General Superintendent Rev. P. Lalrinawma chuan Saitual kohhran Silver Jubilee lawmna a hmanpui dawn a, August ni 15 Zirtawpni hian a zin chhuak ang.
General Superintendent hian Zirtawpni zan atangin Saitual kohhranah rawngbawlna a nei dawn a, Inrinni hian Jubilee dar vuain Saitual kohhran Jubilee lawmna inkhawmah thuhril rawngbawlna a nei bawk ang. Rev. P. Lalrinawma hian Pathianni zan thleng hian thuhril rawngbawlna a neih chhunzawm dawn a, Thawhtanni ah Aizawl a lo let leh ang.
Rev. Lalruatfela Secretary General Missions Department chuan August ni 17 Pathianni hmang hian Lengpui bial, Rawpuichhip kohhran a tlawh dawn a, zan lam thlengin Pathian biak inkhawmah thuhril rawngbawlna a nei ang.
Rev. Lalngaizuala Secretary, General SS Department chu Headquarters kohhran a Pathian chawiawina ah August ni 15 Zirtawp zan atang hian Speaker a ni dawn a, Pathianni zan thleng hian rawngbawlna a nei dawn a ni.
Rev. C. Liansanga Area Secretary chuan August ni 17 Pathianni hmang hian Lunglei Rahsiveng Bial Venghlun kohhranah hun a hmang dawn a, zan lam Pathian biak inkhawm hi Lunglei South Bial Lunglawn kohhrante a hmanpui thung ang.
Gen LAD
General LAD Office Bearer-te chuan August ni 9 Inrinni khan Kumin October thla a General LAD Board Cum Revival nghahna hmun Lengte Kohhran an tlawh.
General LAD hruaitute leh General Board thelngtu tur Lengte kohhran chuan inkawmhona an nei a, Lengpui Bialtu Pastor Rualthanmawia’n he hun hi a telpui bawk a ni.
General LAD Board thleng tura Lengte kohhrante inbuatsaihna chu GLAD hruaitute chuan ropui an ti hle a, an chugnah lawmthu an sawi a ni.
HRCB
HYSSOP RECREATION CENTRE BOARD THUTKHAWM VAWI 2-NA NEIH A NI
Mizoram UPC kum chanve Executive Committee-in Board a din thar, Hyssop Recreation Centre Board chuan August ni 12 Thawhlehni khan General Headquarters Office Committee Room-ah thutkhawm tum 2-na an nei a. He meeting hi Upa Vanlaldinthara, Board Chairman chuan a kaihruai a ni.
Meeting -ah hian Hyssop Centre dinna tur atana kohhranin ram a neihte zirchianna report thlirho a ni a, meeting chuan kohhranin ram a neih mek atangin Lungverh, Sakawrtuichhun rama kohhran hmun chu Centre dinna atan a thlang a, Planning & Financial Board-ah Hyssop Centre dinna atan dilna thlen an rel a ni.
Heng bakah hian Hmun hma sam fai hmasak an rel bawk a, Centre dinna tur atan hian ruahmanna uluk taka siam an rel bakah Engineer-te ruaiin RCC building Plan & Estimate mumal taka siam chhoh an tum a ni.
He meeting hi MUPC Puipa General Superintendent Rev. P. Lalrinawma, General Secretary, Rev. T. Laldingliana leh Rev. Rokhuma, General Treasurer-te chuan an telpui a ni.
Puan fo tawh angin Hyssop Recreation Centre Board chuan thil tum chi hrang hrang a neih zingah ruihhlo ngaite enkawlna hmun tur din chu hna hmasaah a nei dawn a ni.
General Headquarters
Mizoram UPC General Headquarters hnuaiah Office Assistant Grade III (Jr) post pakhat a ruak a, October ni 15 2025 thleng dilna hun hawn a ni.
Graduate chin tan dil theih a ni a, dilna hi Common Application Form hmangin General Secretary Mizoram UPC hnenah Office hun chhungin thehluh tur a ni.
General Missions Dept
General Missions Dept. hnuaiah Missionary Grade C Junior post pakhat a ruak a, dil duh tan August ni 31 thleng dilna hun hawn a ni.
Diltu chu ATI Graduate emaw Class 12 pass
Ruih theih thila fihlim an ni tur a ni.
Dilna hi Plain paper-ah ziak in General Missions Department Secretary Rev. Lalruatfela hnenah thehluh tur a ni.
