GENERAL TREASURER
General Treasurer Rev. Rokhuma chu South Chawngtui kohhran Biak In sak enpui turin July ni 26 Inrinni hian a zin chhuak a, Pathianni a cham ang.
General Treasurer hi Julyni 28 Thawhtanni hian Aizawl a lo let leh dawn a ni.
GENERAL SS DEPT. SECRETARY
Rev. Lalngaizuala Secretary General SS Dept. chu July ni 26 Inrinni hian Lungpho Bial SS Dept. Seminar cum Revival hmanpui turin a zin chhuak. SS Secretary hi July ni 28 Thawhtanni hian Aizawl a lo let leh ang.
Area Secretary Rev. C. Liansanga chuan July ni 27 Pathianni chawhnu hian
Lunglei Chanmari kohhranah rawngbawltute pual Seminar a neihpui dawn a, ‘Rawng bawltu leh hmangchâng’ tih hmangin zirtirna a pe ang.
General Missions Dept.
General Missions Dept. Executive Board chu July ni 21 Thawhtanni khan Dept. Chairman Upa Lalthlamuana Hnamte te In Zemabawk South-ah an thu khawm a thawktu pakhat lak an rel.
Missions Dept. Executive Board thutkhawm hi Upa Lalthlamuana Hnamte chuan a kaihruai a, Missions Dept. hmalakna tur pawimawh tak tak sawihoin, Missionary Grade ‘C’ pakhat lak thar an rel a. August thla hian Advertisement chhuah a ni dawn a ni.
General SS Dept
General SS Executive Board chu July ni 22 Thawhlehni khan General Headquarters Office Committee room-ah an thu khawm a, Upa Lalnuntluanga Sailo, Chairman, Gen SS Dept chuan kaihruaiin, Rev. P. Lalrinawma General Superintendent leh Rev. Rokhuma General Treasurer te chuan an ho a ni.
General SS Dept. Executive Board chuan kum 2026 puitling SS zirlaibu copy chhut zat tur bitukin copy 9000/- tih chhuah nise an ti a, bu khat Rs. 100/- a hralh an rel.
Heng bakah hian kum 2026 naupang SS zirlaibu kum 2-na zir tur leh, chawhnu zirlaibu tur chu bu khat Rs. 70/- a hralh an rel bawk a, Doctrine Dept. Quiz tualchhung tin tan an zirlaibu hmanga kumin chhunga neihpuite chu an thu rel langsar zualte an ni a. Quiz buatsaihna atan hian organising committee an din nghal bawk a ni.
General LAD
Mizoram Sawrkar Social welfare Department ngenna angin, General LAD te chuan Ruihhlo Do na leh a that loh zia In zirtirna Bial hrang hrangah an nei.
He hun hmanpui tur hian General LAD atangin Master Trainer-te an in sem darh a, July ni 13 Pathianni khan Lunglei Rahsi Veng kohhranah Unaunu.K.Lalthanpuii EBM chuan zirtirna a pe a,
Ni 20 Pathianni khan Unaunu R.Lalthanpari EBM chuan Vairengte Headquarters kohhranah ruihhlo dona kawnga inzirtirna a nei thung a, he mi ni vek hian
Unaunu Lalmuanpuii EBM chuan Zote kohhran leh Zion veng kohhranah hun hmanpuiin,
'N' Serchhip Naupang SS Hall ah Unaunu Lanunthari EBM chuan ruihhlo dona programme hi a hmanpui bawk a ni.
General PYD
Social Wing Committee hmalakna in SEX EDUCATION AWARENESS neih a ni.
July ni 21 (Thawhtan) zan khan Social Wing Committee, General PYD chuan Bazar Bial PYD sawmna bawhzuiin Armed Veng South Kohhran Sunday School Hall-ah Sex Education Awareness an nei a.
He hun hi T.Upa Lalchawimawia Vaiphei, President, Bazar Bial PYD chuan kaihruaiin Johan Lalchhuanawma, Secretary, Bazar Bial PYD leh F. Lallawmzuala, Secreatry, Social Wing Committee te hnen atangin hmalakna hrang hrang ngaihthlak a ni.
Sex Education Awarness ah hian Mary Lalrinchhani, member Social Wing Committee chu Resource Person a ni a, Thalai te chu Hur sualna lakah kan fihlim a pawimawh thu te, Pathian duh loh zawng a nih zia te zirtirin, Lehkha tar ngeia nupui /pasal nei turin kalkhawm te chu a fuih a,
thu pui zirhona bakah hian sawihona neih chhunzawm niin, he huna telte chuan hlawkthlak an ti hle a ni.
General PYD Documentation Committee te chuan July ni 22, Thawhlehni zan khan Meeting an nei a.
August ni 7&8 a Thu leh hla kutpui lo awm tur atana chanvo nei tur te ruatin, kum 2025 PYD inkhawmpui lian lo awm tur atana inbuatsaihna tur hrang hrang an sawiho bawk a ni.
Documentation Committee chuan kumin chhunga hmalakna pakhat atan Pentecost zai mite tan programme huaihawtte, General PYD hnuaia Committee peng dang te nena thawhhona ṭha zawk neihte leh midang tana luanchhuah rawngbawlna neih chungchang te an sawiho bawk a ni.
#
General PYD inkhawmpui neihna hmun tur General pyd leh organising committee ten an tlawh.
Kum 2025 General PYD Inkhawmpui neihna hmun tur R. Dengthuama Indoor Stadium chu General PYD Executive Committee leh Inkhawmpui thlengtu tur Bethlehem Bial Organising committee te chuan a hmunah kalin an enhova, hmalakna tur pawimawh tak takte sawihovin Inkhawmpui nuam tak leh hlimawm tak neih a nih theih nan chak taka hmalak an tum a ni.
THISEN PEK RUNPUI
General PYD Social Wing Committee hmalaknain Bial hrang hrangah PYD ten thisen an pe.
July ni 12 (Inrinni) khan Social Wing Committee, General PYD bul tumin Lunglei South Bial PYD leh Lunglei Rahsi Veng Bial PYD te chuan a huhovin Civil Hospital Blood Bank, Lungleiah thisen an pe.
Bial hnih thalai kalkhawmte hian thisen unit 17 an pe a ni.
July ni 19 (Inrinni) khan Ruantlang Bial PYD te pawhin Ruantlang Naupang Sunday School Hall-ah blood donation camp an nei a, Thisen unit 20 an pe a ni.
He mi ni vek hian Kolasib Diakkawn Bial PYD te chuan a mamawh apiangte hman atan Kolasib District Hospital Blood Bank-ah thisen pek runpui an nei bawk a, an bial chhung thalai member 39 thisen pe tur hian an kal khawm a, chung zingah chuan Mipa -12 leh hmeichhia -12 ten thisen Unit 24 an pe a ni.
Bethlehem Bial PYD te pawhin July ni 19 (Inrinni) khan Bethlehem Vengthlang Kohhran Sunday School Hall-ah Thisen pêk rûnpui an nei a, mipa 33 leh hmeichhia 9 ten Thisen unit 42 an pe a ni.
