Executive Chairman Upa Lalzirliana chuan May ni 7 Pathianni hian Reiek Bial a tlawh dawn a. Pathianni chawhnu leh zan hmang hian Ailawng kohhranah Pathian chawimawina inkhawm
a hmanpui ang.
General Superintendent Rev Thangliansanga chu May ni 6 Inrinni hian Bairabi bial Pastor Quarters thar Pathian hnena hlanna leh hawnna nei turin a zin chhuak a. Pathianni a cham a nga, Pathianni chawhnuah Bairabi Bial chhunga Kohhrante Seminar a neih pui ang.
General Treasurer Rev Zoramthara chu May ni 7 Pathianni hian Headquarters kohhranah a inkhawm dawn a. Pathianni zan hian thuhril rawngbawlna a nei ang.
Area Secretary Rev PC Parliana chuan zanin atanga neih tur Lunglei South Bial inkhawmpui, Chanmari kohhran Biak In a nghah chu a hmanpui dawn a.
Inkhawmpui hian May ni 7 Pathianni zan thleng a awh ang.
Rules Commission
Mizoram UPC Rules Commission chu May ni 5 Zirtawpni khan Committee room General Headquarters Office-ah an thu khawm a. Mizoram UPC dan leh inkaihhruaina hrang hrangte an ennawn. Meeting hi Upa FH Lalramliana’n a kaihruai a, Puipa ten an telpui a ni.
ATI
Mizoram UPC Bible zirna Apostolic Theological Institute First Semester Examination tluang taka neih zawh a ni.
First Semester Examination hi May ni 1 atanga ni 5 kar khat chhung neih a ni a. Zirlai 37, First Year mi 12, Second year mi 10 leh Third Year mi 15 ten exam hi an hmachhawn a ni.
Siaha District
General Secretary leh Siaha District hruaituten Sangau an tlawh.
April ni 29 leh ni 30 Pathianni hmang khan Siaha District Hruaitute chuan District inkhawmpui ro rel bawhzuiin Cheural Bial a kohhran ding thar Sangau kohhrante an tlawh a. He hunah hian MizoramUPC General Headquarters aiawhin Rev. Saienga Sailo, General Secretary chuan kohhran ding thar hnenah hian tanpuina Rs.30,000 a hlan a, Siaha District Committee-in Rs.5000 kohhran ding thar hnenah hian an hlan bawk.
Hruaitu feh chhuakte hi Cheural bial hruaituten an tawiawm a ni.
