United Pentecostal Church
of Mizoram

Rev. P. Lalrinawma General Superintendent chu September ni 6 Inrinni hian Financial Campaign leh Revival hmanpui turin Lungtan panin a zin chhuak dawn.

General Superintendent hian revival inkhawmah thuhril rawngbawlna a nei dawn a, September ni 8 Thawhtanni hian Aizawl a lo let leh dawn a ni.

Rev. Lalngaizuala Secretary General SS Department chu September ni 5 Zirtawpni hian Lunglei Rahsiveng Bial SS inkhawmpui hmanpui turin a zin chhuak. SS Secretary hi inkhawmpuiah hian Speaker a ni dawn a ni.

Rev. Lalngaizual hi September ni 8 Thawhtanni khian Aizawl a lo let leh ang.  

General Headquarters

Mizoram UPC Puipa te hmalaknain September ni 4&5 nihnih chhung hian Puipa te leh Pastor sawm bik mi 7 te chuan rawng bawlna kawnga harsatna tawh leh hmasawn dan turte sawiin inkawmhona an nei.

A ni khatnaah hian General Secretary leh General Treasurer te chuan chawhma leh chawhnuah thu sawiin, a ni hnihnaah hian Executive Chairman leh General Superintendent te chuan hun an hmang ve leh a, inkawmhona hlawhtling takin an nei a ni.

He nihnih chhung inkawmhona ah hian Fulltime Evengelist 6-te pawh koh an ni a, Puipate chuan rawng bawlna kawnga intuai tharna an neih pui bawk a ni.

General Missions Dept

General Missions Department chuan Pailapool, Cachar District Assam-a Missionary tur a la fel.

September ni 3 Nilaini khan Missioanry Grade C Junior pakhat lakna written Test leh interview neih a ni a, diltu pali awm zingah Tirhkoh R. Lallawmawma, Banwgkawn Shalom chu lak a ni.

Missioanary lak thar hian October ni 1, 2025 khian Joining report a pe ang a, Missionary tirhchhuah inkhawm neih hun erawh General Missions Department-in a la ngaihtuah leh dawn a ni.

Missionary Grade C Junior lakna ah hian Tirhkoh Lalramchuana Chungtlang chu Panellist ah a awm a ni.   

General LAD

General LAD Executive Board chu August ni 29 Zirtawpni khan Conference Hall General Headquarters Office-ah an thu khawm a General Board an neih tur chungchang chu thu rel langsar zual a ni.

General LAD Executive Board thutkhawm hi President C. Renghlupuiin a kaihruai a, Mizoram UPC Puipa ten an ho a ni.

Kum 2025 General Board Lengte kohhrana nghah chu, Ocotber ni 17 Zirtawp zan atangin Revival inkhawm a bul tan an rel a, Pathian biak inkhawma Khuangpu leh Hla hril hna thawk turin heng mite hi an ruat bawk a ni.

Khuangpu atan : Lalhriatkima Chaltlang, TK.Malsawmthanga Tuikhurhlu, Kanan Lalrampara Chaltlang leh T.Upa Lalrinchhana Lengte te an ruat a, Hla hril turin Lalngaihsaki Chaltlang leh Lalrinpuii Chaltlangte chu an ni dawn a, 

General LAD Executive Board chuan General Board-ah hian Hyssop Recreation Centre pual, General Missions pual, Bethani Children’s Home pual, Foreign Missions pual leh Thlengtu pual thhawlawm lakkhawm an rel bakah Pathianni chawhnuah Kum 2024 chhunga Buhfaitham tham tha lawmman semna hun hman an rel bawk a ni.

General LAD Board-ah hian Revival inkhawma thuhirl rawngbawlna nei turin Tk. Ruatfamkima, Mary Lalrinawmi (Secretary, GLAD) Rev. T. Laldingliana (General Secretary) Tk. Michael Lalramchhana leh Rev. P. Lalrinawma (General superintendent) te chu ruat an ni a, Pathianni zing inkhawmah Upa F. Lalremmawia Executive Chairman-in thu tawi a sawi bawk ang.

General LAD Executive Board chuan kum 2025 leh 2026 LAD Thupui Bu ‘I puan in hmun chu zauh rawh’ tih Rev. Ngurthanpara Sailo ziah chu hralh zawh a nih tawh avangin copy 200 chhut belh leh an rel a, kum 2026 Budget Estimate an thlirho bawk a ni.

Foreign Missions 

Mizoram UPC Foreign Missions Board chu August 26, Thawhlehni khan Committee Room General Headquarters Office-ah an thu khawm a, hmalakn tur pawimawh tak tak an sawiho.

An thu rel langsar zual zingah China Missionary Christina Vanlalremruati visa a zawh tawh avangin, Work Visa ngaihtuah sak leh mek a ni a, tunah hian Mizoramah awm mekin a awm chhung hian a tulna hmun apiangah rawng bawl tura tih a ni.

Cambodia Missionary Lalnunkimi'n Foreign Missions rawng bawlna atanga chawlh a dilna chu Foreign Misison Board chuan rem a tihsak a, Cambodia rama rawng bawl zel dan tur chu erawh chu ngaihtuah that leh tur a ni.

Foreign Missions rawng bawl dan tur kalphung felfai zawk duan an rel bakah Field tlawh chhuah an rel a, Mizoram UPC Executive Committee vawi 67-na thu rel, District inkhawmpuia Pathianni zan inkhawm thawhlawm Foreign Missions puala dah chu, District inkhawmpui tinah chak zawka bawhzui an rel bawk a ni.

Jubilee Editorial Board

Mizoram UPC thla tin chhuak chanchinbu Pentecostal Jubilee Editorial Board chu September ni 2 Thawhlehni khan an thu khawm a, Rev. Hc Lalthlamuana’n kaihruaiin Jubilee chhung thu siam rem ngai nia hriatte thlir hona an nei a, Hriat zauna huang tih chu Kawhhmuhtu tia thlak an rel a, Kohhran kalphung leh inzirtirna tur lam thai lanna tur atana ruahman a ni a, kum 2026 atanga hman tan tur a ni.

Heng bakah hian Tualchhung tin ten Pentecostal Jubilee rang taka an hmuh kim zung zung theih na tur an ngaihtuah bawk a, District inkhamwpuiah Jubilee campaign neih leh an rel bawk a ni.

Jubilee Editorial Board chuan chanchinbu lak man chu vawi khataa pek tlak nghal anih theih nan Tualchhung tinah ngenna siam an rel a, kum 2025 lak man la pe lo te pawhin kumin chhung ngei a pe tlak turin Tualchhung tinte an ngen bawk a ni.