Kum 2025 & 2026 General LAD Thupui, ‘I puan in hmun chu zauh rawh’ zir bu tlangzarhna inkhawm September ni 8 Pathianni chawhnu hian Bethlehem Vengthlang kohhran Biak In ah neih a ni dawn a.
Hemi rual hian General LAD Inkhawmpui leh General Board ro rel minute bu te leh LAD inkaihhruaina bu chhut thar te chu tlangzarh a ni bawk dawn a ni.
General LAD buatsaih lehkhabu tlangzarh inkhawm hi Mizoram UPC Puipa ten an telpui ang.
General Missions Executive Board
General Missions Department Executive board vawi 189–na chu September ni 3 Thawhlehni khan Mizoram UPC Office Committee room-ah an thu khawm a, Upa Lalthlamuana Hnamte, Chairman chuan meeting hi a kaihruai a Mizoram UPC Puipa ten an ho a ni.
Kum 2025 General Missions Dept. Inkhawmpui thlen dil duhte tan April ni 30, 2025 thleng Inkhawmpui thlen dilna hun hawn nise an ti a, Kolkata hmuna kohhran ram lei tur a hmuna zirchiang a kal turin Rev. T. Laldingliana, General Secretary leh Rev. Lalruatfela, General Missions Dept Secretary te an ruat a ni.
Mathura, UP a kohhran ding thar, member 205 lai mai enkawl turin an zinga an hotu Manoj Kumar chu thawktu atan lak thar an rel bawk a, Bazar bial ten Huldibari, Manja Field biakin sa a work-camp an neih turah General Misisons Dept. inkaihhruaina angin tanpuina sum pek an rel bawk.
Heng bakah hian Identity card siam thar a, church ceremonial duty leh authorization ziah lan an rel bawk a, General Board-a ngaihtuah turin Rajasthan state a kohhran meber te huikhawmtu tur Misisoary dah sak tura rawtna thlen an rel bawk a ni.
