HRUAITUTE RAWNGBAWLNA:
Executive Chairman Upa Lalzirliana chu Tuichangral District inkhawmpui hmanpui turin October ni 10 Ningani khan a zin chhuak a, Zirtawpni khan Tirhkoh Seminar a neihpui.
Tuichangral District inkhawmpui hi Khawhai kohhranah nghah a ni a, October ni 11 Zirtawp zan atang khan revival a hman tan niin, Pathianni zan thleng inkhawmnpui hian a awh ang.
General Superintendent Rev. P. Lalrinawma chu vawiin October ni 12 Inrinni hian Thingsulthliah Bial Missions revival hmanpui turin a zin chhuak a, Inrinni zan atanga Pathianni zan thleng hian revival inkhawmah speaker a ni ang.
General Treasurer Rev. Zoramthara pawh October ni 10 Ningani khan Tripura District inkhawmpui October ni 11-13 chhunga Twikumba, Darchawi Biala neih tur hmanpui turin a zin chhuak a,General Treasurer hi October ni 15 Thawhlehni hian Aizawl a lo let leh dawn a ni.
Upa Lalthlamuana Hnamte, Chairman General Missions Dept. chu Agra Missions Field Conference hmanpui turin a zin chhuak. Conference hi vawiin Inrinni leh Pathianni hmanga neih tur a ni.
Rev. Lalruatfela, Secretary General Missions Dept. chu October ni 11 Zirtawp zan atang khan Durtlang Mel 5 kohhrana Rev. Ngurthanpara Sailo te chhungkua Pathian chawimawina ah Speaker a ni a, Pathiannizan thleng hian thu hril rawngbawlna a nei dawn a ni.
General News
Mizoram UPC aiawhin ruihhlo leh dan chungchang zirho na, Puipa ten an hmanpui.
October ni 10 Ningani khan Mizoram State Legal Services Authority & High Court Legal Services, Gauhati High Court, Aizawl Bench chuan, " THE NARCOTIC DRUGS & PSYCOTROPIC SUBSTANCES ACT, 1985 & GENERAL PROVISIONS OF INQUIRIES & TRIALS: ISSUES & CHALLENGES" tih chungchangah workshop a buatsaih a, he hun hi sawm an nih angin Mizoram UPC Puipa, Rev. P. Lalrinawma General Superintendent leh Rev. T. Laldingliana, General Secretary ten an hmanpui a, General PYD aiawhin T.Upa Mesak Vanlalthlana, Assistant Secretary chu a tel bawk.
Workshop hi Administrative Training Institute, Auditorium, MINECO, Khatlah neih a ni a,
sorkar, kohhran leh NGO hrang hrang sawm bikten, ruihhlo leh dan chungchang zir hona leh sawi honate an nei a ni.
