United Pentecostal Church
of Mizoram

General Superintendent Rev. P. Lalrinawma chu South Sabual Biak In thar hawng turin vawiin Inrinni October ni 4 hian a zin chhuak.

General Superintendent chuan Inrinni hian Biak In thar hi Pathian hnenah hlanin a hawng ang a, Pathianni zan thleng hian Pathian biak inkhawmah thuhril rawngbawlna a nei dawn a ni.

General Secretary Rev. T. Laldingliana chu October ni 3 Zirtawpni khan Kawnpui Bial Pastor Quarter’s sak mek a hmunah kalin a enfiah a, Kolasib Diakkawn Bial Pastor Quarter’s sak lai a enpui bawk.

Zirtawp zan atang khan Kolasib Diakkawn kohhrana Pathian chawimawina inkhawmah Speaker a ni a, October ni 5 Pathianni zan thleng hian thuhril rawngbawlna a nei dawn a ni.

General Secretary hian Thawhtanni khian Bairabi biala Meidum Biak In sak mek a tlawh bawk dawn a, he mi ni vek hian Kananthar kohhran ding thar Biak In hmun tur leh Biak In sak dan tur chungchangah Bairabi Bial hruiatute nen inkawm hona an nei bawk ang. 

October ni 7 Thawhlehni khian General Secretary hi Aizawl panin a lo let dawn a, Bilkhawthlir Bial Pastor Quarters sak mek chu a hmunah kalin a enfiah bawk dawn a ni.

General Treasurer Rev. Rokhuma chu Sikkim Mission Field Conference October ni 3-5 Pathianni hmanga Gangtok hmuna neih tur chu hmanpui turin a zin chhuak. General Treasurer hi Thawhtanni khian Aizawl a lo let leh ang.  

Upa Lalthlamuana Hnamte Chairman General Missions Department chu October ni 3-5 Pathianni hmang hian  Lailak kohhrana Upa Hmangaihzuala te chawimawina ah Speaker a ni dawn a, ni 6 Thawhtanni khian Aizawl a lo let leh ang.

Rev. Lalruatfela Secretary, General Misssions Department chuan Inrinni zan atang hian Thuampui Bial Missions revival inkhawmpui a hmanpui dawn a, thuhril rawngbawlna a nei ang.

Area Secretary

Area Secretary rev. C. Liansanga chuan Inrinni October ni 4 hian Lunglei Rahsi veng kohhran Biak In Pathian hnenah hlanin a hawng ang.

Pathianni chawhnu hian Theiriat kohhran member boral ralna Chanmari kohhran in an neih tur chu telpuiin hunserh a hmang bawk ang.

GENERAL SUNDAY SCHOOL DEPARTMENT

SUNDAY SCHOOL DEPARTMENT GENERAL BOARD thutkhawm VAWI 29-NA TLUANG TAK A NEIH A NI

Mizoram UPC, General Sunday School Department General Board chu October ni 1 Nilaini khan Mizoram UPC Office Conference hall, Zonuam-ah neih a ni a, Upa Lalnuntluanga Sailo, General Sunday School Department Chairman chuan a kaihruai.

General Board Pathian hnena hlanna Rev. T. Laldingliana, General Secretary chuan a nei a, Rev. Lalngaizuala, General Sunday School Department Secretary hnen aṭangin report ngaihthlak a ni.

SS General Board ah hian kum 2026 Puitling Sunday School zirlaibu bakah Animated Short Movie Kohhran dik tih leh Animated Video Pentecost Naupangte hla chu Rev. P. Lalrinawma, General Superintendent chuan a tlangzarh a, Animated Movie leh Animated Music Video te hi Pentecost Youtube channel-ah en theih a pho chhuah nghal a ni.

General Sunday School Department General Board ro relna chuan 

Danpui khawih, rorelna sanga kal tur pathum an rel a, Animation Video Movie siam belh tha an ti bawk a ni.

Heng bakah hian Sunday school hming ziak kan tam zual theih nana hmalakte,

Kum 2026 ah Doctrine Department pual a Quiz neih lehte,

Naupang Sunday School Department zirlaibu hman mek chu kum 2028 aṭanga a bu thara thlakte chu SS general Board thu rtel langsar zualte an ni a, 

Kum 2026 Budget atan cheng nuai 34, singruk sangruk an pawm bawk a ni.

#

General SS Dept buatsaih DOCTRINE Department QUIZ chu September ni 30 Thawhlehni zan Dar 8:00 khan Mizoram UPC Office Conference Hall Zonuam-ah Khuhhawnna leh Draw neih a ni a, October ni 3 Zirtawp zan khan Prelims intihsiakna neih tan a ni.

Doctrine Department Quiz-ah hian Tualchhung 28 an tel a, Last 16 intihsiakna hi October ni 6 ah neih a ni dawn a, Quarter Final hi ni 7 ah, Semi Final ni 9 leh Final hi October ni 14 ah te neih a ni ang.

General SS Department buatsaih Doctrine Department Quiz-ah hian pakhatna in lawmman Citation bakah cheng singkhat leh sangnga an dawng dawn a, pahnihna in citation leh cheng singkhat. Semi Finalist Tualchhung pahnihten cheng sangnga ve ve an dawng bawk ang. 

Gen PYD

Mizoram UPC Thalai pawl Pentecostal Youth Department inkhawmpui lian Bethlehem Bial a nghah chu tluang taka neih zawh a ni.

