General Superintendent
General Superintendent Rev. P. Lalrinawma chu May ni 23 Zirtawpni khan Vairengte Bial seminar cum Revival hmanpui turin a zin chhuak a. Pathianni thleng a cham ang.
General Secretary
General Secretary Rev. T. Laldingliana chu May ni 24 Inrinni zan atang khan Bungkawn Bial Missions Revival-ah Speaker a ni a, Pathianni zan thleng hian rawngabwlna a nei dawn a ni.
General SS Dept.
Rev. Lalngaizuala, Secretary General SS Department chu May ni 23 Zirtawp zan atang khan Thuampui kohhrana Pathian chawimawina ah Speaker a ni a, Pathianni zan thleng hian thuhril rawngbawlna a nei ang.
BEREMS
Bethani Residential English Medium School, General Superintendent-in Pathian hnenah hlanin a hawng.
Mizoram UPC Education Board hnuaia zirna in, Bethani Residential English Medium School Sihhmui a mi chu May ni 23 Zirtawpni khan a hawnna inkhawm School Tual zawlah hman a ni a. Mizoram UPC General Superintendent rev. P. Lalrinawma’n School hlanna leh hawnna a nei.
He inkhawm hi Education Board Chairman Upa Lalnuntluanga Chhangte chuan a kaihruai a, Board Secretary Upa Robert Lalramchuana leh Principal Lallawmzuala Tochhawng te hnen atangin report ngaihthlak a ni a, Group singing, recitation leh worship dance, School naupang atangin mit leh beng ti tlai tak tak thlirho a ni bawk a, sawm bik zaithiam ten fakna hla an sa bawk a ni.
BEREMS hawnna inkhawm hi Mizoram UPC General Headquarters hruaitu engemaw zatin an telpui a ni.
Bethani Residential English Medium School hi kumin April thla khan, Kg 1 atanga Class 4 chin thleng a bul tan a ni a, thawktu mi 8, Principal leh Teaching Staff 6 bakah Non-Teaching Staff 1 an awm mek a, zirlai naupang hi 66, mipa 36 leh hmeichhia 30 an awm a ni.
BOOKROOM BOARD
Mizoram UPC Bookroom Board chu May ni 22 Ningani zan khan General Headquarters Office Committee Room, Zonuam ah an thu khawm a, Bookroom bungruate man tlawm zawk a hralh chhuah an rel.
He meeting hi Upa Andrew Laldingliana, Bookroom Board Chairman chuan a kaihruai a, Bookroom hmasawnna tur pawimawh tak tak sawiho niin, an thu ngaihtuah langsar zual zingah Bookroom inkaihhruaina dan ruahmanna awm tawh sa chu Booklet a siamte, Bookroom building thawm ṭhatte, Bookroom a zawrh tur bungrua man tlawm zawk a lak leh tihral dan tur te an sawi hova, Bookroom Board Budget siam rem ngaite an siam tha bawk.
Bookroom Board thutkhawm hi Mizoram UPC Puipa ten an ho a ni.
TRIPURA DISTRICT
Tripura District sunday school department children's meet tluang taka hman zawh a ni.
General Sunday School Department buatsaih, Tripura District Sunday School Children's Meet hi Darchawi Kohhranah nghah a ni a, General SS Department Chairman Upa Lalnuntluanga leh Treasurer C. Lalbiakhluni te chuan hmanpuiin, Mizoram UPC Genreral Treasurer Rev. Rokhuma’n a ho bawk a, General SS Dept Executive Board Member Upa F. Vanlalchama leh Pastor Rualthanmawia, Lengpui Bialtu ten an tawiawm bawk.
Children’s Meet-ah hian Tripura District chhunga Sunday School naupangte hnen atangin Items hmuh nawm tak tak thlir ho a ni a, General Hruaitute hnen atangin fuihna thu leh Pathian thu chah ngaihthlak thin a ni bawk.
Tripura District Children's Meet ah hian Rev. Biakhmunrema, District Supervisor bakah District chhunga Bialtu Pastor-te an tel kim hle a, riak lut mi 100 bawr awmin, lang a kal pawh an thahnem hle a ni.
