General Headquarters hruaitute programme:
Executive Chairman Upa Lalzirliana chu March ni 31 Zirtawpni khan Kawrthah Bial West Bunghmun kohhrana Pathian chawimawina hmanpui turin a zin chhuak a. Chawimawina Programme-ah hian Pathian zan thleng thuhril rawngbawlna a nei ang.
General Superintendent Rev Thangliansanga chu March ni 31 Zirtawpni khan Lawngtlai Chanmari veng kohhrana Pathian chawimawina hmanpui turin a zin chhuak a, Zirtawp zan atang khan thuhril rawngbawlna a nei a. Pathianni zan thleng hian rawngbawlna ni a neih chhunzawm ang.
General Superintendent hian Pathianni chawhnu hian Lawngtlai bial chhunga rawngbawltu chinte Seminar a neih pui bawk ang.
General Secretary Rev Saienga Sailo leh General Treasurer Rev Zoramtharate chu April ni 2 Pathianni hmang hian Reiek Bial an tlawh dawn a, kohhran hote inkhawmpuina an neih bakah Bial hruaitute nen inkhawmho an nei ang.
Rev T. Laldingliana, Secretary General Missions Dept chuan April ni 1 Inrinni zan atang hian Chawlhhmun Bial chhungah Missions Campaign neiin Inrinni zanah Industry veng Kohhranah, Pathianni chawhmaah Tanhril Kohhranah Pathianni zanah Central Jail Veng Kohhranahte thuhril rawngbawlna a nei dawn a ni.
Areas Secretary
Rev PC Parliana Area Secretary chuan April ni 2 Pathianni hmanga Lunglei South Bial Missions Department Inkhawmpui neih tur chu a hmanpui ang.
M&PB Chairman
M&PB Chairman Upa Lalthlamuana Hnamte chuan April ni 1 Inrinni hian Hortoki kohhran Biak In thar a hawng dawn a, April ni 2 Pathianni hmanga Kawnpui Bial inkhawmpui Hortoki kohhrana neih turah Speaker a ni bawk ang.
Puipa Committee
Mizoram UPC Puipa Committee chu March ni 30 Ningani khan an thu khawm a. Pastor Seminar neih zawh tak thlir letna te neiin, kohhran hmalakna tur pawimawh tak tak an sawiho.
Puipa committee chuan Executive Committee leh Pastoral Board thut hun a nghet a neih tha a ti a.
Kum chanve Pastoral Board - June chawlhkar lina Thawhlehniah
Kum chanve Executive Committee - June chawlhkar lina Nilaini leh Ninganiah
Kum tawp Pastoral Board - December chawlhkar hnihna Thawhlehniah
Kum tawp Executive Committee - December chawlhkar hnihna Nilaini leh Ninganiah te ruahmanna a siam a. Kohhran Calendar-a tarlan tel nise an ti bawk a ni.
Heng bakah hian ABTS New Delhi-a Hebrew leh Greek tawng zir duhte tan April ni 15 thleng dilna hun hawn nise an ti a. Relief Fund atangin kohhran chhungkua a harsatna tawk mi parukte hnenah tanpuina sum fai hlan an rel bawk.
Mizoram UPC Puipa committee chuan General Assembly ro rel, ram pum huapa in ang khat a hman tur, Hlamzuih sawngbawl dan leh Sacrmanet uain chungchangte an sawiho bawk a ni.
P&FB
Mizoram UPC P&FB chu March ni 29 Nilaini khan Conference Hall, General Headquarters Office-ah an thu khawm a. kum 2022 Audit Report-te an thlir ho. Board meeting hi Chairman Upa Sawihlira’n a kaihruai a. Kohhran hmunhma, biak in leh Pastor Quarters thawm that ngai leh hmun ram lei belh chungchang te chu an thu rel langsar zual a ni a.
P&FB chuan Senvon Bial Pastor Quarters hmun tur lei nise an ti a, Rawngmen kohhran tan Biak In hmun lei an rel bawk.
Jowai hmuna thlan mual tur ram lei bakah Edenthar BSUP a Biak in hmun tur leite an rel bawk.
P&FB chuan kum hlui Audit report an thlir ho atangin Account hrang hrang vawngtute thawhrimna ropui an ti a, An chungah an lawm hle a ni.
Gen Missions Dept
General Missions Dept. Executive Board chu March ni 30 Ningani zan khan Conference Hall, General Headquarters Office-ah an thu khawm a.
Missions hmalakan tur pawimawh tak tak an sawiho.
Board Meeting hi Chairman Upa Andrew Laldingliana’n a kaihruai a, Mizoram UPC puipa ten an ho a ni.
Meeting-ah hian Pentecost Mission School (PMS) Staff Regularisation Scheme 2023 duan thar chu en hova pawm a ni a.
