United Pentecostal Church
of Mizoram

General Secretary-in Voluntary Pension a chhuak Rev. Chitto Ranjan Debbarma thlahna thil pek a hlan.

General Secretary Rev. T. Laldingliana chu July ni 9 Nilaini khan Tripura panin a zin chhuak a, Agartala Bialtu Pastor, Pension a chhuak tur chu General Headquarters aiawhin thlahna a nei.

Tripura Agartala bial vawngtu Rev. Chitto Ranjan Debbarma hi Voluntary Pension-a chhuak a ni a. A dam that loh avangin General Secretary hian a chenna Quarters-ah pan chilhin Pension thlahna thil pek General Headquarters aiawhin a hlan a, Pastor welfare aiawhin Chawlhhmun bialtu Rev R Laldawngliana leh Tripura District Supervisor Rev Biakhmunrema te chuan GS hi an tawiawm a ni.

General Secretary hi July ni 12 Inrinni hian Aizawl panin a lo let leh a, a zin chhung hian Darchawi bial Pastor Quarters leh Kanchanpur bial Pastor Quarters sak lai a hmunah tlawhin a enpui bakah Twikumba bial a Quarters hmun hma tur ram a enpui nghal bawk a ni.

General Missions Board

General Missions Dept Executive Board chu July ni 9 Nilaini khan Upa Lalthlamuana Hnamte te In Zemabawkah an thu khawm a, Missions Dept. hmalakna tur pawimawh tak tak sawi hovin, chung zingah chuan Metzaphema Nagaland Field leh Seppa Arunachal Field-te tan a Biak In hmun tur ram lei chungchangte a tel a ni.

GENERAL SUM AUDIT NEIH A NI

Kum chanve General Audit chu Mizoram UPC Office Committee room-ah neih a ni a, General Headquarters hnuaia Main Account, Department leh Board hrang hrang Sum leh pai dinhmun en fel a ni.

Mizoram UPC kum chanve General Audit hi July ni 10 khan neih tan niin, nihnih chhung a awh a Zirtawpni khan zawh fel a ni. 

GPYD

GYPD hmalakna in ATI-ah Literature campaign neih a ni.

July ni 4 Zirtawpni chawhnu khan Literature Committee, General PYD te chuan ATI Campus-ah literature campaign an nei a, ATI Library-a dah tur Lehkhabu thahnemtak an pe bawk.

Litertaure Campaign hi David Malsawmtluanga, Asst Secretary-in a kaihruai a, Vanlalhrilha Secretary hnen aṭangin report ngaihthlak a nih bakah Esther Lungtiawii'n thiam takin fakna hla a sa a ni.

Literature Campaign hi Tk. R. Lalbiakdika, Chairman, Literature Committee chuan a nei a. Literature Committee din chhan te, hma a lak tawhna leh hma a lak mekna te sawiin, ATI zirlaite chu Literature Committee hma laknaa tel ve zel turin a sawm a, Ziah, chhiar leh ngaihthlak kawngah ṭan la lehzual turin a fuih bawk a ni.

#

July ni 4 Zirtawpni zan khan Gen PYD Literature Committee chuan Bawngkawn Shalom Kohhran Sunday School Hall-ah meeting an nei bawk a, kohhran chhunga PYD zai mite tana registration tih theihna tur ruahman te, Literature Committee property atana music track siam theih dan tura ruahmanna siam te chu an thu rel langsar zualte an ni a, meeting-ah hian hmalakna awm mek tarlan niin Lehkhabu thahnem tak tihchhuah an tum bakah hian PYD hla bu tonic solfa awm chu chhuah turin an buatsaih mek a ni.

GENERAL PYD

General PYD Executive Board chu July ni 10 (Ningani) khan Bawngkawn Shalom kohhran Biak In ah an thu khawm a, Mizoram UPC Puipa Upa F. Lalremmmawia, Executive Chairman leh General Superintendent Rev. P. Lalrinawma te chuan an ho.

General PYD Executive Board chuan kum 2025 General PYD inkhawmpui a chanvo nei turte an ruat a, hmalakna tur pawimawh tak tak an sawiho bawk.

Meeting-ah hian General PYD hnuaia Committee peng hrang hrang te chuan report an pe a, August ni 7 & ni 8 thla hian L&PB nen tangkawpin Thu leh Hla Kutpui Vanapa Hall-ah buatsaih an tum bawk a ni.

TB Awareness

Ngawr (TB) Natna chungchanga inzirtirna Mizoram State Health Dpartment TB Society buatsaihin General Headquarters Office Conference Hall-ah July ni 11 Zirtawpni khan neih a ni a, Mizoram UPC hruaitute bakah Aizawl khawpui chhunga Pastor-te leh General Headquarters Office Staff-te an tel.

India Central Sawrkar hnuaia Ministry of Health and Family Welfare Scheme TB Mukt Bharat Abhiyan, (TB do remna tura hmalakna) Programme Sensitization of Church Leaders’-ah hian Dr. Zochhuanawmi Jt. Director chu Resource Person a ni a, Kohhran hruaitute hriat tur pawimawhte in zirtir niin, TB natna leh a kaihhnawih thila mipuite zirtir chhawn leh dan tur te, TB chung chang, a lanchhuah dante zirho a ni.