GENERAL HRUAITUTE PROGRAMME :
General Secretary Rev. Saienga Sailo chu tunhnaia kohhran dinthar Cheural Bial chhunga Sangau kohhran tlawh turin vawiin Inrinni hian a zin chhuak a, naktuk Pathianni hmanpuiin, thawhtanni ah Lungleiah kohhran thil pawimawh tiin hun a hmang ang a, Thawhlehniah Aizawl alo let leh ang.
General Treasurer Rev. Zoramthara chu naktuk April ni 30 Pathianni hmanga Lungpho Bial Mission Inkhawmpui Hmunzawl kohhrana neih tur hmanpui a, rawngbawlna nei turin nimin Zirtawpni khan a zin chhuak. Ani hi General Mission Treasurer MS Dawngliani chuan a tawiawm a ni.
General Mission Secretary Rev. T. Laldingliana chu naktuk Pathianni hian Zonuam kohhranah hun hmangin, thuhril rawngbawlna a nei ang.
General Sunday School Secretary Rev. HT Vanlalengmawia chuan naktuk Pathianni hian Zemabawk Bial chhunga Falkland kohhran a tlawh ang.
Media & Publicity Board Chairman Upa Lalthlamuana Hnamte vawiin Inrinni a Pathian hnena lawmthusawi chawimawina Sakawrdai kohhran a naktuk Pathianni zan thlenga hman turah rawngbawlna neiin hun a hmanpui bawk ang.
GENERAL LAD :
General LAD te chuan tunkar April ni 27 Ningani khan Mizoram UPC Bible School, ATI-ah Rs. 65,000/- an hlan. April ni 20 khan Bethani Children Home enkawl nan Rs. 2,50,000 an hlan bawk. General LAD te hian an budget a an lo dah tawh bawhzui nan he thilpek hi hlanin, Pentecost Meichher leh General Missions ah pawh Rs. 50,000/- ve ve an lo hlan tawh bawk a ni.
GENERAL PYD
General PYD hruaitu te chuan Dilkawn Bial Inkhawmpui April ni 23 Pathianni hmanga Buang khua a neih chu an hmanpui. Hetah hian T. Upa Mesak Vanlalthlana, Assistant Secy. GPYD, Upa Lalropuia, Isak Malsawmtluanga, T. Upa John VL Chuanglova EBM te an kal a, Inrinni nilengin rorel palai kalkhawm ten ro an rel a, Pathianni chawhnu ah ‘Hmasawnna’ tih thupui hmangin Seminar neih a ni a, Resource Person ah T. Upa Mesak Vanlalthlana chu hman a ni a, Pathianni zan khan a tiak a ni.
MISSION FIELD :
April ni 23 Pathianni khan North Bengal Field, Gandrapara Kohhranah kohhran dang ațangin mi 5 lawmluh an ni a. Baptisma Field Pastor Lk Dongliana kutah an chang nghal.
Gandrapara Kohhran hi Trinity ringtu kohhran niin kan Pastor hian an mahni enkawltu Vinod Mahali hi Pathian thute sawipuiin Crusade te a va neihpui hnuah Thuthlung rawn hmuin tun hnai khan a kohhran enkawl lai member 41 leh an Biak In te nen Mizoram UPC-ah lawmluh an ni a.
Tun ţuma member thar 5-te pawh hi Vinod Mahali rawng bawlna leh hmalakna aţanga seng luh an ni. Tihian, member 46 an ni ta.
Karbi Anglong Field, Klurdung khua Biak In sak thar chu April ni 23 Pathianni khan Pathian hnena hlanna leh hawnna neih a ni.
Klurdung Biak In hi mi thahnem ngai te sum thehkhawm leh General hmalakna in kum 2022 khan sak bul tan a ni a, Bilkhawthlir kualmawi PYD te pawhin Workcamp zuk neiin hma an zu la tawh a. Tunhnai April ni 20 atang khan Aibawk Bial Mission Department te chuan an Pastor, C. Lalramnghaka hovin Workcamp an zu nei leh a, Biak In sak chu zawh fel a ni thei ta a ni.
Area Supervisor leh Field a thawktute nen in berawnin, he Biak In hawnna leh Pathian hnena hlanna hi Pastor C. Lalramnghaka, Aibawk bialtu chuan a nei a ni. (PIC AWM)
