United Pentecostal Church
of Mizoram

General PYD

Mizoram UPC thalai pawl inkhawmpui lian ber vawi 28-na chu September ni 26 Zirtawp zan atang hian R. Dengthuama Indoor Stadium, Mualpuiah neih tan a ni dawn.

Pentecostal Youth Department General inkhawmpui tan zan hian Pastor Rualthanmawia, Lengpui Bialtu chuan thuhril rawngbawlna a nei dawn a, naktuk Inrinni nilengin ro rel inkhawm a ni ang a, ro rello inkhawmah Tirhkoh Lalduhsaka Kolasib Venglai Bial chuan thuhril rawngbawlna a nei bawk ang.

Inrinni zan inkhawmah Upa K. Vanlalvena, Delhi hnen atangin Pathian thuchah ngaihthlak a ni ang a, General Superintendent Rev. P. Lalrinawma’n Pathianni chawhmaah thuhril rawngbawlna a nei dawn a ni.

Pathianni chawhnu leh zanah hian Tirhkoh Emmanuel Ramtharnghaka leh Upa Dr. Zonunmawia, President General PYD te hnen atangin Pathian thu chah ngaihthlak a ni bawk ang.

General PYD inkhawmpuiah hian ruak bik zai mi Malsawmzuali Bilkhawthlir Bial, Zonunsangi N. Mualcheng Bial, Lucy Doineikim Rengkai Bial, Ch Vanlalhruaia Keifang Bial, Lalhunchhungi Lawngtlai Bial leh Shion Lalbiaknunga Kanghmun Bial te chuan fakna hla an sa bawk ang.

Thalai inkhawmpui lian hi Mizoram UPC Puipa te leh General Department hruaitu ten an ho a ni. 

General Missions Dept

General Missions Department chuan Pailapool, Cachar District, Assam-a rawngbawl tura a lak thar Tirhkoh R. Lallawmawma, Bawngkawn Shalom chu September ni 24, Nilaini zan khan Chaltlang kohhran Biak inah tirhchhuah inkhawm a buatsaih.

Missionary Tirhchhuah inkhawm hi Upa Lalthlamuana Hnamte Chairman, General Missions Department chuan a kaihruai a. Rev. Lalruatfela, Secretary Gen. Missions Dept. hnen atangin Missionary a kal tur Tirhkoh R. Lallawmawma chanchin tlangpui ngaihthlak a ni a, Rev. T. Laldingliana, General Secretary, Mizoram UPC chuan fuihna thu leh Pathian thuchah a sawi bawk. 

Misisonary Tirhkoh R. Lallawmawma tirhchhuah inkhawm ah hian Mizoram UPC puipate bakah, General Board Dept. hruaitute leh khawpui chhunga Pastor engemaw zat an tel a ni.

P&FB

Mizoram UPC P&FB chu September ni 25 Ningani khan Committee Room General Headquarters Office-ah an thu khawm a. kohhran hmalakna tur pawimawh tak tak an sawiho.

P&FB thutkhawm hi Chairman Upa FH Ramliana’n a kaihruai a, meeting-ah hian

Hyssop Recreation Centre dinna tur atana Budget ruahman chu pawm a ni a, General Department leh Board kum 2026 Budget Draft thehluh theih hun atan October ni 31 thleng rawtna chu an pawm bawk.

P&FB thutkhawm hi Mizoram UPC Puipa ten an ho a ni.

LITERATURE & PUBLICATION BOARD

Mizoram UPC L&PB chu September ni 19 Zirtawpni khan Committee Room General Headquarters Office-ah an thu khawm a, kum 2026 Budget draft an thlirho.

L&PB thutkhawm hi Board Chairman Rev. Hc Lalthlamuana’n a kaihruai a kum 2026 

‘Thu leh hla kutpui’ buatsaihna atan Rs. 1 Lakh Budget-an ruahman a, Kum 2026 kohhran calendar buaipui a hma la turin Upa RD Rothanzauva Press Manager leh T. Upa Lalengmawia Kawlni Secretary L&PB te chu an ruat bawk a, District inkhawmpuiah Jubilee Campaign neih an rel bawk a ni. 

L&PB thutkhawm hi Mizoram UPC Puipa ten an ho a ni.

