* General Superintendent Rev. Thangliansanga chu May ni 26 Zirtawp zan atang hian Bilkhawthlir Kualmawi kohhrana Pathian chawimawinaah Speaker a ni a. Inrinni zan thleng hian Pathian chawimawina inkhawmah thuhril rawngbawlna a nei ang.
General Superintendent hian May ni 28 Pentecost Ni chu Kualmawi kohhrante a hmanpui bawk dawn a, Pathianni zan thleng hian thuhril rawngbawlna a neih chhunzawm dawn a ni.
* General Secretary Rev. Saienga Sailo chuan Pentecost Ni chu Dinthar kohhrante a hmanpui dawn a. Zanin atang hian thuhril rawngbawlna a nei ang.
* General Treasurer Rev. Zoramthara chuan May ni 28 Pentecost Day chu Ailawng kohhrante hmanpuiin, thuhril rawngbawlna a nei dawn a, General Treasurer hian Reiek Bial chhung kohhran hrang hrang a tlawh bawk ang.
* Rev. T Laldingliana Secretary General Missions Dept. chuan May ni 28 Pentecost Ni hian Pathianni chawhmaah Ainawn kohhranah thuhril rawngbawlna a nei dawn a, zan lamah Zonuam kohhranah hun a hmang thung ang.
* Rev. PC Parliana Area Secretary chuan May ni 28 Pentecost Ni chu Tlabung kohhrante a hmanpui dawn a, vawiin ni 27 Inrinni hian a zin chhuak ang. Area Secretary hi Lungsen Bialtu Pastor C. Lalhmingsangan a tawiawm a ni.
Puipa committee
Mizoram UPC Puipa Committee chuan May ni 24 Nilaini khan General Headquarters Office a thawk tur Sweeper Muster Roll pakhat lakna Personal Interview a buatsaih a.
Interview hmachhawn mi 12 zingah, Unaunu Malsawmsangi, Zonuam chu June ni 1 atanga December ni 31, 2023 chhung atan lak a ni.
General Missions Dept.
General Missions Dept chuan May ni 26 Zirtawpni khan Missionary lakna Written Test a buatsaih a. Chawhma lamah Missionary Grade C Jr post ruak pahnih diltu mi 9 ten exam an hmachhawn.
He mi ni vek hian Chawhnu dar 1 khan Missionary Grade B Jr-I & II post ruak pakhat ve ve diltu mi 9 ten exam an hmachhawn bawk.
Missionary hna diltute hian vawiin Inrinni hian Personal Interview an hmachhawn leh ang.
Rules Commission
Mizoram UPC Rules Commission chu Chairman Upa FH. Lalramliana kaihhruaina hnuaiah May ni 24 Nilaini khan Bethlehem Vengthlang kohhran Committee room-ah an thu khawm a.
Mizoram UPC dan leh inkaihhruaina hrang hrangte ennawnin, siam that ngaite an sawihova. Rawtna an neihte hi Kum chanve Mizoram UPC ro relna sang Executive Committee-ah an thlen ang.
Rules Commission thutkhawm hi Mizoram UPC Puipa ten an ho a ni.
General SS Dept.
General SS Dept chuan May ni 26 Zirtawpni chawhnu khan Committee Room Mizoram UPC Centre-ah Trainers Training, Executive Board member-te tan a buatsaih a. He hunah hian SS pawimawhna leh hmasawnna tur hrang hrangte zirhoin, Upa Lalnuntluanga Chhangte, Chairman leh Rev HT Vanlalengmawia Secretary te chu resource person an ni. Trainers Training hi session 2 ah then niin, kalkhawm ten zan riah an kilho nghal a. Zan lamah General SS Executive Board chuan meeting an nei zui nghal a ni.
Pandal Structure Committee
Pandal Structure Committee May ni 19 Zirtawpni a Mizoram UPC General Treasurer Quarters a thu khawm chuan Pandal structure rawng hnawih chungchanga advertisement an lo chhuah tawh chu, Diltu thlanna an nei a. Rawng hnawih dan tur ruahmannate siamin June thla chhunga hnawih zawh nise an ti a. Pandal Structure thawm that ngai thawm that hnatlang neih an rel bawk a ni.
L&PB
Mizoram UPC L&PB chu May ni 24 Nilaini khan Conference Hall Mizoram UPC Office-ah an thukhawm a. Kohhran Hla bu size tihlen an rel.
He thutkhawm hi Board Chairman Rev Ngurthanpara Sailo chuan a kaihruai a, Lehkhabu stock room enkawl dan tur leh lehkhabu zawrh dan tur chungchangte, Lehkhabu hlui man tlawm zawka tih ral rawtnate chu an thu rel langsar zualte a ni a.
Mizoram UPC Kohhran Hlabu chu a size tih len an rel bakah Hla phuahtu phuah dan dik tak leh a lettu lehlin dan dik taka Kohhran Hlabu ah dah a nih theih nana hmalak an rel bawk.
