Hruaitute rawngbawlna :
*Executive Chairman Upa Lalzirliana chu June ni 16 Zirtawpni khan Champhai Bial Pastor Quarters sak mek enfiah turin a zin chhuak a.
Pathianni a cham a nga, Champhai Bial chhung kohhrante a tlawh bawk ang. Executive Chairman hi June ni 19 Thawhtanni hian Aizawl a lo let leh dawn a ni.
*Rev. T. Laldingliana, Secretary General Missions Dept chu June ni 18 Pathianni hmang hian a Bial hmui lai Chawlhhmunah Bial chhung kohhrante a tlawh ang.
*Rev HT Vanlalengmawia, Secretary General SS Dept chu June ni 16 Zirtawpni khan Lawngtlai Bial Sunday School Seminar cum revival hmanpui turin a zin chhuak a. Thawhtanni hian Aizawl a lo let leh ang.
*Rev. PC Parliana Area Secretary chuan June ni 19 Pathianni hmang hian Hmawngbu Bial a tlawh dawn a.
June ni 19 Thawhtanni hian kum chanve Executive Committee hmang turin Aizawl a kal ang.
L&PB
Mizoram UPC Literature & Publication Board chu June ni 13 (Thawhlehni) khan, kohhranin lehkhabu a chhuah kawnga thu ziah dan inkaihhruaina bu Board-in a buatsaih, endikna workshop Conference Hall, Mizoram UPC Office-ah an nei a. Workshop hi Rev. Ngurthanpara Sailo Board Chairman chuan kaihruaiin, Inkaihhruaina bu sawi zauna hun Upa R. Lalawmzualan a nei a, kalkhawm ten uluk taka zirchiangin, sawihona zau tak an nei.
Inkaihhruaina bu ‘Heti hian kan ziak’ tih hi L&PB-in Lehkhabu a tihchhuah turte, Mizo tawng ziah dan kalphung in ang tlanga ziah anih theih nan a, zawm tur atana buatsaih a ni a.
Puipa ten workshop hi telpuiin, hemi ni hian Workshop hi zawh fel hman a ni lova, hun remchang dangah chhunzawm a ni ang.
Mizoram UPC L&PB chuan lehkhabu a tih chhuahte chu mipui ten man man zawka an lei theih nan June ni 16 atanga July ni 31 thleng hian Discount runpui a nei dawn a. Mizoram UPC Bookroom Tuikhuahtlangah leh Lunglei Sub Office-ah te ngaihven theih a ni.
General news
June ni 13 Tawhlehni khan Aizawl khawpui tih changkanna atana UD&PA hnuaia Aizawl Smart City Limited (ASCL) in ‘Electric High Mast System’ hmanga eng pek dan tur Scheme a kalpui mek chungchangah Aizawl Smart City Limited chuan General Headquarters Office, Zonuam an tlawh a.
Office tual zawlah Electric eng sang chi High Mast bunna tur hmunhmate General Superintendent Rev. Thangliansanga hova enfiahin inkawmna an nei.
General Superintendent hi Upa R. Lalropuia, Office Superintendent chuan a tawiawm a ni.
Smart City Official-te hian Mizoram UPC inkhawmpui lian ber General Assembly neih hma ngei a High Mast hi bun hman an tum thu leh report chak taka bawhzui an tum thu
kohhran hruaitute hi an hrilh a ni.
General Missions Dept
General Missions Dept Executive Board chu June ni 13 Thawhleh zan khan Conference Hall Mizoram UPC Office-ah an thu khawm a. Kum 2023 General Missions Dept inkhawmpui a hun hmangtu turte an ruat.
Executive Board hi Chairman Upa Andrew Laldingliana’n a kaihruai a, Mizoram UPC Puipa ten an ho a ni.
General Missions Dept. Executive Board chuan General Missions Inkhawmpui vawi 12-na Lawngtlai New Vengpui Biak In a October ni 29 Pathianni hmanga neih turah thuhriltu atan heng mite hi an ruat. Zirtawp zanah Pastor LK Dawngliana, Birpara Inrinni zanah Pastor Andrew L Singson, Guwahati Pathianni chawhmaah Upa Andrew Laldingliana, Chairman Pathianni chawhnuah Rev Lalruatfela, Agra Pathianni zanah Puipa atangin a ni ang. Inkhawmpui neih chhung hian Inrinni zanah Bethani Pual Pathianni chawhmaah General Missions pual leh Pathianni zanah Foreign Missions pual thawhlawm lâkkhawm an rel bawk a ni.
Heng bakah hian General Missions Dept Executive Board chuan Upper Assam Field, Pastor Quarters sak chhunzawmna tur Rs 3 lakh pekte, Upper Assam Field, Mesaki Biak In sak zawhna tur Rs 75000/- pekte, Upper Assam Field, Soraibari Biak In hmun hma leina leh tul pawimawh Buaipuina atan Rs 70000/- pek an rel a.
General Missions Dept hnuaia thawktu thenkhat an awmna hmun an siksawi bawk. Nl Lienthangkom Pulamte, New Friends Colony veng Delhi a awm mek chu Iongkhuli Kohhran Guwahati field-ah, Tk Lienminthang Khongsai tuna Iongkhuli kohhran enkawltu chu Dadengiri-Tura-ah Arunachal Field Kimina thawktu chu țulna avangin Seppa lamah an sawn bawk.
Field Pastor indaih lohna a nasat avangin General Missions Dept Executive Board chuan Grade B Jr 1 Post pakhat lakna a Panel list a pakhatna Tk Lêtgin Khongsai chu Missionary atan an la thar bawk a. A ni hi Kimin enkawl tura dah nghal a ni.
General PYD
General PYD Bible Quiz, 2023 intihsiakna chu chhunzawm mek zel a ni.
June ni 13 Thawhlehni zan khan Mizoram UPC Studio, Zonuamah Quarter Final inelna neih zawh a ni a.
He hun hi Catherine Lallawmpuii, Host-in kaihruaiin Rev.P.Lalrinawma, Principal Apostolic Theological Institute-in hunserh a hmang a, Christina Lalrambuatsaihi, Bawngkawn leh Zonunsangi, Headquarters PYD-in zaia rawngbawlna an nei a, chhimtu a hmuna kal pawh an tha hle.
Sailopari Sailo, Quiz master-in intihsiakna kaihruaiin hengte hi Semi-Final ah an in hlangkai a ni.
1) Bungkawn PYD
2) Siaha Bial PYD
3) Bilkhawthlir Bial PYD
4) Chawlhhmun Bial PYD
June ni 16, 2023 (Zirtawpni) zan dar 8:00-ah Ignite Studio, Khatlaah Semi-Final intihsiakna hi neih leh tur a ni a. Bibel Quiz Intihsiakna hi General PYD Youtube channel bakah Zonet Bawhbel & LPS 5-ah live-ah pek chhuah a ni ang.
