General Missions Secretary
Arunachal Field Conference vawi 2-na hmanpui a zin Rev. Lalruatfela Secretary General Missions Dept. chuan conference-ah hian mi pahnih Lalpa Isua hmingin Baptisma a chan tir.
September ni 13 Inrinni khan Arunachal Field Conference hmanna hmun Kimin kohhran Biak in sak thar chu Pathian hnenah hlanin a hawng bawk a ni.
Rev. Lalruatfela hian Seppa kohhrante tlawhin Pathian biak hona an nei bawk a, Revival lo thlengin, kohhran hote nen hun hlimawm leh hlawk tak an hmang bawk a,
General Missions Dept Secretary zin chhuak hi September ni 19 Zirtawpni khan Aizawl a lo let leh a ni.
Gen SS Secy
Rev. Lalngaizuala Secretary, General SS Dept. chu September ni 19 Zirtawp zan atang hian Armed Veng South kohhran a Pathian chawimawinaah Speaker a ni a, Pathianni zan thleng hian thuhril rawngbawlna a nei dawn a ni.
Area Secretary
Rev. C. Liansanga Area Secretary chuan Southern Zone Revival September ni 19-21 chhunga Hnahthial kohhran a nghah chu ni zan atang khan a hmanpui a ni.
General News
Missionary to Pailapool tirhchhuah inkhawm neih a ni dawn.
General Missions Department hnuaia Missionary lak thar Tirhkoh R. Lallawmawma tirhchhuah inkhawm chu September ni 24 Nilaini zan hian Chaltlang kohhran Biak In ah neih a ni dawn a, Missionary tirhchhuah tur Tirhkoh R. Lallawmawma bakah Rev. T. Laldingliana General Secretary-te hnen atangin thu sawi ngaihthlak a ni dawn a, Rev. Lalruatfela Secretary General Missions Dept-in report a pe bawk ang.
Trhkoh R. Lallawmawma tirhchhuahna inkhawm hi General Missions Dept. Chairman Upa Lalthlamuana Hnamte chuan a kaihruai dawn a ni.
Gen SS
General SS Dept. Executive Board chu September ni 16 Thawhehni khan Committee room General Headquarters Office-ah an thu khawm a, Board Chairman a dam loh avangin General Superintendent Rev. P. Lalrinawma’n he thutkhawm hi a kaihruai a ni.
General SS Dept Executive Board chuan October ni 1-a General Board a Agenda chhawp chhuah turte an enho va, Kum 2026 budget ruahman lawk chu an thlirho bawk.
Kum tawp exam chungchang an thlir ho bakah ṭul leh pawimawh hrang hrang an sawiho bawk a.
SS Executive Board chuan Naupang SS dept zirlaibu chhut fel tawh chu uluk taka endik a, siam that ngaite siam rem an rel a, kum 2026 Puitling SS zirlaibu tlangzarh hun atan General Board chu an ruahman a, he mi rual hian SS kaihhnawih Animation movie leh ss naupang pual hla cartoon a siamte chu tlangsarh tel an tum bawk a ni.
Education Board
Mizoram UPC Education Board hnuaiah zirlai harsa te ṭanpuina kohhran member tan tun thla chhung hian a dil theih dawn a, Education Board-in Application Form a siam hmanga dil tur a ni a, dilna hi Soft copy Whatsapp number (9615273131) kan tarlan UPA ROBERT LALRAMCHUANA SECRETARY Education Board hnenah thawn tur a ni.