Mizoram UPC L&PB lehkhabu chhuahte, Mizo tawng ziah dan in ang tlang hman a nih theih nana zawm tur lehkhabu, L&PB in a buatsaih “Heti hian kan ziak” tih chu peih fel tep a nih tawh thu meeting-ah hian tarlan a ni bawk a, L&PB thutkhawm hi Puipa ten an ho a ni.
Gen pyd
General PYD Executive Board chu May ni 19, Zirtawpni zan khan Mizoram UPC General Secretary Quarters-ah an thukhawm a. Charity Concert buatsaih an rel.
General PYD Executive Board chuan, Manipur buaina avanga harsatna tawkte tanpui nan May 30 Thawhlehni zan hian Mizoram UPC Centre, Zonuamah Charity Concert neih nise an ti a,
Meeting-ah hian Programme duan nghal niin, General PYD YouTube channel-ah live-a pekchhuah tur a ni.
Charity Concert hi Lalnunmawii, Zonuam & Emilia Lalnunpuii, Chawlhhmun ten an kaihruai dawn a. Programme hlanna & thusawina hun Rev. Thangliansanga, General Superintendent, Mizoram UPC in a nei dawn a, Upa R.Vanlalruata, President, General PYD hnen atangin thu sawi ngaihthlak a ni dawn bakah John Zothansanga, Secretary, General PYD in report a pe bawk ang.
General PYD Charity Concert-ah hian
Upa Rodingliana, Bawngkawn
Lalthazuali, Thuampui
Vanlalhruaia, Dinthar
Zothanmawii, Bawngkawn Shalom
Vanlalduhsaka, Kolasib
Lalmuanpuii, Ramthar
Gershom Laltanpuia, Chaltlang
K.Lalnunpuii, Bungkawn
Vanlaltlansaa, Chawlhhmun
Rebek Vanlalnunpuii, Thingsulthliah
Lalawmpuii, Chawlhhmun
Zoremtluanga, Zonuam
Lalnundiki Sailo, Dinthar
C.Lalngaihawma, Dinthar leh
Lalhmudiki, Dawrpui Vengthar te an zai dawn a.
Imphal Bialtu Pastor Lalliansanga leh North Eastern India Area II Supervisor Pastor Koko Lalmalsawmate thu sawi video clip tih chhuah a ni bawk ang.
Charity Concert neihna hmunah hian bawm dawh a ni dawn a, a hmuna kal theilo tan pawh Phone Number tarlanah hian Google pay hmanga tanpuina thawn theih a ni dawn a ni.
Charity Concert chungchang bakah hian General PYD board thukhawm chuan GPYD Auditor atan T. Upa Mesak Vanlalthlana, Assistant Secretary, GPYD leh Zothantluanga, EBM te chu an ruat a. PYD inkaihhruaina bu John Zothansanga, Secretary, General PYD leh T. Upa Mesak Vanlalthlana, Asst Secretary, General PYD te ennawn tura tih chu tihchhuah atan an pawm bawk.
Meeting-ah hian General PYD rawngbawlna leh hmachhawp hrang hrangte thlirho a ni a.
Dilkawn Bial PYD Inkhawmpui April ni 21-23 chhunga Buang khuaa neih tluang taka hmanpui a nih thute ngaihthlak niin, GPYD buatsaih Bible Quiz June 1 a khuhhawnna neih tur chungchangte, June 6 (Prelims), June 9 (Last 16), June 13 (Quarterfinal), June 16 (Semifinal) leh June 23 (Final) neih turte, Thuampui bial PYD June ni 2-4, chhunga ‘Seminar cum Revival’ neih pui nise tihte, UNAIDS leh YWCA tang kawpa pawl din MIzorama HIV darh zel tur do tu pawlah GPYD aiawh tur atan Social Wing Committee Chairman H. Reuben Lalbiakpuia leh Assistant Secretary Ramnunpari te an ruat bawk.
General PYD Board hi Rev Saienga Sailo, General Secretary Mizoram UPC chuan a ho a ni.
GPYD hnuaia Literature Committee chuan Article inziahsiak, thawnthu inphuahsiak leh hla inphuahsiak te a buatsaih mek a, June 30 thleng Phone number tarlanah hian thehluh theih a ni.
Gen PYD Doc
General PYD hnuaia Documentation Committee te chu May ni 24 Thawhlehni zan khan Committee Chairman, T. Upa Lalduhsaka Hnamte kaihhruaina hnuaiah an thu khawm a. General PYD buatsaih Charity Live Concert leh Bible Quiz neih tura mawhphurhna hrang hrang an neihte an sawihova, Committee hmachhawp hrang hrangte bawhzui dan tur an rel a ni.
Gen News
Zembawk North kohhran Biak In zauhna tur ram lei fel a ni.
May ni 25 Ningani khan General Headquarters chuan Zemabawk North Biak In zauhna tur, Pi Lalhmangaihgzuali ram chu Rs. 15 in a lei fel a. General Treasurer Rev Zoramthara chuan General Headquarters aiawhin sum hi a hlan a, Zemabawk Bialtu Pastor leh kohhran hruaituten an tawiawm a ni.
