Rev.Lalruatfela, Secretary General Missions Department chuan April ni 13 Palm Sunday zan hian Bungkawn kohhranah thuhril rawngbawlna a nei ang.
Rev. Lalngaizuala, Secretary General SS Department chu April ni 11 Zirtawpni khan Ruantlang kohhran SS Dept, Pentecost Naupang pual hmanpui turin a zin chhuak a, Thawhtanni hian Aizawl a lo let leh dawn a ni.
Area Secretary Rev. C. Liansanga chu April ni 11 Zirtawpni khan Cheural panin a zin chhuak a, Lungpher S' kohhranah Pathianni a hmang ang. Area Secretary hi Cheural Bialtu Pastor A. Lalhmingsanga’n a tawiawm a, Thawhtanni hian Lunglei a let leh ang.
Puipa Committee
Mizoram UPC Puipa Committee chu April ni 9 Nilaini zan khan General Secretary Quarters-ah an thu khawm a, kohhran ding thar hnenah tanpuina sum pek an rel.
Puipa committee hi Executive Chairman Upa F. Lalremmawia’n a kaihruai a, Mizoram UCP Pastor Seminar neih zawh tak thlir letna te neiin, Pastor ten seminar an ngai pawimawh chu lawmawm an ti a, seminar-ah hian ram buaina avang leh dam lohna avanga tel ve theilo Pastor pahnih chiah an awm a ni.
Puipa committee chuan Kohhran ding thar Bairabi biala Kananthar leh Kanchandpur Bial a Yarungpara kohhrante tanpui nan cheng singnga ve ve pek a rel a, Pastor Chart siam thar leh an rel bawk.
Heng bakah hian Puipa committee chuan Bairabi Bial Kananthar, Lunglei rahsiveng Bial Bunghmun leh Khawzawl Vengthar Bial Ngaizawlahte Tirhkoh rawngbawltu rawih an phal sak a, Tirhkoh Lengkhara leh Lalnghninglovi te hnenah Relief fund atangin tanpuina pek an remti bawk a ni.
General Missions Dept.
Missions Field a Kimin kohhran Biak In chung khuhna tur rangva lei nan Upa Lalnunmawia Tualte te chhungkua chuan Rs 40000, General Misisons Dept Chairman Upa Lalthlamuana Hnmate hnenah an hlana, he mi ni vek hian Kimin hmuna kohhran hnuaia thawktu Joseph Singson hnenah online transaction-a thawn nghal a ni.
General Missions Dept. chuan Upa Lalnunmawia te chhungkaw chungah lawmthu an sawi a ni.
ATI BOARD
Apostolic Theological Institute Board chu April ni 10 Ningani khan ATI Office-ah an thu khawm a,
ATI hmalakna tur hrang hrang an sawiho.
ATI Board chuan Campus chhungah Library leh Staff Quarters sak an rel a, meeting-ah hian
ATI inrelbawlna leh kalphung endik tu Study team-in rawtna an thlente chu uluka taka thlir hovin, Mizoram UPC Executive Committee-ah thlen an rel bawk a ni.
ATI Board thutkhawm hi Puipa Rev. P. Lalrinawma General Superintendent-in a ho a ni.
General PYD
General PYD Executive Board chu Aprilni 10 Ningani khan GeneralHeadquartersOffice Committee Room-ah an thu khawm a,Mizoram UCP Puipa ten an ho.
General PYD Executive Board chuan kum 2025 PYD General inkhawmpui neihna hmun tur R. Dengțhuama Hall, Mualpui chu, a thlengtu Bethlehem Bial Organising Committee-te nen a hmunah kala enfiah an rela,
Bial pathum Lengpui, Bilkawthlir leh Keifang Bial PYD ten Seminar cum Revival neih pui tura an ngenna chu tih hlawhtlin an rel bawk.
General PYD Executive Board chuan PYD inkaihhruaina Bu chu ennawn a,a bu a chhut thar leh an rela, endik tu turte an ruat nghal a.
General PYD
General PYD-in TALK SHOW a buatsaih.
April Ni 10 Ningani khan Social Wing Committee, General PYD hmalakna in thupui pahnih "Social Media " leh " Intodelh" tih hmangin Talk Show, Mizoram UPC Studio, General Headquarters Office, Zonuam ah neih a ni.
Social Media tih chungchang sawihona hi T.Upa Mesak Vanlalthlana, Secretary, GPYD leh Advocate Wendy Lalhmangaihzuali, Chawlhhmun te leh Josephine Lalrinpuii, SWC, te chuan an nei a, second Session-ah ‘Intodelh’ tih thupui hmangin Upa Dr. Zonunmawia, President, GPYD, T.Upa Dr. Daniel Lalawmpuia, President, Bethlehem Bial PYD leh C. Laltlanmawia, Tuikual te chuan titi hona an nei veleh a, F.Lallawmzuala, Secretary, SWC chuan he hun hi a kaihruai a ni.
Assembly Hall
Assembly hall sak tan a ni.
Mizoram UPC Assembly Centre & Pandal Committee hmalakna in Assembly Hall sak tan a ni.
April ni 8 Thawhlehni khan Assembly hall sakna tur leih laih bul tan a ni a. Khawl hmanga lei hi laih niin, ban khur engemaw zat laih zawh tawh a ni.
Mizoram UPC General Assembly 2024 a neihin Assembly hall sak hi a passed a, Budget Estimate hi cheng nuai sangthuam leh zaruk a ni a, ACPC te enkawlna hnuaiah Work Supervisor -ten uluk takin Hall sak hna hi an vil reng a ni.
