Hruaitute rawngbawlna programme:
General Treasurer Rev. Zoramthara chuan Sept ni 17 Pathianni zan hian Ramhlun Sports Complex vengthlang Preaching point a tlawh dawn a, Thuhril rawngbawlna a nei ang.
General Treasurer hi Sept ni 10 Pathianni hmang khan Agra Field leh Delhi Field tlawhin a zin chhuak a, General Missions Dept Chairman Upa Andrew laldingliana’n a tawiawm. Hruaitu zin chhuakte hian Agra Biak In sak mek a hmunah kalin an enfiah a, Kishangarh kohhran leh Janakpuri kohhrante hun an hmanpui bawk. General Headquarters hruaitute hian Agra Field leh Delhi Field hruaitute nen inkawmhonate neiin, kohhran hmalak zelna turte an sawihova, Mizoram UPC hruaitute hi Pastor Koko Lalmalsawma bakah, an nupuite, Zosangliani leh Ramherliani ten an zui bawk a ni.
Rev. HT Vanlalengmawia Secretary General SS Dept chuan Sept ni 17 Pathianni hmang hian Chungtlang kohhran a tlawh dawn a, Pentecost naupang pual hun, Mizoram UPC Media & Publicity-a thawktute nen an hmanpui ang.
Area Secretary Rev. PC Parliana chu Sept ni 16 Inrinni khan Thingfal Bial tlawhin a zin chhuak a, Bial chhung a fan bakah Thingfal Bial Pastor Quarters sak mek a enfiah ang. Area Secretary hi Sept ni 18 Thawhtanni ah Lunglei a let leh dawn a ni.
Puipa Committee
Mizoram UPC Puipa Committee Sept ni 14 Ningani a thu khawm chuan General Assembly vawi 28-na ro rel bawhzuiin Mizoram UPC kohhran hnuaia Ni pawimawh hrang hrangte a lawmna hun hman dan mumal zawk leh khai rual zawk a awm theih nan inkaihhruaina duan an rel a, Kum 2023 kum chanve Sawmapakhat List kohhran in tina, sem chhuah dan Bialtu Pastor-te report an thlir ho bawk.
Heng bakah General Assembly a khuangpu tura ruat zinga miin dam lohna avanga a phat avangin, kum 2023 General Assembly a khuangpu turin Tk PC Malsawmtluanga, Hnahlan chu an ruat bawk a, Preaching point ding thar Lunglei South Bial a Luangmual Veng Preaching point hnenah tanpuina Rs. 30,000/- pek an rel bawk.
Puipa committee thutkhawm hi Executive Chairman Upa Lalzirliana’n a kaihruai a ni.
General SS Dept.
General SS Dept Executive Board chu Sept ni 14 Ningani khan Conference Hall Mizoram UPC Office-ah an thu khawm a, Board Chairman Upa Lalnuntluanga Chhangte in a kaihruai.
Gen SS Dept Executive Board chuan SS zirlaibu man chungchangte sawihovin, Mizo tawnga chhut bik PTSS zirlaibu Rs. 120 leh NPSS zirlaibu leh chawhnu zirbu Rs. 50 manah te a bithliah a. Hmar leh Reang tawnga zirlaibu chhut te chu Rs.50 manah a bithliah thung a ni. General SS Dept chuan NPSS Zirlaibu hi Hmar tawngin copy 200 theuh a chhu mek a, Reang tawng hian copy 100 theuh chhut turin ruahmanna a siam bawk. NPSS zirlaibu kum khatna revise an rel bawka, SS General Board a thlen tur Agenda bakah Budget-te an ruahman bawk a ni.
General Misisons Dept
General Missions Dept hruaitute chuan Sept ni 10 Pathianni khan Kum 2023 General Missions Inkhawmpui neihna tur Lawngtlai an tlawh a, Lawngtlai Bial hruaitute leh Inkhawmpui Organising Committee hruaitute nen Joint meeting an nei.
He inkawmhona hi Upa Lalengzauva Organising Chairman chuan a kaihruai a, hmalakna tur pawimawh tak tak sawihovin, General Missions Dept Secretary Rev T. Laldingliana’n report a pe a ni.
