Executive Chairman
Executive Chairman Upa F. Lalremmawia chuan June ni 8 Pathianni hmang hian Kawnpui Bial a tlawh dawn a. Inrinni hian Financial Training Bial huap Khamrang kohhranah a neih pui dawn a, Pentecost Ni a hmanpui bawk ang.
General Superintendent
General Superintendent Rev. P. Lalrinawma chu June ni 6 Zirtawpni khan Tlangpui kohhran Khawhai Bial, Pentecost Ni hmanpui turin a zin chhuak a, Thawhtanni khian Aizawl a lo let leh ang.
General Secretary
General Secretary Rev. T. Laldingliana chuan Pentecost Ni chu Ainawn kohhrante a hmanpui ang.
General Secretary hi June ni 12 Ningani khian Khawbung Bial Vaiphai kohhrana khuarel chhiatna tawkte tlawhin a zin chhuak bawk dawn a, Serchhip biala chhiatna tawkte a tlawh bawk ang.
General Missions Dept.
Rev. Lalruatfela Secretary General Missions Dept. chu May ni 31 Inrinni khan Thenzawl Bial Missions Revival hmanpuiin a zin chhuak a, Thawhtanni khan Aizawl a lo let leh a ni.
Rev. Lalruatfela hian June ni 8 Pentecost Ni chu Nursery Kohhran a hmanpui ang.
General SS Dept.
Rev. Lalngaizuala Secretary General SS Department chu June ni 6 Zirtawpni khan Khawbung Bial SS Dept. seminar neih pui turin a zin chhuak a, Pentecost Ni chu Dungtlang kohhran a hmanpui ang.
Puipa Committee
Mizoram UPC Puipa Committee chu June ni 3 Thawhlehni zan khan an thu khawm a,
Kum 2025 General Missions Dept inkhawmpuia Puipa hun an pek chu, hun hmangtu atan General Superintendent an ruat.
Puipa Committee chuan General Crusade Fund-a an rawih lai tirhkoh pahnih, Tk. Zion Ramngaia, Thingsulthliah bial tuna Tuikhurhlu a post mek leh tuna Kawnpui bial Zanlawna post mek Tk. Malsawmthanga te chu an awmna a thlak thleng a, June ni 15 ral hmaa an post thleng turin a hriattir a ni.
Heng bakah hian Puipa Committee chuan khuarel chhiatna tawk, lei min avanga chenna in hnawl leh nunna chante hnenah General Headquarters Releif Fund atangin tanpuina pek a rel a, Khawbung Bial vaphai khuaa ruah sur nasa in an chenna in a hnawl avanga chhungkaw member pathum lai boral awmna, Lengkuaithangate chhungkaw ralna sum chu a hmunah ngei kala pek an rel a, General Secretary chu kal turin an ruat a ni.
Lengkuaithangate chhungkaw ralna hi Maryland USA a awm Pastor Biakchhawna chuan cheng singkhat leh sanghnih a pe bawk a, Puipa committee chuan a chungah lawmthu an sawi a ni.
Puipa committee chuan Kum chanve boundary commission meeting neih hun atan June ni 24 zan an ruat a, Kum chanve Recruitment Committee chu a tuk ni 25 zanah an thu bawk ang.
LITERATURE & PUBLICATION BOARD
Mizoram UPC L&PB chu May ni 23 (Zirtawpni) khan Conference Hall, General Headquarters Office ah an thu khawm a, Kohhran member tinte bio-data dah luhna tur ‘web app’ chu meeting-ah hian General Secretary Rev. T. Laldingliana’n a tlangzarh.
L&PB thutkhawm hi Board Chairman Rev. Hc Lalthlamuana’n a kaihruai a,
‘Mizoram UPC Tualchhung Kohhran Chanchin (A brief History of Mizoram UPC Local Church)’ tih chu June leh July thla chhunga en dik an rel a, Mimal Lehkhabu tih chhuah turte pawh uluk taka thlir hovin, endiktu turte an ruat a ni.
Danpui chhut nawn huna ziah luh belh tur, rawtna awm chu L&PB chuan en hovin, ruahmanna chu pawm a ni a.
Mizoram UPC kohhran hnuaia day leh inkhawmpui hman zat chungchanga rawtna,
Inkhawmpui neih zat chu Mizoram UPC din kum 1995 atanga Bial, District leh General huap inkhawmpui neih tan atanga chhiar ni se tih leh Day zat chhiar dan chungchangah pawh Mizoram UPC din a nih kum 1995 atangin a zat hi kohhran leh department, in ang tlanga chhiar tan nise tih chu Kum chanve Mizoram UPC Executive Committee-a ngaihtuah atan an pawm bawk.
Heng bakah hian L&PB chuan Lehkhabu panga- Puithiam Hna, Kohhran Upate Puitu, A Lanna Tlang Dang, Hring Nun Hruaitu leh Thuthlung Thar Hriatna Puitu tihte chu mipui lei theih a tlangzarh an rel bawk a, Kum 2026-a Puitling Sunday Sikul zir tur ‘Kohhran leh a nih phung’ Rev. P. Lalrinawma ziah chu endiktu atan T Upa Lalengmawia Colney,
Rev. Lalngaizuala leh Pastor Lalhmingchhuanga te an ruat bawk a ni.
