General Treasurer Rev Zoramthara chu April ni 14 Zirtawpni khan Lengpui Bial inkhawmpui Dilzawla neih tur hmanpui turin a zin chhuak a. Inkhawmpuiah hian Speaker a ni ang. General Treasurer hian April ni 16 hian Dilzawl kohhran Biak In Pathian hnena hlanan leh hawnna a nei bawk dawn a. Pathianni zan thleng a cham a nga, April ni 17 Thawhtanni hian Aizawl a lo let leh ang. General Treasurer hi Upa. V. Thangchuanga Khawthlang district chairmam, Muani leh ZirtirLalhruaichhunga Media incharge ten an tawiawm a ni.
Area Secretary Rev PC Parliana chu April ni 14 Zirtawpni khan Thingsai Bial Seminar cum revival hmanpui turin a zin chhuak. Area Secretary hian April ni 15 vawiin hian Thingsai Bial chhunga kohhran committee chinte Seminar a neih pui anga, zanin Atanga Pathianni zan thleng hian revival inkhawmah thuhril rawngbawlna a nei ang.
PUIPA Committee
Mizoram UPC rorelna sang ber General Assembly-in Hebrew leh Grik zir tur intirh ni se tia a rel tawh chu, Puipa Committee hmalakna in Apostolic Biblical Theological Seminary, (ABTS) New Delhi te nen thawhhona ziah a ni a.
Puipa Committee chuan ABTS hmuna Hebrai leh Grik zir turin ATI Graduate tawh te atanga intirh nise an ti a. Puipa Committee chuan Dil duhte tan dilna hun zau tak siamin April ni 15 thleng hun an hawng a. Diltute hi Puipa Committee chuan Screening a neih pui leh dawn a ni.
Gen Ss Dept.
Mizoram UPC General SS Dept. Executive Board chu April ni 10 Thawhtanni khan Board Chairman Upa Lalnuntluanga Chhangte te inah an thu khawm a, Naupang SS Zirlaibu kum 2-na Hindi leh Saptawng a lehlin an rel.
Executive Board thutkhawm hi Chairman Upa Lalnuntluanga Chhangte-in a kaihruaia, Naupang SS Zirlaibu kum 2-na Beginners, Senior leh Doctrine zirbu chhut belhte, Kum 2024 Puitling SS Zirbu copy 8500 siam rawtnate, Naupang SS Zirbu kum 2-na Hindi, English, Thado leh Reang tawnga lehlinte chu An thurel langsar zualte a ni.
Heng bakah hian Executive Board member puala Training buatsaihte leh General SS Dept. Stock room sak mek chak lehzuala bawhzui an rel bawk.
General SS Dept Executive Board thu khawm chuan kohhran 6, Durtlang Mualveng, Chuhvel, Ngaisingpara, Bukvannei, Kawnzar leh Zamuang kohhran te hnenah SS Hall sak tanpuina an pe bawk a. Mizoram UPC Media & Publicity kaltlanga Naupang SS programme buatsaihte an rel bawk a ni.
General Missions Dept.
Mizoram UPC General Missions Dept hnuaiah Missionary post ruak pali Grade B (Jr-1) pakhat, Grade B (Jr-2) pakhat leh Grade C (Jr) pakhat a awm a. Dil duh tan May ni 22 2023 ral hmain Rev T. laldingliana, Secretary, General Missions Dept hnenah, Dilna lehkha ah ziakin thehluh tur a ni.
Grade B Jr-1 leh Grade C (Jr) te hi ATI Graduate emaw pawl 12 pass chin tan dil theih a ni a. Grade B (Jr-2) hi Graduate chunglam B.Ed Degree neite tan dil theih a ni a, Hindi thiam chu duhsak bik an ni ang.
Missionary lakna Written Test hi May ni 26 Zirtawp chawhma dar 10:30 ah Mizoram UPC Office, Zonuamah neih tur a ni a. May ni 27 Inrinni chawhma dar 10:30 ah Personal Interview neih a ni bawk ang.
L&PB
Mizoram UPC Literature & Publication Board chuan, April ni 10 Thawhtanni khan Shalom Kohhran Biak in ah Meeting an nei a. Bible hrilhfiahna bu Sub-committee an din.
Meeting-ah hian L&PB hmalakna a lehkhabu tih chhuah tur chungchangte sawiho a ni a,
Kum 2023 Beihrual bu (Kohhran humhalhna), Rev. P. Lalrinawma ziakte, Thil ti thei Isua hminga baptisma chan : Pastor K. Lalhmingsangzuala ziakte leh Kawhhmuhtu: Upa R. Lalropuia ziakte chu L&PB hminga tih chhuah nise an ti a, Kum 2022 General Assembly in, Genesis atanga Thupuan hrilhfiahna bu siam rawtna a pawm chu bawhuzi an rel bawk a. Bible hrilhfiahna bu Sub-committee hruaitu atan heng mite hi an ruat.
