Executive Chairman
Executive Chairman Upa F. Lalremmawia chu May ni 9 Zirtawpni khan Serchhip bial PYD Pathian thuthlung zir hona neih pui turin a zin chhuak a. Inrinni zan aṭanga Pathianni zan thleng hian revival a hmnapui bawk ang. Executive Chairman hian Pathianni chawhnuah Upate pualin Leadership seminar a neihpui bawk ang a, he mi rual hian Financial campaign-a nei ang.
Executive Chairman hi May ni 12 Thawhtanni hian Aizawl a lo let leh dawn a ni.
General Superintendent
General Superintendent Rev. P. Lalrinawma chuan May ni 11 Pathianni hian Thingsulthliah Bial a kohhran ding thar, Edenthar kohhran hawnna leh Pathian hnena hlanna a nei ang.
May ni 13 Thawhlehni hian Churachandpur Bial leh Imphal Bial a kohhrante tlawh turin General Superintendent hi a zin chhuak bawk ang.
Gen SS Secy
Rev. Lalngaizuala Secretary, General SS Dept chu May ni 9 Zirtawp zan atang hian Falkland kohhrana Pathian chawimawinaah speaker a ni dawn a, Pathianni zan thleng hian thuhril rawngbawlna a naei dawn a ni.
General SS Dept.
General SS Dept. Executive Board chu May ni 8 Ningani khan Committee Room General Headquarters Office-ah an thu khawm a, kum 2027 Puitling SS zir tur ziaktu atan Rev. P. Lalrinawma General Superintendent an ruat a, ‘Kohhran leh a nihphung’ tih thupui an thlang.
General SS Dept. Executive Board thutkhawm hi Board Chairman Upa Lalnuntluanga Sailo chuan a kaihruai a, an thu rel langsar zual zingah;
Kum 2026 naupang zirlaibu, department tin copy 1000 ṭheuh chhutte,
May ni 17&18 Pathianni hmanga Tripura district children's meet Executive Board-in hmanpuite,
Pathianni chawhma SS inkhawm ngaihpawimawh zual a nih theih nana kohhran tinah Circular chhuah te leh Gen. LAD leh Gen. PYD te he mi kawnga hmalak pui tura sawm nise tihte a tel a,
Heng bakah hian General SS Dept. executive Board chuan SS hall sak ṭanpuina kohhran 6 hnenah pek a remti bawk.
General SS Dept. chuan kumin atana SS hall sak ṭanpuina sum, a pek chhuah theih chin chu sem zawh anih tawh avangin, la dawng remchang ve lo kohhrante hriatthiamna an ngen nghal bawk a ni.
General SS Dept. Executive Board hi Puipa ten an ho a ni.
AC&PC
Assembly Centre & Pandal Committee chu May ni 18 Ningani chawhnu khan Committee Room General Headquarters Office-ah an thu khawm a, Assembly Centre Budget ngaihpawimawh lehzual anih theih nan Bial tinah ngenna lehkha pek an rel a, Assembly hall sak mek chu Media lamah hmalak chin chak taka thehdarh an rel bawk.
Pandal Godown sak mek pawh a rang lama sak zawh anih theih nan chak zawka bawhzuite, Assembly Centre-a Tuizem lianah, ruah tui khawlna tur Tuidawn siam te leh tui hawk luan kawr thawm thatte chu Assembly Centre & Pandal Committee thurel langsar zualte an ni.
Gen PYD L&PB
General PYD leh Mizoram UPC L&PB tangkawpin August thla hian ‘Thu leh hla kutpui’ a buatsaih dawn.
May ni 6 Thawhlehni khan Dinthar kohhran Sunday School Hall-ah General PYD leh Literature & Publication Board hruaitute chu an thu khawm a. August ni 7&8 Pathianni hmang hian Vanapa Hall-ah 'Thu leh hla kutpui' buatsaih an rel a, programme an duang nghal a ni.
