#General Superintendent Rev Thangliansanga chu June ni 2 Zirtawp zan atang khan Zemabawk North kohhrana Tirhkoh Lalramchhuanga te chhungkua Pathian chawimawinaah Speaker a ni a. Pathianni zan thleng hian thuhril rawngbawlna a nei ang.
#General Secretary Rev. Saienga Sailo chu June ni 2 Zirtawpni khan Serchhip Bial chhunga rawngbawltute Seminar cum revival neih pui turin a zin chhuak a. Rev. lalruatfela, Central India Area Supervisor leh Tk Zosangliana EBM Gen PYD ten an tawiawm.
General Secretary hi June ni 5 Thawhtanni hian Aizawl a lo let leh ang.
#General Treasurer Rev. Zoramthara chu June ni 3 Inrinni hian Lawngtlai leh Siaha District Joint Revival hmanpui turin Lawngtlai panin a zin chhuak.
General Treasurer hian June ni 5 Thawhtanni hian Sangau kohhran ding tharte a tlawh dawn a, General Headquarters aiawhin Biak In hmun chungchangah ram neitute nen in biakna an nei ang.
General Treasurer hian Hmawngbu kohhran a tlawh bawk ang a. Thawhlehni ah Aizawl an lo let leh dawn a ni.
#Rev. T. Laldingliana, Secretary General Missions Dept chuan June ni 4 Pathianni hmang hian Sakawrtuichhum kohhranah Missions Campaign a nei ang.
#Rev. PC Parliana, Area Secretary chuan tun Pathianni hmanga Lawngtlai Leh Siaha District Joint revival Lawngtlai hmuna neih tur a hmanpui dawn a. Pathianni inkhawmah thuhril rawngbawlna a nei ang.
#Area Secretary hian June ni 5 Thawhtanni hian Siaha Bial Pastor Quarters leh Siaha kohhran Biak In sak that ngaite a hmunah kalin a enfiah bawk ang.
Gen SUNDAY SCHOOL DEPT.
General SS Dept. Executive Board chuan NPSS zirlaibu kum 2-na Hmar tawnga lehlin an rel.
May ni 26 Zirtawpni khan General SS Dept Executive Board hi Dept. Secretary Office ah an thu khawm a.
NPSS beginners atanga Doctrine Dept. zirbu kum 2 na chu Hmar tawnga lehlin an rel a, lehlin hna thawk tu atan,
Rev. L Ramhluna Zemabawk.
Rev. Gospelthanga Bazar.
Rev. R Chawngkhuma, Bairabi leh
Upa Lalsiemlien Delhi te an ruat.
Heng bakah hian Doctrine Dept zirbu kum 1 na chu English a buatsaih nise an ti a, Lehling turin Pastor Jonathan Lalromawia, Delhi an ruat bawk a, NPSS chawhnu zirbu Khasi tawnga let turin Tk James LS Mung, Shillong an ruat bawk.
General SS Dept chuan Stockroom, lehkhabu zawrh leh enkawl dan tur inkaihhruaina an siam bawk a. Kum 2025 puitling zirbu tur leh a ziaktu tur an thlang fel bawk.
Kumin a Siaha Dist. Chhunga Pentecost Children's Meet buatsaihte, S.S zirbu a ba a mimal hnena pek chhuah tawh loh nise tihte leh, Pentecost Naupang Pual programme buatsaih na tur kumin atan a budget-te chu General SS Dept Executive Board thurel langsar zulate an ni a.
He thutkhawm hi Dept Chairman Upa Lalnuntluanga Chhangte in a kaihruai a, Mizoram UPC Puipa ten an ho a ni.
General Missions Dept
May ni 27 Inrinni khan Mizoram UPC Office - Conference Hall-ah Missionary lakna Personal interview General Missions Dept chuan a nei a.
Grade B Jr-I Missionary atan Tirhkoh Zodinsanga, Nagrakata, North Bengal Field leh Grade C Jr Missionary atan
- Lienthangkim Pulamte, New Friends Colony, Delhi Field leh
- Rosangliani, Dhupjhura, North Bengal Field-te lak an ni.