General Missions Dept hruaitute chuan Inkhawmpui thlengtu puihna Rs. Nuaikhat Singnga chu Organising hruaitute hnenah hian an hlan bawk. General Missions Dept. aiawhin Treasurer Unaunu MS Dawngliani'n Organising Committee Treasurer Tk V. Vanlalzauva hnenah a hlan a ni.
Kumin General Missions Dept inkhawmpui hi vawi 12-na tur a ni.
General LAD
General LAD hruaituten Bawngkawn bial LAD seminar cum revival an hmanpui.
September ni 9 leh ni 10 Pathianni hmang khan Bawngkawn Bial LAD Seminar cum Revival chu Bawngkawn Biak Inah neih a ni a, Inrinni chhunah seminar neih niin, Inrinni zan atanga Pathianni zan thleng khan Revival inkhawm an nei bawk.
Bawngkawn Bial LAD Seminar inkhawm hi unaunu Lalrammawii Pautu, Bial LAD President chuan a kaihruaia, thu pui pathum zirhovin, General LAD hruaitute chu Resource person an ni.
Unaunu F.Lalthansangi, Secretary General LAD chuan 'Chhungkaw Maicham' tih thupui hmangin zirtirna hun a hmang a, 'Incheina' tih thupui hmangin unaunu K.Vanlalhriatpuii Asst. secretary, GLAD chuan
paper a present bawk. Unaunu Lalzamliani khiangte EBM, GLAD kaihhruaina hnuaiah 'LAD Motto' tih hmangin kalkhawm ten thu pui an zirho bawk a, Seminar-ah hian Bawngkawn Bial chhunga LAD member kal an ṭha hle a ni.
He hun hi Rev.C.Ramsangvawra Bialtu Pastor, Upa H.Lalrintluanga Bial Chairman leh, Upa H.Vanlaldika Vice President General PYD te'n an tel pui bawk a ni.
Inrinni zan atangin Revival inkhawm an nei a. Bawngkawn Bial LAD hruaitute President Lalrammawii Pautu leh C.Lalrinliani vice president ten Inkhawm a chhawka kaihruaiin, General LAD hruaitute unaunu RMS Dawngkimi President, Unaunu Lalbiaktluangi Vice President, Unaunu Laltanpuii Treasurer leh unaunu H.Lalrawngbawli EBM ten thu hril rawngbawlna an nei a ni.
Bawngkawn Bial LAD Revival inkhawmpuiah hian unaute K. Lalkhumtiri Bawngkawn, Vanlalfakawmi Shalom, Elbethel Malsawmdawngliani, Bawngkawn, Emmanuel Ramengmawia Bawngkawn te'n zai rawngbawlna an nei ṭhin a. bial chhung LAD member kal an tha hle a, revival nen hlim tak he hun hi hman niin, Sept ni 10 Pathianni zan khan a tiak a ni.
General PYD
GPYD revival inkhawm hlawhtling taka hman a ni.
General PYD hmalaknain September ni 9 & 10, Inrinni zan atang khan Bethlehem Vengthlang Biak inah Revival inkhawm neih a ni a, Pathian Thlarau Thianghlim awmpuina hnuaiah hlim taka hman a ni.
Revival inkhawm hi a tir atangin Upa R. Vanlalruata, President, General PYD chuan a kaihruaia. Tk. Michael Lalramchhana, Pastor Lalhmingchhuanga, Bungkawn Bialtu Pastor Pastor Zionramngaia, Khawzawl Vengthar Bialtu Pastor leh Rev C. Lalremsanga, Bethlehem Bialtu Pastor ten revival inkhawm neih chhung hian Thuhril rawngbawlna an nei a, Unaunu Vanpangpari, Tk. H. Lalnunthara, Unaupa Lalbiakfela, Unaunu Lalruatsangi leh Unaunu Lalawmpuii, ten zai rawngbawlna an nei bawk a ni.
General PYD revival inkhawm hi Mizoram UPC Media & Publicty leh general PYD Documentation tangkawp ten General PYD Youtube Channel-ah Live in a pe chhuak thin a ni.
