GENERAL HEADQUARTERS HRUAITUTE PROGRAMME
General Superintendent Rev. P. Lalrinawma chu August ni 1 Zirtawpni khan Thenzawl Bial tlawhin a zin chhuak a, Pastor Quarters tur hmunhmate a enfiah.
General Superintendent hi Bookroom Board Chairman Upa Andrew Laldingliana’n a tawiawm a ni.
Rev. Lalruatfela Secretary, General Missions Department chu Darlawn Bial Missions Department revival inkhawmpui hmanpui turin August ni 2 Inrinni hian Lailak panin a zin chhuak. Missions Secretary hi August ni 4 Thawhtanni hian Aizawl a lo let leh ang.
Rev. Lalngaizuala Secretary, General SS Department chuan Pathianni hmang hian Reiek Bial SS Seminar cum revival Chungtlangah a hmanpui dawn a. August ni 2 Inrinni hian a zin chhuak bawk.
Hyssop Recreation Centre Board
Hyssop recreation centre board a vawikhat nan an thu khawm.
Mizoram UPC General Headquarters hnuaia Board ding thar, Hyssop Recreation Centre Board chu July Ni 29 Thawhlehni zan khan Headquarters kohhran SS Hall, Tuikhuahtlangah a vawi khatna atan an thu khawm a. Upa Vanlaldinthara, Board Chairman chuan kaihruaiin, Board Secretary David Malsawmtluanga’n Board din a nih dan leh a thil tumte report a pe.
Hyssop Recreation Centre Board Meeting chuan Board thil tum chi 8 zinga point number 1 ‘Ruihhlo ngai te enkawlna hmun siama, enkawl’ tih chu hmalakna hmasa atan bawhzui an rel a,
ruihhlo ngaite enkawlna hmun a rang thei ang bera neih anih theih nan chak zawka bawhzuite, General Headquarters-ah sum mamawh turte thlen a, GPYD leh GLAD hnenah kum 2026 budget-a a tam thei ang ber ruihhlo ngaite enkawlna tur sum dah tura ngen an rel bawk.
Heng bakah hian ruih hlo ngaite enkawlna hmun tur chungchang an sawiho bawk a, kohhranin hmun leh hma a neih mekte a hmunah kal a zirchian hmasak nise an ti bawk a,
He meeting hi MUPC Executive Chairman Upa F. Lalremmawia'n a telpui a ni.
Hyssop Recreation Centre Board hi kumin kum chanve Executive Committee-in a din thar a ni a, ruihhlo ngai leh rahbi tleu tawhte enkawlna hmun ngaihtuah tura din a ni.
GENERAL LAD
General LAD hruaitute chuan kum 2026 LAD General inkhawmpui thlengtu tur Lunglei south bial an tlawh.
July ni 26 leh ni 27 Pathianni hmang khan General LAD Office Bearer-te leh Executive Board Member-te chuan kum 2026 LAD General Inkhawmpui nghahna Lunglei South bial an tlawh a, tualchhung hrang hrangah hun hmangin Pathian biak hona an nei a, Pathianni tlaiah Inkhawmpui Organising Committee hruaitute nen inkawm hona neiin, hmalak dan tur hrang hrang an sawihova. LAD General Inkhawmpui neihna hmun tur Lunglawn mual a hmunah kalin an enfiah bawk a ni.
Kum 2026 General LAD inkhawmpui thlengtu tur Lunglei South bial chungah General LAD chuan lawmthu a sawi a ni.
Gen PYD
Literature Committee, General PYD chuan July ni 26, Inrinni zan khan Bawngkawn bialah literature campaign an nei a, Unaupa David Malsawmtluanga, Asst Secretary chu Committee aiawhin hun a hmang.
July ni 27, Pathianni chawhnuah Dinthar bial leh Ṭhuampui bialahte Litertaure committee Gen PYD chuan Campaign an nei bawk a, Dinthar bialah Unaunu Vanlalthanpuii Pautu, Committee member chuan hun hmangin, Ṭhuampui bialah T. Upa B. Lalruattluanga, Committee member chuan campaign-na hun a hmang bawk.
Literature Committee, General PYD-te hian bial hrang hrang 12-ahte campaign hi an nei tawh a, hma bak an la neihahte Literature campaign neih chhunzawm zel an tum a ni.
Bethani Board
Bethani Childrens Home Society Board chu July ni 29 (Thawhlehni) khan Conference Hall, Bethani Children’s Home, Sihhmuiah an thu khawm a.
Tui hawk luan kawr siam chungchangte, Kitchen cum dining Hall/ Boys Dorm / Staff Quarters sak chhunzawm dan turte, Home compound hungna chungchangte chu an thu rel langsar zualte an ni a, Heng bakah hian Home mamawh hrang hrangte an sawiho a ni.
