General Superintendent Rev. Thangliansanga chu July ni 29 Inrinni zan aṭanga Pathianni zan thleng hian Chawlhhmun Bial Crusade, Ainawn veng kohhran biak ina neih turah speaker a ni ang.
General Secretary Rev. Saienga Sailo chu July ni 28 Zirtawpni khan North Bengal field-a Ethelbari kohhran biak in thar hawng turin a zin chhuak. Ethelbari kohhran biak in thar hawnna hun hi July ni 30 Pathianni hian neih a ni dawn a, He Biak In hi Kolasib Venglai bial bultuma sak a ni. General Secretary hi Upa Robert Lalramchuana, EBM GMD in a tawiawm a, August ni 2 NIlaini hian Aizawl an lo let leh ang.
General Treasurer Rev. Zoramthara chu July ni 28 Zirtawp zan atang khan Salem Veng kohhrana Rev. Ngurchhuana te chhungkua Pathian chawimawinaah Speaker a ni a,
Pathianni zan thleng hian thuhril rawngbawlna a nei ang.
Area Secretary Rev. PC Parliana chu July ni 29 Inrinni zan atanga Pathianni zan thlenga Lungsen Bial crusade Mautlang hmuna neih turah thuhril rawngbawlna nei turin a zin chhuak. Area Secretary hian July ni 31 Thawhtanni hian Lungsen a tlawh bawk dawn a, Thawhlehni ah Lunglei a let leh ang.
P&FB
Mizoram UPC P&FB chu July ni 25 Thawhlehni khan Committee room, General Headquarters Office-ah an thu khawm a. Board Chairman Upa Sawihlira’n kaihruaiin, an thu rel langsar zual zingah General huap Board/committee puitling nilote, Board/committee puiltling an nih theih dan turte a tel.
He inkaihhruaina dan an siamah hian General huap Board/committee kum 10 tluang taka kalpui tawhte chuan Mizoram UPC Executive Committee kaltlangin General Assembly-ah Board/committee puitling nih an dil thei ang tihte, Board/Committee puitling Chairman apiangte chu, an Board/Committee aiawhin Executive Committee member an ni ang tih leh Board/Committee puilting-te chu Danpui buah ziah luh an ni ang tihte a tel a, inkaihhruaina an duan hi Mizoram UPC Executive Committee pawmpui leh tur a ni.
P&FB chuan Pastor Quarters sak dan tur chungchangah inkaihhruaina siamin, ram pum a hman anih theih nan Executive Committee-ah thlen an rel a, Bookroom Board chungchangte sawihovin, inkaihhruaina hrang hrang an duan chu Executive Committee pawmpui atan thlen an rel bawk.
Heng bakah hian P&FB chuan Biak In sak tanpuina kohhran 11 hnenah a pe bawk a ni.
Assembly Centre-ah thing phun a ni.
Assembly center, Zonuamah thing phun hnatlang neih a ni. July ni 18 Thawhlehni khan Mizoram UPC General Treasurer Rev. Zoramthara hovin Office Staff thenkhatte nen Assembly Centre-ah thing tiak chi hrang hrang Rihnim, Chawnpui, Tum, Thlado, Meihle, Thangtung, Tlaizawng leh Thakthing tiakte, Kawnpui leh Chungtlang atanga an dawnte chu phun a ni a. Thing tiak petute chungah General Headquarters chuan lawmthu an sawi a ni.
General PYD
General PYD chuan Kolasib Diakkawn bial leh Bilkhawthlir bial a relief camp te tlawhin tanpuina an pe.
July ni 21, Zirtawpni tlai khan General PYD Executive board member leh documentation Committee member-te chu Relief Camp tlawhin an zin chhuaka, Zirtawpni zan khan Thingdawl refugee camp-ah sum hlanna hun hmangin, Kolasib Diakkawn Bialtu Rev. PC Laltanpuia leh Diakkawn Bial PYD hruaituten an tawiawm bawk.
July ni 21 zan vek hian Diakkawn bial, New Builum leh Rengtekawn Relief Camp-ah an luang chhuak leh a ni.
General PYD hruaitute hian July 22, Inrinni ah Pangbalkawn refugee camp leh Bilkhawthlir refugee camp bakah Saipum, Saiphai, Vairengte leh Bilkhawthlir khawchhung a raltlan awmte hnenah tanpuina thil pek an hlan leh a, GPYD aiawh a kal chhuak te hi Bilkhawhthlir Bialtu Pastor leh Bial PYD hruaitu ten an tawiawm thin a ni.
General PYD-in Refugee camp a tlawh zawng zawng hi 11 a ni.
General Superintendent Rev. Thangliansanga wiil attend Chawlhhmun Section Crusade to be held during 29th -30th July at Ainawn Church.
He will be preaching at the revival Crusade worship service.
General Secretary Rev. Saienga Sailo go on a tour to inaugurate a newly built Ethelbari church building at North Bengal field. He departed today (28th July) and he was
accompanied by Upa Robert Lalramchuana, EBM General Missions Dept. General Secretary will return to Aizawl on Wednesday, 2nd August, 2023.
General Treasurer Rev. Zoramthara will attend the thanksgiving worship service organized by Rev. Ngurchhuana’s family at Salem Local church from this Friday night.
General Treasurer will be the speaker of this worship service and he will be preaching until Sunday night 30th July, 2023.
Area Secretary Rev. PC Parliana will attend Lungsen Section crusade to be held in Mautlang during 29th – 30th of July and he will be preaching at the worship service.
Area Secretary will also visit Lungsen church on his way home on 31st July, 2023.
General PYD
General PYD Executive Board members and Documentation Committee members visited Relief Camps at various parts of Kolasib and Bilkhawthlir.
The youth leaders were departed from Aizawl on 21st July Friday evening and they were visiting 11 refugee camp at Thingdawl, Diakkawn, New Builum, Rengtekawn Bilkhawthlir, Saipum, Saiphai, Vairengte. handing over the accumulation of money from donation at the Charity concert Organize by General PYD on 30th May, 2023.