General SS Dept.
General SS Dept. Executive Board chu June ni 3 Thawhlehni khan Committee Room General Headquarters Office-ah an thu khawm a, puipa ten an ho.
General Sunday School Department Executiev Board chuan an Motor hman hlui, Bolero SLX 2019 Model (MZ 01 S 0546) chu lilâm a rel a (auction), chhan theihna hniam ber hi chêng nuai li (₹ 4,00,000/-) niin, chhang duh chuan chhanna zat, chhangtu hming, veng/khua leh phone number ziakin Mizoram UPC office hun chhungin General Sunday School Secretary hnenah theh luh tur a ni.
Chhan theih hun chhung hi June thla chhûng a ni a, July ni 1-ah chhannate hi hawn a ni dawn a, A chhâng sáng ber hnenah pêk a ni ang.
Motor lilam tur hi enchiang duh tan General Headquarters Office, Zonuamah office hun chhûngin a en theih reng a ni.
General SS Dept. inkaihhruaina bu chhut thar chu lei theiha peihfel tawh niin, Bu 1 Rs 50 a zawrh chhuah tur a ni.
General PYD
General PYD in zai mite nena inkawm hona hun a buatsaih.
May ni 29 Ningani zan khan, Mizoram UPC Conference Hall, Zonuamah Literature Committee, General PYD buatsaih 'Zai mite nena inkawm hona' hun hlimawm leh hlawk taka hman a ni a.
He hun hi T. Upa Lalfamkima, Vice Chairman Literture Committee chuan a kaihruai a, Secretary, Unaupa Vanlalhrilha hnen aṭangin inhmel hriattirna leh Literature Committee hma laknate ngaihthlak a ni.
He hunah hian Zai mite ai awha thu sawi tura a bik taka sawm Unaunu Lalṭhazuali leh Literature Committee ai awha thu sawitu T. Upa Mesak Vanlalthlana te hnen aṭangin Literature Committee nihna leh a dinhmun te, kohhran chhunga zai mite hui khawm leh zual dan tura rawtna ṭha tak tak te ngaihthlak a ni a, Programme kar lakah Unaunu Rochanhlui, Ainawn PYD, Unaupa Lalzemawia, Zemabawk West PYD leh Unaunu Rebek Vanlalnunpuii, Bawngkawn PYD-te'n zaia rawngbawlna an nei thin bawk a ni.
Thupui nei bik sawi hona hun hman a ni bawk a. zai mite leh a chhimtute lam aṭangin an duh zawng leh vei zawng thil hrang hrang ngaihthlak niin, ram pum, General PYD, Literature Committee leh zai mi mi mal ang tea hma sawn kan ngaihna lai thil hrang hrang he hunah hian sawi chhuah a ni.
GENERAL PYD EXECUTIVE BOARD NEIH A NI
General PYD Executive Board chu May Ni 30 Zirtawpni zan khan Dawrpui vengthar, Sundes Sikul Hall-ah an thu khawm a, General PYD hruaitute zin tura sawmna lehkha lut hrang hrang te leh L&PB nen a thawhhona chungchangte chu an thurel langsar zualte an ni.
General PYD Executive Board chuan Kum 2025 General PYD Inkhawmpui lo awm tur atana inbuatsaihna leh hmalakna tur hrang hrangte leh General PYD hnuaia Committee peng hmalakna report leh an hmalak leh zelna tur te meeting-ah hian an sawiho a ni bawk.
Gen PYD
General PYD Social Wing Committee chuan June ni 5 ( Zan) khan Apostolic Theological Institute, Durtlang ah World Environment Day denchhenin Bawlhhlawh bawm pahnih an hlan.
Thil pek hlanna hunah hian Social Wing Committee atangin mi pasarih leh Ex-0fficio H. Reuben Lalbiakpuia, Treasurer, GPYD te an tel a, Social Wing Committee Chairman Lalnunpuia Pachuau chuan Bawlhhlawh bawm hi Rev. B. Lalchhanhima, Dean, ATI hnenah a hlan a ni.
Upper Myanmar District
Upper Myanmar District chuan Silver Jubilee lawmna June ni 2 Thawhtanni khan
Khambat kohhran biakin ah an hmang.
Silver Jubilee lawmna Inkhawm hi District Superintendent Rev. Rosiamliana, Khampat bialtu ni bawk chuan a kaihruai a, Tahan Bialtu Rev. Lalrinenga hnen atangin Pathian thuchah ngaihthlak niin Lalhriatzuala & Lalruathlui ten zai rawngbawlna an nei bawk.
Upper Myanmar District Silver Jubilee lung phum chu Khampat biakin tualah phum a ni a,
Silver Jubilee pual hian Lehkhabu an buatsaih bawk a.
Myanmar District chhunga bial hrang hrang chanchin, biakin leh Quarters thlalakna dah niin,
Myanmar District a Mizoram UPC a din țan dan bulpuite leh harsatna an tawh dan chanchin bakah Pathian malsawmna hruaina an dawn dan chanchin te ziah lan a ni.
Mizoram UPC Upper Myanmar District hi June ni 4, kum 2000 khan a lo ding a, kumin June ni 4 khan kum 25 a tlinna a ni.
