Hruaitute rawngbawlna:
Executive Chairman Upa Lalzirliana chu April ni 26 Zirtawpni hian Bairabi Bial Seminar cum revival hmanpui turin a zin chhuak a, Inrinni hian Leadership leh Adminsitration tih thupui bakah Financial chungchang zirtirna a nei ang a, Inrinni zan atanga Pathianni zan thleng hian revival inkhawmah thuhril rawngbawlna a nei bawk ang.
General Secretary Rev. T. Laldingliana chu April ni 22 – 24 chhung khan Tripura tlawhin a zin chhuak a. A cham chhung hian Pastor Bial hrang hrang tlawh kualin Kohhran hmalaknate a hmunah kalin a enfiah. General Secretary hi Upa Lalnuntluanga Sailo member Mizoram UPC Education Board leh Sr Tk Pianziktluaka ten an țawiawm a ni.
General Secretary hian April ni 22 Thawhtanni khan Khasnampara hmuna kohhran School hmunhmate leh building-te fang kualin, thawktute nen inkawm hona an nei a, hmalakna tur pawimawh tak tak an sawiho a ni.
Rev. T. Laldingliana hian Naisingpara khua a kohhhran School hmun tur, laih zawl mekte a tlawh bawka, Biak In rel mek ahmunah kalin a enpui bawk.
Thawhtan zan khan Darchawi Pastor Quarters-ah Upate nen inkawmhona an nei bawk a, April ni 23 Thawhlehni khan Darchawi hmuna Biak In cum Quarters tur sak mek a tlawh bawkin Darchawi Bial, Rajdhaar hmuna Biak In rel lai a hmunah kalin a enfiah nghal a ni.
Hemi ni vek hian Monu Bial tlawh lehin General Secretary hian Biak In sak mek a tlawh bawk a, Monu bial hruaitute nen inkawmhona an nei bawk a ni.
General Secretary hian a cham chhung hian Agartala a kohhran memberte a tlawh bakah, Khumlung Biak In thawm that mekte a hmunah kalin a enpui bawk a, April ni 24 Nilaini khan Aizawl an lo let leh a ni.
General Secretary Rev. T. Laldingliana chuan April ni 28 Pathianni hmanga Bazar Bial Inkhawmpui, Ramthar veng kohhran Biak In a neih tur chu a hmanpui dawn a, Pathianni chawhma inkhawmah thuhril rawngbawlna a nei dawn a ni.
Gen SS Dept aiawhin Executive Board member Upa V. Lalthangchuanga chuan April ni 28 Pathianni hmang hian Lungsen Bial SS inkhawmpui a hmanpui dawn a, he hunah hian SS Campaign a nei dawn a ni.
Area Secretary Rev. C Liansanga chuan Pathianni hmang hian Lunglei Ramthar kohhrante a tlawh ang.
General LAD
General LAD hruaitute chuan Kolasib Venglai Bial LAD Seminar cum Revival an hmanpui.
April ni 20 leh ni 21 Pathianni hmang khan Kolasib Venglai Bial LAD te chuan Venglai Kohhran biak inah Seminar Cum Revival an nei a, General LAD hruaituten hmanpuiin Seminar-ah hian resource person an nih bakah revival inkhawmah thuhril rawngbawlna an nei bawk.
Inrinni nilengin Seminar an nei a, ‘Zúk leh Hmuama Thianghlimna tih thupui chawhma lamah zir hovin
Unaunu K.Vanlalhriatpuii, Asst Secretary, GLAD chuan zirtirna hun neiin,
Chawhnu hun-ah unaunu F.Lalthansangi, Secretary, GLAD chuan ‘Biak inchhung awmdan tur’ tih thupui hmangin paper a present thung a ni.
Kolasib Venglai Bial LAD Seminar-ah hian Bial chhung LAD member mi 69 an tel thei a, Bialtu Pastor Rev.H.Lalthankima leh an bial chhunga Upa engemaw zatin an telpui bawk a, Inrinni zan atanga Pathianni zan thleng khan revival inkhawm an hman chhunzawm a ni.
Kolasib Venglai Bial LAD Revival inkhawmah hian Inrinni zânahunaunu P.C.Zoramthari EBM, GLAD chuan hun hmasa hmangin unaunu RMS Dawngkimi President, GLAD in thuhril rawngbawlna a nei a,
Pathianni chawhnu leh zanah revival hi neih chhunzawm niin, chawhnu ah hian unaunu Lalhlimpuii EBM, GLAD leh unaunu Lalrawngbawli EBM, GLAD ten hun hmasa leh thuhril rawngbawlna hun an hmang thung a, Pathianni zân inkhawmah unaunu Lalrinmawii EBM, GLAD chuan hun hmasa hmangin unaunu Lalbiaktluangi Vice President, GLAD hnen atangin Pathian thuchah ngaihthlak a ni.
General LAD Hruaitute hi zaithiam unuanu Lalhmudikin a tawiawm bawk a, a hnen atang hian Pathian fakna hla mawi tak tak ngaihthlak thin a ni bawk a, Kolasib Venglai Bial LAD seminar cum revival hi Pathianni za khan tluang taka neih zawh a ni.
Press Board
Mizoram UPC Press Board chu April ni 23 Thawhlehni khan Committee room, Mizoram UPC Office-ah an thu khawm a, Press Board hmalakna tur pawimawh tak takte sawihovin Mizoram UPC General Treasurer-in a ho.
Press Board thukhawm chuan property thar Binding Machine lei a rel a, heng bakah hian kum 2023 General Asembly-in Printer leh Binder pakhat ve ve post create a phal sak tawh chu bawhzui dan turte an sawiho bawk a, Mizoram UPC ro relna sang kum chanve Executive Committee-ah thlen an rel a ni.
