Executive Chairman Upa F. Lalremmawia chuan July ni 20 Pathianni hmang hian Bethlehem kohhran a tlawh dawn a, Pathian biak inkhawm a hmanpui ang.
General Superintendent Rev. P. Lalrinawma chu July ni 19 Inrinni hian Aibawk Bial revival inkhawmpui hmanpui turin a zin chhuak a, zanin atang hian Pathian biak inkhawmah Speaker a ni dawn a, Pathianni zan thleng hian thuhril rawngbawlna an nei ang.
L&PB
Literature & Publication Board-in lehkhabu pali a ti chhuak.
July ni 15 Thawhlehni khan Mizoram UPC Office Conference Hall-ah L&PB buatsaihin Lehkhabu tlangzarh inkhawm neih a ni a. Board Chairman Rev. Hc Lalthlamuana’n inkhawm hi a kaihruai a ni.
L&PB buatsaih Lehkhabu tlangzarh inkhawmah hian Lehkhabu Pali chhawp chhuah a ni a.
Pastor Lalnunzama ziak ‘A lanna Tlang Dang’
Tk. Lalramchuana ziak ‘Hring Nun Hruaitu’
Tk. H. Lalrawngbawla ziak ‘Thuthlung Thar Bu Hriatna Puitu’ tih leh
‘Beih Rual Bu’ (Kohhran Thurin Puan chhuahte) Rev. C. Liansanga ziakte chu Mizoram UPC General Superintendent Rev. P. Lalrinawma’n a tlangzarh a ni.
Lehkhabu chhuak tharte hi Mizoram UPC Office, Zonuam leh kohhran Bookroom Tuikhuahtlangahte lei theih a ni.
GLAD
Social Welfare Department huaihawt Ruihhlo do na Programme-ah General LAD hruaitute an tel.
July ni 8 leh ni 9 khan Ruihhlo do na kawnga inzirtina neih a ni a, he hunah hian General LAD hruaitute chu sawm an nih angin an tel a,
1.R.Lalthanpari EBM
2.Lalmuanpuii EBM
3.Lalnunthari EBM
4.Laltlanhlui EBM leh
5. K.Lalthanpuii EBM te chu General LAD aiawhin Ruihhlo dona programme-ah hian telin, an ni hi Master Trainer atan ruat an ni a, anni kaihhruaina hnuaiah hian hmun 36 ah ruihhlo do na chungchang a inzirtirna neih a ni dawn a ni.