Bethani Children’s Home

Bethani Children’s Home Society Board September ni 23 (Thawhlehni) a thukhawm chuan 

Thawktute infuhtharna October ni 7 (Thawhlehni) khian Bethani Children’s Home , Sihhmuiah neih an rel a, Rev T Laldingliana General Secretary chu Resource Person a ni ang.

Bethani Childrens Home Society Board thut khawmah hian Home mamawh hrang hrang lei ngaite rel a nih bakah thawktu Hmeichhe riahna thawmthat leh Bethani Home Park Renovation chungchangte chu thu ngaihtuah langsar zualte an ni.  

HYSSOP RECREATION CENTRE BOARD 

Mizoram UPC Hyssop Recreation Centre Board chu September ni 22 Thawhṭanni zan khan Tk. Lalramchhuanga te In, Zemabawk-ah an ṭhukhawm a, Board Chairman Upa Vanlaldinthara’n a kaihruai.

He thutkhawmah hian Hyssop Recreation Centre din dan tur ruahmanna (Concept Note leh Plan & Estimate) duangtu Er. H. Vanlalduha’n presentation a pe a, ṭul leh pawimawh inhrilhfiahnate neih niin ruahmanna chu pawm a ni. 

Recreation Centre dinna tur Project hi Sorkar accreditation hmu thei tura sorkarin minimum requirement/standard a siam mila duan a ni a, a bul ṭanna atan patient mipa 20 leh hmeichhia 10 an vaiin mi 30 awm theihna tura duan phawt a ni. 

Meeting-ah hian HRC Board sum hnar awm thei turte zau taka sawiho niin, budget ruahman a ni a, hmunhma chin fel hmasak ngai awmte pawh chak taka bawhzui rel a ni.

SOUTHERN ZONE 

Southern Zone Revival September ni 19 (Zirtawp) zan atang a hman tan chu September ni 21 Pathianni zan khan a tiak.

Southern Zone Revival hi Hnahthial Bial Electric Tualchhung in an thleng a, 

Bul tan zan hian Pathian biak inkhawm Rev.C.Liansanga, Area Secretary chuan a kaihruai a, Pastor.K.Rohminhthangan Revival hlanna neiin, Palai lawmna Upa K.Lalzarliana Hnahthial Bial Chairman leh Lunglei District Chairman ni bawk chuan a nei thung a ni.

Zirtawp zan hian Tk.Zoremmawia, Mualthuam N chuan thuhril rawngbawl na a nei a, Southern Zone Revival tan zan atang hian thlarau boruak a tla tha hle a, inkhawm ban ah zaikhawmna neih chhunzawm a ni.

Inrinni chawhma inkhawm ah Upa C.Lalremsanga Secretary Siaha District in inkhawm kaihruai velehin Pastor Alex Thangroliana hnen atangin Pathian thuchah ngaihthlak a ni a, Inrinni chawhnu inkhawmah Upa Hc.Lalhmingsanga Siaha District chuan inkhawm a kaihruai a, Tk.Lengkhara Mampui chuan thuhril rawngbawlna a nei a ni.

Inrinni chawhnu inkhawm banah ro rel inkhawm an nei bawk a, Inrinni Zanah Upa C.Tialvunga, Chairman Lawngtlai District chuan inkhawm kaihruaiin Tk.Lalrindika Hauzel hnen atangin pathian thuchah ngaihthlak a ni.

 Pathianni chawhma inkhawm hi Rev.K.Lalawmpuia Superintendent, Lawngtlai District chuan kaihruaiin, Pastor C.Lalhmingsanga Lungsen Bial chuan thuhril rawngbawlna a nei a, Pathian ni chawhnuah Pastor C.Lalrosiama Superintendent Siaha District chuan inkhawm kaihhruai hna thawkin Upa. J.Lalzekima Secretary Lunglei District hnen atangin Pathian thuchah ngaihthlak a ni bawk.

Pathianni zan hian Rev. K.Zoramchhanthanga, Lunglei District Superintendent chuan  inkhawm a kaihruai a, Upa F.Vanlalruata, Organising Chairman leh Rev.C.Liansanga, Area Secretary te hnen atangin lawmthu sawina ngaihthlak a ni bawk.

Pathianni zan hian Pastor P.C.Lalliansanga Siaha chuan Pathian thuchah sawiin,

Southern Zone revival an hman chhung hian zaithiam ruat bik ten fakna hla nung takin an sa thin a ni.