Regularisation Scheme ang chuan PMS a thawktute chu April ni 1, 2023 atang hian Pay Structure thar duan angin Pay tha zawk leh sang zawk an la tawh dawn a ni.
Field lama thawktu in daih tawk lohna avangin Meeting chuan Missionary tur Grade C(Jr) post 2 leh Grade B (Jr-I) post pakhat lak thar a rel a.
PMS Principal post thar siamte, Manipur Field, Bishnupur Quarters sak țhat nana sum pekte, Manipur Field, Wangbal Biak In sak zawh na tur sum pekte chu General Missions Dept Executive Board thu rel langsar zualte an ni a.
Odisha a awm mek Pastor Melory Vanlalfingfela chu Kolkata Field-ah Missionary atan Meeting chuan a transfer bawk a ni.
Gen LAD
General LAD hruaitute feh chhuak.
March ni 3 atanga ni 5 Pathianni hmang khan General LAD hruaitute F.Lalthansangi, Secretary, Lalronghaki EBM leh Lalhlimpuii EBM te chuan Thingfal Bial tlawhin,
Bial inkhawmpui an hmanpui a,an cham chhung hian Inrinni ah Seminar neih puiin, Nu mawhphurhna tih leh Incheina tih thupui an zirho.
March ni 26 Pathianni hmang khan General LAD hruaitute H Laltanpuii, Treasurer, Lalrinmawii EBM leh PC Zoramthari EBM te chuan Thingsai bial tlawhin Thingsai kohhranah Bial LAD te nen hun an hmang. March ni 25 Inrinni zan atangin Bial huap revival inkhawm an nei a. PC Zoramthari EBM hnen atangin Pathian thu chah ngaihthlak niin, Pathianni chawhmaah H Laltanpuii, Treasurer Gen LAD chuan thuhril rawngbawlna a nei thunga, Pathianni chawhnuah General LAD hruaitute kaihhruaina hnuaiah Seminar
nei veleh niin, Thianghlimna tih leh Nu mawhphurhna tih thupui an zirhova a, zan lamah revival inkhawm neih chhunzawmin Lalrinmawii EBM hnen atangin Pathian thu chah ngaihthlak a ni.
GENERAL PYD
Social Wing Committee, General PYD buatsaihin March ni 18 (Inrinni) khan Central YMA Hall, Tuikhuahtlang-ah Blood Donation Camp (thawh khatna) neih a ni a.
Civil Hospital Blood Bank-a thawktuten a hmunah kal chilhin, Aizawl khawpui leh a chheh vel bial hrang hrang atangin thisen Unit 121 pek a ni.
Thisen pek runpuiah hian chawhma dar 10:00 ah hunserh hman niin, Upa R. Vanlalruata, President, General PYD chuan kum 2022 Gen eral PYD Inkhawmpui rorel kan tihlawtling thei chu lawmmawm a tih thu a sawi.
General PYD Blood Donation Camp thawh khatnaah hian Aizawl khawpui leh a chheh vel bial hrang hrang 13 Bethlehem, Chaltlang, Chawlhhmun, Headquarters, Thuampui, Dinthar, Sairang, Reiek, Lengpui, Thingsulthliah, Bungkawn, Bazar leh Zemabawk Bial atangin Hmeichhia -28 & Mipa -93 ten thisen unit 121 an pe a ni.
March ni 25 Inrinni khan General PYD Blood Donation Camp thawh hnihna hi Civil Hospital Blood Bank-ah neih chhunzawm a ni a. Aizawl leh a chheh vel bial hrang hrang atangin thisen Unit 129 pek a ni.
Thisen pek runpui thawhnihna hi Upa H Vanlaldika, Vice President, General PYD chuan kaihruaiin, hunserh a hmang a. Thisen pek thawh hnihna ah hian Aibawk, Bazar, Bungkawn, Bawngkawn, Durtlang, Zemabawk leh Thingsulthliah Bial PYD-te bakah thisen pek thawh khatna neih zawh taka thisen pe remchang lo Bial thenkhat atangin
thisen unit 129, hmeichhia 24 & Mipa – 105 ten an pe a ni. General PYD buatsaiha rampum huap thisen pek runpui ah hian District dang leh Missions Field thenkhatah pawh thisen pek a ni a. Hriat theih chinah
- Aizawl District atangin : Unit 250
- Kolasib District atang: Unit 100
- Mamit District atang: Unit 26
- Agra Field PYD atang: Unit 8 leh
- Delhi PYD atang: Unit 4
A vaiin thisen unit 388 pek a ni tawh a ni.
Social Wing Committee, General PYD chuan thisen pe tute zawng zawng chungah thinlung takin lawm thu a sawi a, District hrang hranga thisen pek buatsaih hmabak la awmah pawh thahnemngai taka pe zel turin PYD member-te a sawm a ni.
