianni zan thleng hian hun a hmang ang.
General Secretary Rev Saienga Sailo chuan February ni 25 Inrinni hian Sakawrtuichhun kohhrante Seminar a neih pui dawn a, Sakawrtuichhun kohhran Inrinni zan inkhawmah
thuhril rawngbawlna a nei bawk ang.
General Secretary hian February ni 26 Pathianni zan hian General PYD kum puan hawnna leh thuhril rawngbawlna a nei bawk ang.
General Treasurer Rev Zoramthara chu February ni 25 Inrinni atang hian Kawrthah Bial LAD & PYD Joint Inkhawmpui hmanpui turin a zin chhuak a. Inkhawmpuiah hian Speaker a ni ang.
Rev HT Vanlalengmawia, Secretary General SS Dept. chuan February ni 25 Inrinni hian Bazar Bial SS Seminar, Bazar kohhranah a neihpui ang.
Rev PC Parliana, Area Secretary chu February ni 21 Thawhlehni khan Chhim biala Pastor Quarters sak mek enfiah turin a zin chhuak a. Upa K.Lalzarliana, Hnahthial chuan a tawiawm.
Area Secretary hian Thingfal, Niawhtlang leh Vathuampui Pastor Quarters te an tlawh a. ni 23 Ningani khan Siaha leh Lawngtlai Dist hruaitu te nen Joint revival neih dan turte sawihoin
inkawm hona Lawngtlaiah a neihpui bawk.
Rev PC Parliana hi ni 24 Zirtawpni khan Hmawngbu bial inkhawmpui hmanpuiin a zin chhuak bawk a, inkhawmpuiah hian thuhril rawngbawlna a nei dawn a ni.
Area Secretary hi February ni 27 hian Lunglei a let ang.
General Missions Dept
General Missions Department Executive Board chu February ni 20 Thawhtanni khan Conference Room, Mizoram UPC Office, Zonuam ah an thu khawm a. Board Chairman Upa Andrew Laldingliana kaihhruai chuan General Missions Department hmalakan tur pawimawh tak tak an sawiho va. Area Co-ordination Board an ruat thar.
General Missions Dept. Executive Board chuan Area Co-ordination Board hruaitu ni mekte term tawp tak avangin kum 2023-2024 chhung atan hruaitu thar an ruat a.
Chairman: Pastor Andrew L Singson, Guwahati.
Secretary: Pastor LK Dongliana, North Bengal leh
Treasurer atan Nelson Laltanpuia, Arunachal Pradesh te an ni.
North Bengal Field-a Pentecost Missions School Building sak that chungchangte, Home Missions hnuaia Voluntary workers 3, Fixed Pay-a hlan kai te, Missions field-a thawktu lak belh chungchangte, Area leh Field hrang hranga Biak in leh quarters thawm that chungchangte chu an thurel langsar zual a ni a, Meeting hi Rev Saienga Sailo, General Secretary-in a ho a ni.
L&PB
Mizoram UPC Literature Committee chu February ni 24 Zirtawpni khan ATI Office Durtlang-ah an thu khawm a. Puipa Rev Thangliansanga General Superintendent leh Rev Saienga Sailo General Secretary ten an ho.
Meeting hi Board Chairman Rev Dr. Ngurhanthara Sailo in a kaihruai a, Mizoram UPC Calendar Copy 15,000 siam rawtna, Kohhran mal chanchin zirtu Sub Committee din that rawtna, Kohhran hlabu hma lak dan tur,Lengkhawm zai intihsiakna neih chungchang, Library, Archive Cell chungchangte leh Genesis atanga Thupuan hrilhfiahna bu siam dan tur chungchangte chu an thurel langsar zualte a ni.
L&PB chuan Kohhran mal chanchin zirtu Sub Committee hruaitu atan
Chairman:- Rev. Saienga Sailo
Secretary:- Upa Lalthlamuana
Member
- Upa Laldinthara
- Upa Dr. Zonunmawia
- T. Upa Misael Lalremtluanga te an ruat a ni.
Tuichangral District
Tuichangral District hruaitu thlanna February ni 21 Thawhlehni khan Champhai Zion veng kohhran Biak inah, General Superintendent Rev. Thangliansanga kaihhruaina a neih a ni a. Exe. Chairman Upa Lalzirliana’n inthlanna hi a ho bawk.
Kum 2023-2024 chhunga Tuichangral District hruaitu atana thlan tharte chu
District Chairman : Upa R. Chalzawna Khawzawl Vengthar bial
District Secretary : Upa MS Dawngzela, Ruantlang bial
District Treasurer : Upa Lalropuia Sailo, Champhai bial
District Supt: Pastor Lalhmachhuana, Dilkawn bial
Executive Committee member : Upa R. Kawlchhawna, Rabung bial
Pastor Zion Ramngaia, Khawzawl vengthar bial
Pastoral Board member
Upa Vanlalkima, Champhai bial
Sub- Pastoral Board
Chairman : Upa Ramnghinglova, Champhai bial
Secretary : Upa Zoramchhuana, Hnahlan bial te an ni.
LUNGLEI DISTRICT
Lunglei District hruaitu thlanna February ni 21 Thawhlehni khan Area Secretary Revd PC Parliana kaihhruaina a neih a ni a. Kum 2023-2024 chhung atan heng mite hi thlan an ni.
District Chairman: Upa PL Biakmawia, Lunglei South Bial
District Secretary: Upa F.Lalnunzira, Rahsiveng Bial
District Treasurer: Revd. K.Zoramchhanthanga, Hnahthial Bial
District Superintendent: Revd.Lalhmunngheta, Lunglei South Bial
Executive committee member
Upa Hautluanga, Thingsai Bial
Revd.Lalngaizuala, Rahsiveng Bial
Pastoral Board member
Upa Lalhmuzuala Sailo Lunglei South
Sub-Pastoral Board
Chairman: Upa Petera, Rahsiveng Bial
Secretary: Upa Jerafima, Hnahthial Bial
Pentecostal Crusade Committee
Chairman: Upa C.Lalngaihsaka, Rahsiveng Bial
Secretary: Upa T.Lalhmangaihzuala, Lunglei South
Treasurer: Upa J.Lalzekima, Lunglei South te an ni a.
He mi ni hian hruaitu tharte hian charge an la fel nghal a ni.
