GENERAL HEADQUARTERS HRUAITUTE PROGRAMME
General Secretary Rev Saienga Sailo chu March ni 5 Pathianni hmanga neih tur Chaltlang Bial LAD inkhawmpuiah Speaker a ni ang.
Rev T. Laldingliana, Secretary General Missions Dept. chuan Chawlhhmun Bial LAD inkhawmpui March ni 5 Pathianni hmanga neih tur chu a hmanpui dawn a. Pathianni chawhmaah thuhril rawngbawlna a nei anga, Missions Appeal a nei bawk ang.
Rev PC Parliana Area Secretary chuan March ni 5 Pathianni hmang hian Thingfal bial inkhawmpui a hmanpui dawn a. Leadership training cum Seminar a neihpui bawk ang.
GENERAL PYD
GPYD Kumpuan hawnna & hruaitu inhlan tharna neih a ni.
General PYD Kumpuan ’Thuthlunga Rinawmna’ (Sam 44:17) tih chu February Ni 26 (Pathianni) zan dar 7:00 khan Bawngkawn Mizoram UPC Biak inah hawnna hun hman a ni a, Upa R Vanlalruata, President, GPYD chuan inkhawm hi a kaihruai.
Kum Puan hawnna hi Mizoram UPC general secretary Rev. Saienga Sailo chuan a nei a, kumpuan thupui zir tur lehkhabu tlangzarhna hun a hmang nghal bawk a. General Secretary hnen atang hian Thuthlunga rinawm tura fuihna thu tha tak ngaihthlak a ni bawk.
PYD kum puan hawnna inkhawmah hian ruat bik zaithiam Lalruatsangi, Bethlehem vengthlang, Rebek Vanlalnunpuii, Thingsulthliah leh Gersom Laltanpuia Sailo, Chaltlang ten zai rawngbawlna an nei a ni.
GPYD OB, EBM leh Committee peng hruaitute chuan February ni 26 (Pathianni) chawhnu dar 1:30 khan inhlantharna hun Bawngkawn Mizoram UPC biak inah an nei bawk a.
Upa R.Vanlalruata, President, GPYD chuan inkhawm hi kaihruaiin, he hunah hian John Zothansanga, Secretary, GPYD chuan hruaitu hrang hrang inhmelhriattirna a nei a ni.
Upa Mesak Vanlalthlana, Assistant Secretary, GPYD hnen atangin Committee peng hrang hrangte din chhan leh kalphung sawifiahna ngaihthlak a ni a. Upa H Vanlaldika, Vice President, GPYD hnen atangin Pathian thu leh fuihna thu ngaihthlak a ni bawk.
Gen PYD Hruaitu inhlantharna hunah hian Committee peng hrang hrang Chairman/Editor ten thusawina hun an hmang bawk a ni.
