General Superintendent Rev. P Lalrinawma chu March ni 13 Ningani khan Ramthar District hruaitu thlanna neih pui turin a zin chhuak a, Pathianni hian Kolasib-ah a cham ang a, March ni 17 Thawhtanni khian Aizawl a lo let leh ang.
General Secretary Rev. T. Laldingliana chu March ni 13 Ningani khan Saipum hmuna Pastor Quarters hmun tur lei turin a zin chhuak a, General Secretary hian Saiphai kohhran a tlawh bawk.
Zirtawpni khan General Secretary hi Aizawl a lo let leh a ni.
General Treasurer Rev. Rokhuma chuan March ni 16 Pathianni hian Rawpuichhip kohhran Pathian biak inkhawm a telpui ang.
Rev. Lalruatfela Secretary General Missions Department chu March ni 14 Zirtawpni khan Rabung Bial Missions Department inkhawmpui hmanpui turin a zin chhuak a, March ni 17 Thawhtanni hian Aizawl a lo let leh ang.
Upa Lalnuntluanga Sailo, Chairman General SS Department chuan Durtlang Bial SS Department inkhawmpui March ni 14 Zirtawp zan atang khan a hman pui a, Pathian biak inkhawmah Speaker niin, Pathianni zan thleng hian rawngbawlna a nei dawn a ni.
Rev. Lalngaizuala Secretary General SS Department chuan March ni 14 Zirtawpni zan atang khan Bungkawn Bial inkhawmpuiah thuhril rawngbawlna a nei a, Pathianni zan thleng hian rawngbawlna hi a nei ang.
General SS Dept.
General SS Department Executive Board chu March ni 6 Ningani khan Committee Room General Headquarters Office-ah an thu khawm a, Rev. Dr. Saihnuna Award dawng thei tur mi 478 in report an awm.
SS Executive Board hi Upa Lalnuntluanga Sailo Chairman chuan a kaihruai a, SS kum 5 a zawna kai kimte lawmman Rev. Dr. Saihnuna Award dawng thei tur in report hi bial 33 aṭangin mi 478 an awm a. Heng report lo lut SS zirlai, Puitling leh Naupang SS Zirtirtute list hi uluk takin an thlir hova, mi 478 te hnenah Rev. Dr. Saihnuna Award hi pek nise an ti a, Award hlan tur hi siam mek niin, siam zawh anih hnuah Bial tin Pastor-te emaw, Bial SS hruaitute emaw in office-ah lam mai tur a ni ang a.
Mahni bial remchan dan anga Award hlanna programme siam mai turin Meeting chuan a rel a ni.
Kum 2026 Naupang chawhnu zirbu tur chungchang pawh meeting-ah hian ngaihtuah a ni a, kumin a zirbu a hman mek Rev. Saienga Sailo leh Pastor Lalhmingchhuanga te ziah chu zir leh turin an rel a, thuthlung lam hawi in zirtirna zau zawka neih a nih theih nan Animation Movie buatsaihte, Mizoram UPC din thar leh a nih atanga SS Zirlaibu, a copy lakkhawm a vawn thatte chu General SS Executive Board thu rel langsar zualte an ni a, kumin a a tum khatna atan kohhran 15 hnenah SS Hall sak tanpuina pek an rel bawk a, SS inkaihhruaina bu chu chhut thar mek niin, lei theih tura peih thuai an tum a ni.
Education Board
Mizoram UPC Education Board chu March ni 14 Zirtawpni khan Bethani Residential English Medium School, Sihhmui Sairangah an thu khawm a, General Treasurer Rev. Rokhuma’n a ho.
Education Board chuan Sihhmui hmuna kohhran sikul chu April thla atang hian hawn tan an rel a, hmabak bawhzui ngai la awmte chu chak taka bawhzui an rel bawk. Education Board meeting chuan school uniform rawng chungchang leh Logo turte an sawiho bawk a ni.
Bethani Residential English Medium School hi Kg 1 – Class 4 hleng hawn phawt tur a ni ang.
February thla atang khan Zirtirtu lak tharte chuan a tul apiang thawkin sikul leh a velte an tifai a, naupang zawn hna pawh an thawk ngawrh hle a, Sikul Building pawh rawng hnawih fel tawh niin MLA Fund atanga sum an dawn hmangin Sikul panna leh kawt zawlte chu siam hna thawh tum mek a ni.
AC &PC
Mizoram UPC Assembly Centre & Pandal Structure Committee chu March ni 11 Thawhlehni khan Committee Room, General Headquarters Office-ah an thu khawm a, March ni 28, 2025 hian Assembly Centre Hall sakna tur lungphum phum an rel.
Meeting hi Committee Chairman Upa H. Lalrintluanga’n a kaihruai, Pandal Structure Godown a rang thei ang ber a sak an rel a, a sak dan tur pawh ruahman nghal niin a dung feet 36, a vang feet 24 a liana sak tur a ni. Heng bakah hian Assembly Centre Hall tur pawh chak taka bawhzui nise an ti a, March ni 28 Zirtawpni hian Lungphum phumna hun inkhawm lian tham tak buatsaih an rel a ni.
Mizoram UPC Assembly Centre & Pandal Structure Committee thutkhawm hi General Treasurer Rev. Rokhuma’n a ho a ni.
