PUIPA PROGRAMME
General Secretary Rev. Saienga Sailo chuan N. Vanlaiphai Bial inkhawmpui hmanpui turin March ni 25 Inrinni hian a zin chhuak dawn a, Pathianni zan thleng hian thuhril rawngbawlna a nei ang.
Inkhawmpui hi Khawlailung kohhranah zanin atang hian neih a ni dawn.
General Secretary hian March ni 27 Thawhtanni a Khawlailung kohhrana Pathian chawimawina inkhawm neih tur chu a hmanpui nghal dawn a, March ni 28 Thawhlehni ah Aizawl a lo let leh ang.
General Treasurer Rev Zoramthara chu Senvon bial inkhawmpui hmanpuiin March ni 25 Inrinni hian a zin chhuak dawn a. A cham chhung hian Senvon Bial Pastor quarters leh Pentecost Mission School-te a hmunah kalin a tlawh ang. General Treasurer hi Upa Dr. Zonunmawia, Secretary Education board chuan a tawiawm dawn a.
March ni 27 Thawhtanni hian Aizawl an lo let leh ang.
General SS
Rev HT Vanlalengmawia, Secretary General SS Dept chu Kolasib Venglai Bial SS Seminar cum revival hmanpui turin March ni 25 Inrinni hian a zin chhuak dawn a, Naktuk chhunah Seminar a neih pui nghal a nga, Inrinni zan atanga Pathianni zan thleng revival inkhawmah thuhril rawngbawlna a nei bawk ang.
General SS Dept Secretary hi March ni 27 Thawhtanni hian Aizawl a lo let leh dawn a ni.
Area Secretary
Revd P.C. Parliana, Area Secretary Southern Zone chuan March ni 26 Pathianni hmang hian Lawngtlai Dist Crusade, Sangau-ah a hmanpui ang.
General Missons
Ms Dawngliani Treasurer, General Missions Dept chu March ni 24 Zirtawpni khan Guwahati Field Conference March ni 26 Pathianni hmanga Tura hmuna neih tur hmanpui turin a zin chhuak bawk.
RAMTHAR DISTRICT
Ramthar district hruaitu thlanna chu March ni 15 Nilaini khan Mizoram UPC Executive Chairman Upa Lalazirliana kaihhruaina hnuaiah Hmarkhawlian kohhran Biakinah neih a ni a.
Executive Chairman hi Rev. C. Lalremsanga, Bethlehem Bialtu Pastor, Tirkoh D. Lalawmpuia, North Mizoram Dist. Sub Pastor board secretary ten an tawiawm.
Kum 2023 leh 24 chhung atana Ramthar District hruaitu thla tharte chu.
Dist. Superintendent - Rev. Lienkholal Singson, Halflong Bial
Dist. Chairman - Tirkoh Emmanuel Lalawmpuia, Barak Valley Bial
Dist. Secretary - Tirkoh Zangkhawhao, Jiri Bial
Dist. Treasurer - Pastor Lalnunthara, Shillong Bial
Executive Committee members
Rev. W. Amenthanga, Barak Valley Bial
Upa Zangkholet, Jiri Bial
Pastoral board member
Tirkoh Ngurlianvela Varte, Barak Valley Bial te an ni.
Ramthar District hruaitu thlanna neih zawh a nih hnu hian Hmarkhawlian Biakin sak tur lungphum, Upa Lalzirliana, Executive Chairman chuan a phum bawk.
