Hruaitute rawngbawlna:
General Superintendent
Mizoram UPC General Superintendent Rev. P. Lalrinawma chuan June ni 2 Pathianni hmang khan Lawngtlai Bial revival Crusade a hmanpui a, a cham chhung hian Pathianni chawhma inkhawmah
Mi thar chhungkaw khat member 6 te chu Lawngtlai Chanmari kohhrana lawi turin General Superintendent hian Mizoram UPC ah a lawm lut a ni.
General Superintendent hian Lawngtlai Bial Revival Crusade, Chanmari kohhrana a neihah hian Thuhril rawngbawlna a nei a , zaithiam unaunu Lalhmudiki leh Pastor PC Lalliansanga, Imphal Bialtu ten an ṭawiawm a ni.
General Superintendent Rev. P. Lalrinawma hian Cheural Bial Sangau kohhrante June ni 4 Thawhlehni khan a tlawh bawk a, Sangau kohhranah hian mi thar chhungkaw khat Member 4 te chu Mizoram UPC ah a lawm lut a ni.
General Missions Secretary
General Missions Department Secretary Rev. Lalruatfela chu June ni 5 Nilaini khan Darjeeling kohhran leh Pentecost Missions School Birpara tlawh turin a zin chhuak a, a cham chhung hian North Bengal Field, Jalpaiguri Field, Lower Assam Field leh Guwahati Field-te a tlawh bawk ang.
Rev. Lalruatfela chuan Pathianni chawhma hian Gangtok-ah hun hmangin zan lamah Darjeeling kohhrante Pathian biak inkhawmpui a neih pui bawk ang a,
A cham chhung hian Lower Assam Field-a Native worker, Samson Nursery Pension thlahna hun a hmanpui bawk dawn a ni.
General Missions Dept Secretary Rev. Lalruatfela hi Tirhkoh C. Malsawmsanga EBM, T. Upa Vanlalremsiama, Ramthar Bazar Bial Missions Dept. Asst. Secretary leh kohhran Driver T. Upa VL Khawngaihzuala ten an tawiawm a ni.
GENERAL LAD
General LAD hruaitute'n Bazar Bial LAD Seminar cum Revival hman pui.
June ni 1 Inrinni khan Bazar Kohhran Biak In-ah Bazar Bial LAD te chuan Seminar an nei a, General LAD hruaitu ten he hun hi hmanpuiin EBM pahnihin an tel pui bawk.
Seminar hi unaunu Lalsiamliani President, Bazar Bial LAD chuan a kaihruai a, unaunu Lalbiaktluangi Vice President, General LAD chu Resource Person niin, Thianghlimna tih thupui an zirho a, sawihonate an nei zui a ni.
Seminar-ah hian unaunu RMS Dawngkimi President, General LAD chuan fuihna thu sawiin Seminar Pathian hnena hlanna a nei bawk a ni.
Bazar Bial LAD seminar hi Bialtu Rev. Gospelthanga'n a hmanpui bawk a ni.
Inrinni zan aṭanga Pathianni zan thleng khan revival inkhawm an neih chhunzawm a, Tirkoh C.Vanlalhmudika chu speaker atan hman niin, thu ah leh thlarauvah hlawkthlak an ti hle a, Bazar Bial LAD seminar cum Revival hi Pathianni zan khan a tiak a ni.
General PYD Social Wing
June ni 5 Nilaini World Environment Day pualin Social Wing Committee, General PYD chuan thing phun hnatlang Assembly Centre, Zonuam-ah an nei a, thing ṭiak thahnem tak an phun.
He hunah hian Social wing committee-te an thawk chhuak tha hle a, Social wing committee chuan he hmalakna hi environment humhalh kawnga midangte cho chhuahna leh fuihna anih ngei an beisei a, kohhran ram chhunga nungchate leh keimahni tan ngei pawha malsawmna a nih ngei an ring a ni.
Geneal PYD Social wing committee chuan bawlhhlawh kan paih danah te, kan chhehvel kan enkawl danah te midang tana harsatna siam lo turin kohhran mipuite min ngen a,
India Danpuiin min phut angin kan chhehvel, ramngaw, dil, lui leh nungchate humhalha, duat tak leh hmangaih taka enkawla, midangte tana entawntlak ni turin kohhran mipuite min sawm a ni.