Executive Chairman Upa F. Lalremmawia chuan September ni 7 Pathianni khan Project 2025 pual Campaign neiin Bethlehem Vengthlang kohhran ah a inkhawm a, September ni 14 Pathianni hian Chaltlang kohhranah Project 2025 pual campaign a nei bawk ang.
Rev. Rokhuma General Treasurer chu September ni 12 Zirtawpni khan Imphal Bial tlawhin a zin chhuak a, P&FB member Upa CD Lala’n a tawiawm.
General Treasurer zin chhuak hi September ni 15 Thahwlehni khian Aizawl a lo let leh dawn a ni.
Rev. Lalruatfela Secretary, General Missions Department chu September ni 10 Nilaini khan Arunachal Field Conference hmanpui turin a zin chhuak.
Missions Dept. Secretary hian September ni 13 Inrinni hian Kimin Biak In a hawng bawk dawn dawn a, Zirtawp zan atang khan Arunachal Field Conference-ah hian thuhril rawngbawlna a nei a, Pathianni zan thleng hian speaker a ni ang.
Kimin Biak In hawn tur hi General Missions Department Chairman Upa Lalthlamuana Hnamte te chhungkuain Rs. 2 Lakh an thawh hmanga sak bul tan a ni a, Kimin kohhran hi Tirhkoh Joseph Singson chuan thutchilh mekin Pastor Letgin Khongsai chu Field Pastor a ni.
General Missions Department Secretary Rev. Lalruatfela hian September ni 15 Thawhtanni khian Seppa kohhran Biak In hmun tur a hmunah kalin a enfiah bawk dawn a, Seppa Kohhran hi Tirhkoh Markio Mama chuan thutchilh mekin, a tuk ni 16 Thawhlehni khian Pastor Melory Vanlalfingfela awmna Upper Assam Field a tlawh bawk ang.
Rev. Lalruatfela hi September ni 18 Ningani khian Aizawl a lo let leh dawn a ni.
Area Secretary Rev. C. Liansanga chu September ni 13 Inrinni hian Ṭhualṭhu Biak in sak tur a hmunah kalin a enfiah dawn a, kohhran hruaitute nen hmalak dan tur an sawiho vang.
Area Secretary hi a tuk ni 14 Pathianni hian Thingfal Pastor Quaters sak mek a hmunah kalin a enpui bawk ang.
General News
Mizoram UPC Rammut thla August thla chhunga Pastor Bial hrang hrang atanga member thar neih zat hi 564 a ni a,
Hetih rual hian ram mut thla chhungin member 46 in kan kiam thung a ni.
Puipa Committee
Mizoram UPC Puipa Committee chu September ni 11 Ningani khan General Secretary Office-ah an thu khawm a, Mizoram UPC hnuaia District hrang hrang Inkhawmpui hmanpui dan turte an sawiho.
Puipa Committee chuan Kum 2025 District inkhawmpui hrang hrang hetiang hian hmanpuitu tur an ruat.
1. Serchhip District inkhawmpui: Executive Chairman.
2. Tuichangral District inkhawmpui- General Superintendent.
3. Siaha District inkhawmpui - General Treasurer.
5. N Mizoram District inkhawm- General Secretary.
6. Hmarthlang District inkhawmpui - Executive Chairman.
7. Tripura District inkhamwpui - Gen. Missions Secretary.
8. Lawngtlai District inkhawmpui - General Superintendent.
9. Hmarchhak District inkhamwpui - Executive Chairman.
10. Khawthlang District inkhawmpui - General Treasurer.
11. Ramthar District inkhawmpui - General Secretary.
12. Manipur District inkhawmpui - General SS Secretary.
13. Lunglei District inkhawmpui - Principal, ATI te chuan an hmanpui dawn a ni.
Puipa committee chuan Agartala Bial chhunga member thahnem tak rawn luh puitu NEI Tirhkoh Rohim Kumar Jamatia chu Ministerial Licence pek thar a, Crusade Fund atanga rawih zui a rel a, Ganga Prasadpara-ah post in Talbanghapara leh Khosawrai kohhrante enkawl tura tih a ni.
Heng bakah hian Puipa Committee chuan kohhran ding thar 4-te hnenah tanpuina Rs. 50,000/- theuh pek an rel bawk a ni.
Gen LAD
General LAD chuan September ni 5 Zirtawpni a Champhai Vengsang Biakin Lungrem chimin
An chenna luak tlak loh a a delh chhiat Unaunu Lalrinawmi te In, Pu Liannghawra te chhungkuain an luah lai chu a hmunah kalin tanpuina sum an hlan.
General LAD aiawhin Lalmuanpuii EBM chuan tanpui sum hi chhiat tawkte hnenah a hlan a, Champhai Bial LAD President leh Bialtu Pastor te chuan an tawiawm a ni.
Tuichangral District
Champhai Bial Vengsang kohhran Biak in ram lungrem chim in a tihchhiat In neitute leh a luahtute hnenah Tuichangral District Committee chuan tanpuina an hlan.
September ni 8 Thawhtanni khan Tanpuina sum hlan turin District Superintendent Pastor Zion Ramngaia leh District Treasurer Upa K. Vanlalsiama te chu Champhai bial tlawhin an kal a, Champhai Bialtu, Pastor Lalhmangaihawma’n District hruaitute hi a tawiawm a ni.
District atanga Tanpuina sum hi In neitu Unaunu Lalrinawmi te hnenah ₹ 5000 hlan a ni a, a luahtute Unaupa Lalnghawrliana te hnenah ₹ 2000 hlan a ni bawk a ni.
