General Superintendent Rev. Thangliansanga chu March ni 15 Nilaini khan Delhi Field tlawhin a zin chhuak a. Pathianni hmanga Delhi Crusdae neih tur a hmanpui ang.
General Superintendent hi March ni 24 Zirtawpni hian Aizawl a lo let leh dawna ni.
General Secretary Rev. Saienga Sailo chu Kolasib Venglai Bial kohhranpui inkhawmpui hmanpui turin March ni 17 khan a zin chhuak a. Inkhawmpuiah hian Speaker a ni dawn a,
Pathianni zan thleng thuhril rawngbawlna a nei dawn a ni.
General Treasurer Rev Zoramthara chuan March ni 14 Thawhlehni khan Hmarkhawlien kohhran tlawhin Biakin leh Pastor quarters sakna hmun turte a hmunah kalin a enfiah a,
Rev. Gospelthanga, Bazar Bialtu, Pastor Lalnunzama, Lungpho Bialtu leh Tirkoh D. Lalawmpuia, North izoram Dist. Sub pastor board secretary ten an tawiawm.
General Treasurer hian Headquarters bial inkhawmpui, March ni 19 Pathianni hmanga neih tur chu a hmanpui bawk dawn a. Member boral sunna hun a nei ang.
Rev. T. Laldingliana, Secretary General Missions Dept chu Rabung Bial Missions Dept Inkhawmpui Aiduzawla neih tur hmanpui turin March ni 17 Zirtawpni khan a zin chhuak a. Inkhawmpuiah hian Speaker a ni dawn a ni.
Rev HT Vanlalengmawia, Secretary General SS Dept chuan March ni 19 Pathianni chawhnu hian Dinthar Bial chhunga Puitling SS zirtirtute Tuikual kohhran biak inah Seminar a neih pui ang.
M&PB
Mizoram UPC Media & Publicity Board, March ni 16 Ningani a thu khawm chuan Summer Live Crusade buatsaih a rel.
Board thutkhawm hi Chairman Upa Lalthlamuana Hnamte kaihhruaina hnuaiah neih a ni a, Media hmalakna tur pawimawh tak tak sawihovin, April ni 11-14 2023 chhung hian Summer Live Crusade buatsaih an rel a, Rev Thangliansanga, General Superintendent chu Speaker a ni ang.
Pandal Stucture Committee
Mizoram UPC Pandal Structure Committee, March ni 10 Zirtawpni a General Secretary Quarters a thu khawm chuan Pandal Structure thawm that dan turte sawi hovin, kumin chhunga committee hmalakna tur pawimawh tak tak an rel.
Meeting hi Upa K. Lalnuntluanga, Chairman in a kaihruai a, Plastic chair leite, Structure rawng hnawih thar rawtnate leh Budget siamrem rawtna te chu an thurel langsar zualte a ni.
GENERAL PYD
General PYD hruaitute leh Serchhip Sub Headquarters YMA hruaitute inkawm.
March ni 11 leh ni 12 Pathianni hmang khan kum 2023 PYD Inkhawmpui neihna hmun tur Serchhip tlawhin General PYD hruaitute an zin chhuak a. Pastor quarter ah Serchhip Bial PYD hruaitute leh PYD inkhawmpui Organizing Committee ten an lo dawngsawng.
March ni 11 Inrinni chawhnu khan Serchhip YMA Sub-Headquarter Office ah inkawmhona hi an nei a. Inkhawmpui Pandal zarna tur Leisekawt field hmunah kalin an enfiah bawk.
GPYD Hruaitute hi Hebron kohhran chuan an thleng a. Inrinni zanah Pathian biak inkhawm an pual a neih niin, Inirnni zan hian John Zothansanga, Secretary GPYD hnen atangin Pathian thu chah ngaihthlak a ni.
Pathianni Chawhma Sunday School hun pawh General PYD puala dah a ni a. Zirtirna Upa H. Vanlaldika, Vice President, GPYD chuan a nei a. Pathianni chawhnuah T. Upa Mesak Vanlalthlana, Asst. Secretary, GPYD in thuhrilna hun a nei thung a ni.
Pathainni Chawhnu inkhawm banah kum 2023 PYD Inkhawmpui Organising Committee te nen inkawmhona an nei bawk a, thawhhona tha zawk leh inkhawmpui chungchanga
tul leh pawimawhte an sawiho a ni.
Pathianni zan ah General PYD puala inkhawmna neih chhunzawm a ni a. General PYD President Upa R. Vanlalruata'n thuhril rawngbawlna a nei a. General PYD hruaitute feh chhuah programme-ah hian Tk. Lalpianpuia leh Rebek Vanlalnunpuii ten zai rawngbawlna inkhawm apiangin an nei thin a ni.
GPYD Hruaitu te hi ni 13 (Thawhtanni) khan Aizawl an let leh a ni.
General PYD Executive Board vawi 208-na chu Bawngkawn, Shalom kohhran Biakinah March ni 14, Thawhlehni zan khan an thu khawm a. Rev. Saienga Sailo, General Secretary chuan a ho.
General PYD Executive Board chuan Seminar paper "Hmasawnna" Rev. T. Laldingliana, General Missions Secretary buatsaih chu English leh Hindi tawng a lehlin nise an ti a, tawng leh lin hna thawk tu atan John Zothansanga Secretary, General PYD leh Dr. Kathy Rohlupuii te chu an ruat nghal a ni.
Heng bakah hian Social Wing Committee hnenah Blood donation pualin Rs. 1,00,000/- pek an rem ti a, Literature Committee buatsaih Article inziahsiak sennso atan sum an sanction bawk.
Dilkawn bial PYD inkhawmpui April ni 28 – 30 chhunga neih tur hmanpui turin Upa Mesak Vanlalthlana, Asst. Secretary leh EBM te
Tk. Zosangliana, Upa Lalropuia, Upa Lalduhsaka Hnamte leh Upa John V.L. Chuailova te an ruat bawk.
General PYD Executive Board chuan GPYD Hruaitu inhlan tharna leh Kumpuan hawnna an thlir leta, Kum 2023 General PYD inkhawmpui nghahna Serchhip tlawh thlirletna an nei bawk. General PYD chuan Bawngkawn kohhran leh Serchhip Bialte an lo dawnsawnna ah lawm thu an sawi a ni.
General PYD executive Board thutkhawmah hian GPYD hnuaia Committee peng hrang hrangten hma an lak dan report an pe a. GPYD hmalakna tur hrang hrang pawimawh tak tak rel a ni bawk a ni.
