EXECUTIVE CHAIRMAN PROGRAMME
Mizoram UPC Executive Chairman Upa F. Lalremmawia chuan Pentecost ni chu Kawnpui Bial Khamrang kohhran a hmanpui a,
Kawnpui Bialin kum danga an lo hman ṭhin, Pentecost ni pual a Bial huap Seminar cum Revival-ah resource person leh Speaker a ni.
June ni 7 Inrinni khan Executive chairman chuan Financial Training a neihpui a. Inrinni zan
aṭang khan Revival inkhawmpuiah thuhril rawngbawlna nei velehin Pathianni chawhnu khan Dawr vengah Mual inkhawm an nei leh a, he hunah hian Pastor Vanlalduhsaka, bialtu Pastor chuan Pathian thuthlung puanna a nei a, Pathianni zan thleng khan Revival inkhawm hi neih chhunzawm niin,
Executive chairman hian rawngbawlna a nei a ni.
General Superintendent
General Superintendent Rev. P. Lalrinawma chu June ni 14 Inrinni hian Siaha Bial tlawhin a zin chhuak a, Planning & Financial Board Chairman Upa FH Lalramliana’n a tawiawm. General Superintendent zin chhuak hi Thawhtanni ah Aizawl a lo let leh ang.
General Secretary
General Secretary Rev. T. Laldingliana chuan Tuichangral District leh Serchhip District chhunga khuarel chhiatna avanga kohhran member harsatna tawk te a tlawh.
General Secretary hi June ni 12 khan a zin chhuak a, Tuichangral District chhunga Vaphai khua leh Serchhip District chhunga thihna leh harsatna tawkte hnenah Relief fund a hlan a ni.
General Missions Dept.
Rev. Lalruatfela Secretary General Missions Department chu June ni 12 Ningani khan Guwahati Field leh Nagaland Field tlawh turin a zin chhuak a. Pathianni hian Guwahati Field Panikhaiti leh Beltola kohhranah hun a hmang ang.
General Mission Department Secretary zin chhuak hi June ni 20 Zirtawpni khian Aizawl a lo let leh dawn a ni.
General SS Dept.
Rev. Lalngaizuala Secretary General SS Dept chuan June ni 15 Pathianni hmang hian Headquarters Bial LAD seminar cum revival a hmanpui dawn a. Vawiin Inrinni hian Thianghlimna tih thupui hmangin Seminar a neih pui ang, zanin atanga Pathianni zan thleng hian revival inkhawmah speaker a ni bawk ang.
ATI
Apostolic Theological Institute Board chu June ni 10 Thawhlehni khan General Headquarters Office-ah an thu khawm a.
ATI Rules and Regulations thar, Study Group-in an duan chu kum chanve Mizoram UPC Executive Committee pawmpui tura thlen an rel.
Heng bakah hian Kum 2026 session atan Guest Lecturer pakhat lak an rel bawk a ni.
ATI Board thutkhawm hi Board Chairman Upa R. Vanlalruata’n a kaihruai a ni.