General Superintendent Rev. P Lalrinawma chu March ni 13 Ningani khan Ramthar District hruaitu thlanna neih pui turin a zin chhuak a, Pathianni hian Kolasib-ah a cham ang a, March ni 17 Thawhtanni khian Aizawl a lo let leh ang.
General Secretary Rev. T. Laldingliana chu March ni 13 Ningani khan Saipum hmuna Pastor Quarters hmun tur lei turin a zin chhuak a, General Secretary hian Saiphai kohhran a tlawh bawk.
Zirtawpni khan General Secretary hi Aizawl a lo let leh a ni.
General Treasurer Rev. Rokhuma chuan March ni 16 Pathianni hian Rawpuichhip kohhran Pathian biak inkhawm a telpui ang.
Rev. Lalruatfela Secretary General Missions Department chu March ni 14 Zirtawpni khan Rabung Bial Missions Department inkhawmpui hmanpui turin a zin chhuak a, March ni 17 Thawhtanni hian Aizawl a lo let leh ang.
Upa Lalnuntluanga Sailo, Chairman General SS Department chuan Durtlang Bial SS Department inkhawmpui March ni 14 Zirtawp zan atang khan a hman pui a, Pathian biak inkhawmah Speaker niin, Pathianni zan thleng hian rawngbawlna a nei dawn a ni.
Rev. Lalngaizuala Secretary General SS Department chuan March ni 14 Zirtawpni zan atang khan Bungkawn Bial inkhawmpuiah thuhril rawngbawlna a nei a, Pathianni zan thleng hian rawngbawlna hi a nei ang.
General SS Dept.
General SS Department Executive Board chu March ni 6 Ningani khan Committee Room General Headquarters Office-ah an thu khawm a, Rev. Dr. Saihnuna Award dawng thei tur mi 478 in report an awm.
SS Executive Board hi Upa Lalnuntluanga Sailo Chairman chuan a kaihruai a, SS kum 5 a zawna kai kimte lawmman Rev. Dr. Saihnuna Award dawng thei tur in report hi bial 33 aṭangin mi 478 an awm a. Heng report lo lut SS zirlai, Puitling leh Naupang SS Zirtirtute list hi uluk takin an thlir hova, mi 478 te hnenah Rev. Dr. Saihnuna Award hi pek nise an ti a, Award hlan tur hi siam mek niin, siam zawh anih hnuah Bial tin Pastor-te emaw, Bial SS hruaitute emaw in office-ah lam mai tur a ni ang a.
Mahni bial remchan dan anga Award hlanna programme siam mai turin Meeting chuan a rel a ni.
Kum 2026 Naupang chawhnu zirbu tur chungchang pawh meeting-ah hian ngaihtuah a ni a, kumin a zirbu a hman mek Rev. Saienga Sailo leh Pastor Lalhmingchhuanga te ziah chu zir leh turin an rel a, thuthlung lam hawi in zirtirna zau zawka neih a nih theih nan Animation Movie buatsaihte, Mizoram UPC din thar leh a nih atanga SS Zirlaibu, a copy lakkhawm a vawn thatte chu General SS Executive Board thu rel langsar zualte an ni a, kumin a a tum khatna atan kohhran 15 hnenah SS Hall sak tanpuina pek an rel bawk a, SS inkaihhruaina bu chu chhut thar mek niin, lei theih tura peih thuai an tum a ni.
Education Board
Mizoram UPC Education Board chu March ni 14 Zirtawpni khan Bethani Residential English Medium School, Sihhmui Sairangah an thu khawm a, General Treasurer Rev. Rokhuma’n a ho.
Education Board chuan Sihhmui hmuna kohhran sikul chu April thla atang hian hawn tan an rel a, hmabak bawhzui ngai la awmte chu chak taka bawhzui an rel bawk. Education Board meeting chuan school uniform rawng chungchang leh Logo turte an sawiho bawk a ni.
Bethani Residential English Medium School hi Kg 1 – Class 4 hleng hawn phawt tur a ni ang.
February thla atang khan Zirtirtu lak tharte chuan a tul apiang thawkin sikul leh a velte an tifai a, naupang zawn hna pawh an thawk ngawrh hle a, Sikul Building pawh rawng hnawih fel tawh niin MLA Fund atanga sum an dawn hmangin Sikul panna leh kawt zawlte chu siam hna thawh tum mek a ni.
AC &PC
Mizoram UPC Assembly Centre & Pandal Structure Committee chu March ni 11 Thawhlehni khan Committee Room, General Headquarters Office-ah an thu khawm a, March ni 28, 2025 hian Assembly Centre Hall sakna tur lungphum phum an rel.
Meeting hi Committee Chairman Upa H. Lalrintluanga’n a kaihruai, Pandal Structure Godown a rang thei ang ber a sak an rel a, a sak dan tur pawh ruahman nghal niin a dung feet 36, a vang feet 24 a liana sak tur a ni. Heng bakah hian Assembly Centre Hall tur pawh chak taka bawhzui nise an ti a, March ni 28 Zirtawpni hian Lungphum phumna hun inkhawm lian tham tak buatsaih an rel a ni.
Mizoram UPC Assembly Centre & Pandal Structure Committee thutkhawm hi General Treasurer Rev. Rokhuma’n a ho a ni.