General Missions Dept Executive Board chu May ni 27 Inrinni khan Chairman Upa Andrew Laldingliana kaihhruaina hnuaiah an thukhawm bawk a. Kumin General Missions Dept. Inkhawmpui chu October ni 27 atanga ni 29 chhung a neih an rel.
Kum 2023 General Missions Dept inkhawmpui hi Lawngtlai Bial-in thlen an dil angin, Lawngtlai Bial chhungah neih a ni dawn a, inkhawmpui programme meeting leh a thlirho atan an dah.
Chhattisgarh Field Nadipara Biak In leh Delhi Field Uttarakhand a Biak In sak chhunzawmna tur sum pekte, Manipur State buaina avanga harsatna tawk mekte chhawmdawlna atan Relief Fund atangin Rs. 50,000 General Headquarters-a chhun luhte leh Kolasib Diakkawn Bial ten Silchar leh a chhehvelah Missionary kum khat chhung atan
rawih an inhuam thu an dawn, bawhzui dan turte chu General Missions Dept Executive Board thurel langsar zualte an ni a. Meeting hi Puipa ten an ho a ni.
Pastor Welfare
Mizoram UPC Pastor Welfare committee chu May ni 31 Nilaini khan Conference hall Mizoram UPC Centre-ah an thu khawm a. Manipur buaina avanga raltlante chhawm dawl dan tur an rel.
Pastor Welfare Committee chuan Pastor inkaihhruaina dan hrang hrangte ennawnin, Chhiatni thatni a Welfare intuam hlawm dan an hman mekte an sawihova, Welfare Auditor atan Rev. Ht. Vanlalengmawia, Secretary Gen SS Dept leh Rev H. Lalrawnkima, Headquarters Bialtu Pastor te an ruat a ni.
Pastor Welfare committee chuan Manipur buaina avanga Mizoram a raltlante chu a theih ang anga chhawmdawlna pek nise an ti a, hmalakna kal mek an thlirho nghal bawk a ni.
Mizoram UPC Pastor Welfare Committee hi General Superintendent Rev. Thangliansanga’n a kaihruai a ni.
Gen PYD
General PYD buatsaih Live Charity for Manipur-ah Rs. nuai thum chuang hmuh a ni.
May 30, Thawhlehni zana Charity Concert for Manipur chu Mizoram UPC Centre Zonuamah General PYD buatsaiha neih a ni a.
Manipur buaina avanga harsatna tawk mekte tanpui nan Rs. 3,04,736 (nuai thum, sang li, za sarih leh sawm thum paruk) a tling khawm a ni.
Charity Concert hi Lalnunmawii, Zonuam & Emilia Lalnunpuii, Chawlhhmun ten kaihruaiin, Rev.Thangliansanga, General Superintendent, Mizoram UPC chuan Pathian hnena hun hlanna a nei a. John Zothansanga, Secretary, General PYD chuan report a pe a ni.
Manipur puala Charity Concert-ah hian Upa Rodingliana, Lalthazuali, Vanlalhruaia, Lalnundiki Sailo, Vanlalduhsaka, C.Lalmuanpuii, Gershom Laltanpuia, K.Lalnunpuii, Vanlaltlansaa, Rebek Vanlalnunpuii, Lalawmpuii (Omomi Khiangte), Zoremtluanga, Zothanmawii, C.Lalngaihawma leh Lalhmudiki te an zai a, Manipur-a thawktu harsatna tawk, Pastor Lalliansanga, Pastor Koko Lalmalsawma leh Marshall S. Manghmingthanga te hnen atangin report ngaihthlak a ni bawk.
Upa R.Vanlalruata, President, General PYD pawhin programme-ah hian thuchah tawi a sawi bawk a, "Tanpui ngaite kan tanpui hi Lal Isua rawng kan bawlna a nih thute a tarlang a ni.
Manipur buaina avanga harsatna tawkte puala Charity Concert sum hmuh tlingkhawm hi General PYD Executive Board chuan sem dan tur ruahmanna a siam leh dawn a ni.
