General Superintendent Rev Thangliansanga chuan March ni 10 Zirtawp zan atang khan Tuikual kohhrana Pathian chawimawinaah thuhril rawngbawlna a nei a. Pathianni zan thleng hun a hmang ang.
General Secretary Rev Saienga Sailo chuan LAD Day March ni 12 chu Bungkawn kohhran LAD te a hmanpui dawn a. Pathianni chawhmaah Thuhril rawngbawlna a nei ang.
General Treasurer Rev Zoramthara chu March ni 11 Inrinni hian Shillong Bial tlawhin a zin chhuak a. March ni 14 Thawhlehni khian Aizawl a lo let leh ang.
Rev T. Laldingliana, Secretary General Missions Dept chu Vairengte Bial Misisons Dept inkhawmpui hmanpui turin a zin chhuak bawk.
Pastor Seminar
Mizoram UPC Pastor Seminar nihnih awh chu March ni 8 leh ni 9 khan Mizoram UPC General Headquarters Office, Zonuamah neih a ni.
Pastor Seminar hi Mizoram UPC General Superintendent Rev Thangliansanga’n a kaihruai a. Seminar thawh khatna hi chawhma leh chawhnu session-a then niin, Chawhma hunah hian Rev HT Vanlalengmawian Hunserh a hmanga, Mizoram UPC Executive Chairman Upa Lalzirliana’n Pastor-te fuihna tih thupui hmangin kal khawmte zirtirna a pe. Chawhnu hun Pathian hnena hlanna Rev P. Lalrinawma’n nei velehin, General Treasurer Rev. Zoramthara’n Financial Matter & Rules thupui hmangin paper a present bawk a ni.
Pastor Seminar nihnihna pawh hi session 2-ah then leh a ni a. Chawhma hunah Rev T. Laldingliana, hunserh hmangin, General Secretary Rev Saienga Sailo hnen atangin Pastoral Ministry tih thupui zirho leh a ni a. Chawhnu ah tan na hun Rev PC Parliana’n a hmang bawk a. General Superintendent Rev Thangliansanga’n Mizoram UPC Movement tih hmangin Paper a present thung a ni.
Seminar paper zirhona neih piah lamah hian, Pastor rual kalkhawmte hian sawihona an neih chhunzawm bawk a. Seminar-ah hian Mizoram chhhung bakah, Mizoram pawn leh ram thenawm atangin Pastor mi 95 an tel a ni.
Bethani Childrens Home
Bethani Children's Home Society Board chu March ni 7 Thawhlehni khan Conference hall, Mizoram UPC Office , Zonuamah an thu khawm a. Chairman Upa Dr Saingura'n kaihruaiin, Mizoram UPC Puipaten an ho.
Board thu khawm chuan Bethani Home hmuna tui harsatna sut kian dan turte an ngaihtuaha, Home hmun hma tih changtlunna tur leh home hmasawnna tur hrang hrangte an sawiho bawk a ni.
General PYD
Genreral PYD hruaitute chu kum 2023 General PYD Inkhawmpui lian hmanna tur, Serchhip Bial tlawhin March ni 11 Inrinni khan an zin chhuak.
Inrinni chawhnu lamah Serchhip khawtlang hruaitute nen inkawmna an nei dawn a. Inrinni zan, Pathianni chawhma, chawhnu leh zanah Serchhip Hebron Kohhrante an inkhawmpui ang.
March ni 11 Inrinni Zan hian John Zothansanga, Secretary, General PYD chuan thuhril rawngbawlna a nei dawn a. Pathianni Chawhma SS zirtirna Hebron kohhranah hian Upa H. Vanlaldika, Vice President, General PYD-in a nei bawk ang. Pathianni Chawhnuah Upa Mesak Vanlalthlana, Asst. Secretary, General PYD in thuhril rawngbawlna a nei veleh a nga, Pathianni chawhnu inkhawm ban hian General PYD Inkhawmpui lian kum 2023 Organising Committee-te nen inkawmhona an nei bawk ang.
Pathianni Zan inkhawmah Upa R. Vanlalruata, President, General PYD-in thuhril rawngbawlna a nei thung dawn a ni. Generral PYD hruaitute hi March ni 13, Thawhtanni hian Aizawl an let leh dawn a ni.
