HRUAITUTE RAWNGBAWLNA:
General Treasurer Rev Zoramthara leh General Misisons Dept Chairman Upa Andrew Laldingliana te chu Sept. ni 8 Zirtawpni khan Agra leh Delhi Field tlawh turin an zin chhuak a, Sept ni 13 Nilaini hian Aizawl an lo let leh ang.
General Missions Dept hruaitute, Secretary Rev. T. Laldingliana leh Treasurer Unaunu MS Dawngliani te chu Sept ni 10 Pathianni hmang hian kum 2023 General Missions Dept Inkhawmpui Neihna tur Lawngtlai bial tlawhin an zin chhuak a, Organising Committee te nen inkawm hona an nei ang.
Gen Misisons Dept Secretary hian Inrinni zan atanga Pathianni zan thleng hian Lawnbtlai bial chhung kohhranah thu hril rawng bawlna a nei bawk ang.
General News
Missionary to China Christina Vanlalremruati thlahna hun hman a ni.
September ni 4 Thawhtan zan khan Missionary tirh chhuah inkhawm hi Headquarters kohhran Biak In ah Foreign Missions Board kaihhruaina a neih a ni a. Board Chairman Upa C. Lalropiangan inkhawm kaihruaiin, Rev. Zoramthara General Treasurer chuan thlahna thuchah a sawi bakah Missionary tirhchhuahna hunserh a hmang a ni. China a rawngbawla kal tur Christina Vanlalremruati hnen atangin Thu sawi ngaihthlak a ni bawk a, rawngbawl tura koh anih dan te sawiin, Pathianin kan chunga a thil tih thatte avanga eng nge kan pek let ve ang tih ngaihtuah chunga Min kohna zawn theuah kan phak ang tawka rawngbawl tur kan ni tih thute a sawi a ni.
Missionary Christina Vanlalremruati hi September ni 8 Zirtawpni khan Lengpui Airport atangin Mizoram a chhuahsan a ni.
Tun dinhmunah Foreign Missions Board hnuaiah hian ram panga Myanmar, Nepal, Bangladesh, Cambodia, China-ahte Mizoram UPC chuan Misisionary a tir chhuak mek a ni.
Bethani Children’s Home Society Board
Bethani Children’s Home Society Board chu chu September 7 (Thawhlehni khan Board Chairman Upa Dr. Saingura Sailo kaihhruaina hnuaiah Conference Hall, MUPC Office, Zonuamah an thu khawm a,
Mizoram UPC Puipa ten an telpui. An thu rel langsar zual zingah Home a thawktu Paramedical Staff/nurse post ruak hnawh khah dan tur chungchangte, Betahni children’s Home Society Dan bu ennawn a siamthatte, Kitchen cum Dining hall/Staff Quarters Building sak mek chhunzawm chungchangte a tel a.
Bethani Children’s Home a thawktu Paramedical Staff/Nurse lakna atan hian Board chuan Open Advertisement a chhuah a.
Diltu chuan Chairman/Secretary, Bethani Children’s Home Society, Mizoram UPC, Address in, dilna plain paper-ah ziak a, Unaunu M.S.Dawngliani MUPC Gen. Hqrs. Office Zonuam leh Superintendent, Bethani Children’s Home, Sihhmui-Sairang hnenah September ni 20, 2023 ral hmaa theh luh tur a ni.
Paramedical Staff/Nurse lakna Interview hi September ni 27, Nilaini hian Conference Hall, MUPC, Gen Hqrs Office, Zonuamah neih tur a ni.
Gen PYD
General PYD Executive Board 212-na chu Sept ni 1 Zirtawp zan khan Unaupa John Zothansanga, Secretary, GPYD te in Durtlangah an thu khawm a, General PYD Live Crusade Sept ni 10 hmanga Bethlehem Vengthlang Biak In a neih tur chu
General PYD Revival inkhawm’ tia hming thlak a ni. Genenral PYD Execuitve Board chuan kum 2023 General inkhawmpui tiah tukah General PYD EBM ten Pandal thiah hnatlang neih pui nise an ti a, AIzawl District chhunga Bial PYD leh Serchhip hnaih Bial PYD te pawh ngenna pek tha an ti a ni.
Heng bakah hian General PYD Executive Board chuan inkhawmpui atana Official Agenda an sawiho bakah Bial hrang hrang atanga Agenda lo lut thlit fimna an nei bawk. General PYD Executive Board thutkhawm hi Upa R. Vanlalruata,
President chuan a kaihruai a ni.
Mizoram UPC Foreign Missions Board conducted the launching service of China Missionary Christina Vanlalremruati on Monday night 4th September, 2023 at Headquarters Church, Aizawl.
This service was chaired by Elder C. Lalropianga Board Chairman and the farewell address was delivered by Rev. Zoramthara General Treasurer Mizoram UPC.
A glorious speech were also heard from Christina Vanlalremruati on how she was called by God. Added to her speech, ‘Considering what we should give back to God for the good things He has done for us, we should serve as much as we can in our calling.
Missionary Christina Vanlalremruati was appointed as Missionary to China in 2019. Due to pandemic of Covid 19, missons failed to initialized. As the situation has de-escalate, Missionary Christina Vanlalremruati departed today from Lengpui Airport (Friday 8th September, 2023.) to pursue her missions and spread the words of God in China.
Currently Mizoram UPC is sending 5 Misisonaries to 5 foreign Countries viz. Myanmar, Nepal, Bangladesh, Cambodia and China under the Foreign Missions Board.