Chairman : Rev. Hc Lalthlamuana
Secretary : T. Upa Misael Lalremtluanga
Members :
Rev. C. Liansanga
Upa Lalrinawma Sailo leh
Upa Lalnuntluanga Sailo te an ni.
Heng bakah hian L&PB chuan Archive Cell hmalak dan tur chungchangte leh Kohhran YouTube channel (Pentecost)-a L&PB hminga programme neih te an rel bawk a ni.
General news
Kawnpui Bial Pastor hmun ram lei fel a ni.
April ni 13 Ningani khan Kawnpui Bial Pastor Quarters hmun ram tur, Pu Lalnuntluanga, Kawnpui Venglai ram chu lei fel a ni a. General Treasurer Office Zonuam-ah ram neitute leh Mizoram UPC Puipa te in dawrin he hunah hian pawisa fai leh LSC te in hlan fel nghal a ni.
General Headquarters aiawhin Puipa pathum General Superintendent Rev Thangliansanga, Rev Saienga Sailo, General Secretary leh Rev Zoramthara General Treasurer ten hming an sign a, Ram neitu Pu Lalnuntluanga’n hming a ziah hnan bawk. He hun hi Upa R. Lalropuia, Office Superintendent General Headquarters Office chuan a telpui bawk a ni.
General news
Summer Live Crusade tluang taka neih zawh a ni.
Mizoram UPC Media & Publicity Board buatsaih Summer Live Crusade zan 4 awh chu April ni 11 atanga ni 14 chhung khan Mizoram UPC General Headquarters Office, Zonuamah neih a ni a. Rev Thangliansanga General Superintendent chu Speaker a ni.
Summer Live Crusade-ah hian thupui thlan bik hmangin Speaker hian thuhril rawngbawlna a nei thin a. Zan khatna ah Thawhlehna tha lehzual tih thupui hmangin Pathian thu ngaihthlak a ni a, Zan hnihna ah Tabernacle kaltlanga chhandamna thu zirna neih leh niin, Zan thumna ah Jentail nikin leh jentail famkim tih thupui hmangin Pathian thu chah ngaihthlak niin Zan li na ah hian Buh lem tehkhin thu hmangin Pathian thu chah ngaihthlak a ni bawk.
Summer Live Crusade hi Upa Lalthlamuana Hnamte, Chairman Media & Publicity Board chuan a kaihruai thin a, he programme hman chhung hian zawhna leh chhanna bakah damlo tawngtai sakna hunte hman thin a ni a, zaithiam sawm bik ten fakna hla an sa bawk.
He rawngbawlna kaltlang hian damlo mi engemaw zatin damna an chang a ni.
Summer Live Crusade hi LPS 5, Zonet Bawhbel leh Kohhran YouTube Channel Pentecost New-ah te Live a pek chhuah thin a ni.
Rules Commissons
Mizoram UPC dan hrang hrang ennawn a, siam tha tur atana Executive Committee in a din, Rules Commission, Upa FH Lalramliana, Commission Chairman kaihhruai chu April ni 13 Ningani khan Committee Room Mizoram UPC Office Zonuamah an thu khawm a.
Puipa ten an ho.
He thutkhawmah hian Mizoram UPC rules hrang hrang, Service rules, Financial rules leh Dan te sep engemaw zat thlirho a sawiho a ni a. Mioram UPC ro relna sang Executive Committee kum chanve thut khawmah rawtna an neihte chu thlirho leh tur a ni ang.
Gen LAD
Mizoram UPC tanpuitu hmeichhe pawl General LAD Executive Board chu April ni 13 Ningani khan General Headquarters Office Conference Hall-ah an thu khawm a.
Puipa ten an ho.
Executive Board thutkhawm hi President RMS Dawngkimin a kaihruai a. Meeting-ah hian February Atanga April thla chhunga General LAD hruaitute fehchhuah rawngbawlna report pek a ni a.
General LAD Executive Board chuan Bial tin Atanga General a sum chhun luh ngaite chu September ni 15 ral hma a thehlut tura ngenna siam nise an ti a, Day Ip, Buhfaitham khawnna bu siam rawtnate, report form siam that rawtnate chu an thurel langsar zualte a ni a.
Bial panga Hnahlan, Aibawk, Ruantlang, Champhai, leh Kawnpui Bial LAD Atanga Seminar cum Revival hmanpui tura sawmna an dawnte an sawiho bawk a. hmanpui ngei tha an ti a, Meeting-ah hian hruaitute kal dan tur an ruahman nghal a ni.