PYD General inkhawmpui hi September Ni 26 - 28 Pathianni hmang khan R. Dengțhuama Indoor Stadium, Mualpuiah hman a ni a, inkhawmpui tan zan hian palai lawmna Rev. C Lalremsanga, Bethlehem Bialtu chuan a nei a, Pastor Rualthanmawia, Lengpui Bialtu hnen ațangin Pathian thu chah ngaihthlak niin Malsawmzuali, Bilkawthlir Bial hnen atangin Pathian fakna hla ngaihthlak a ni.

Inrinni nilengin ro rel inkhawm neih a ni a, kum 2027 inkhawmpui chu Kolasib Diakkawn Bialah an nghat.

Mizoram UPC Thalai inkhawmpui lian ro rel inkhawm hi Gen PYD President Upa Dr. Zonunmawia'n a kaihruai a, palai mi 1305 ten ro an rel a ni.

General PYD inkhawmpui ro relna chuan Ram pum huapa Ruihhlo ngaite puala chaw nghei tawngtai kum 2026 chhunga neihte, General PYD hmalakna a zuk leh hmuama thianghlimna beihpui thlak rawtna te chu an pawm a, September thla a inkhawmpui neih thin chu a hun sawn rawtna an pawm bawk.

 Inkhawmpui thlengtu puihna cheng nuaihnih leh singnga hman mek chu cheng nuaithumah tihsan an rel bakah PYD inkaihhruaina bu hman mek chu revise & enlarge a chhut thar an rel bawk.

General PY D hminga rawngbawltu Tirhkoh pakhat rawihte,

Kum 2026 chhung a General PYD buatsaih a Talk show neihte,

General PYD hminga ram lak beihpui thlakte,

General PYD Board-ah revival programme neih tawh

Lohte,

Hyssop Recreation Centre puala Rs. 1,00,000 budget-a dahte,

Pentecost Meichher Board tih len a Circular Manager post dah belhte,

Ram pum huap seminar paper in ang General atanga ruahmannate,

Kum 2026 chhunga General PYD hminga General Relief

Account-ah luan chhuahna neihte chu General PYD inkhawmpui lian ro rel langsar zualte an ni a,

Kum 2026 budget atan cheng nuai 16 singriat sangkua zasarih sawmnga chu pawm a ni.

Ro rel ni hian Bethlehem Vengthlang Biak inah revival inkhawm buatsaih a ni bawk a, Upa Lalțhathanga, EBM chuan kaihruaiin, Tk Lalduhsaka'n  thuhril rawngbawlna a nei a, Zonunsangi’n zai rawngbawlna a nei bawk.

Inrinni zanah Upa K. Vanlalvena, Delhi hne  atangin Pathian thcuhah ngaihthlak a ni a, Lucy Doineihkim, Rengkai Bial chuan fakna hla a sa a ni.

Pathianni chawhma inkhawmah Rev. P Lalrinawma, General Supirentendent chuan thuhril rawngbawlna neiin Unaupa Ch. Vanlalhruaia, Keifang Bial chuan Fakna hla a sa a, Pathianni chawhnuah inkhawmah Tk. Emmanuel Ramtharnghaka, Chaltlang Bial hnen atangin Pathian thuchah ngaihthlak a ni a, zai rawngbawl hna Lalhungchhungi, Lawngtlai Bialin a nei bawk a ni.

Pathianni zan inkhawmah Upa Dr. Zonunmawia, President GPYD hnen atangin Pathian thuchah ngaihthlak a ni veleh a, Shion Lalbiaknunga, Kanghmun bialin Pathian fakna hla a sa bawk a ni.

General PYD inkhawmpui tawp zan hian tlaivara zaikhawmna neih chhunzawm a ni a, inkhawm tam lai berin mi 4000 chuang inkhawm an awm a ni.

Vehicle Board

Mizoram UCP vehicle Board chu Chairman Upa Pc. Lalhmingliana kaihhruaina hnuaiah September ni 30 (Thawhleh ni) khan Committee Room, General headquarters Office-ah an thu khawm a, motor thar pahnih lei dilna P&FB ah thlen an rel.

Vehicle Board thutkhawmah hian Mizoram UPC enkawl lirthei Motorcycle Yamaha SZ-RR, Mz 01Q 6843 tih ral tura Lilam chhanna hawn a ni a, chhangtu zinga chhang sang ber F. Laltlanhlua, Sairang hnenah pek an remti a, panelist ah Vanlalnghaka, Kolasib Venglai chu an dah bawk.

Vehicle Board chuan Lirthei thar pahnih lei an rel a, budget-ah Rs. 26 Lakh ruahmanin P&FB ah lei phalna dil nise an ti a, heng bakah hian Vehicle Board thutkhawm vawi – 48 na thu rel, Scooter thar lei chu rang zawka bawh zui an rel bawk a, hei hi October ni 3 Zirtawpni khan Vehicle Board hruaitute chuan Suzuki Access 125 chu an lei fel nghal a ni.

Mizoram UPC kum 2023 Executive Committee vawi 67na Rorel no -35na in, Mizoram UPC hnuaia Board/Committee kum 10 (Sawm) tling tawhte, Executive committee kaltlanga General Assembly ah Board/ committee puitling an dil thei ang a tih chu, Vehicle Board chuan kum 10 an tlin ve tak avangin Board puitling a hlankai dilna Executive Committee ah thlen an rel bawk a ni.

Lunglei District Committee

Lunglei District Committee chu October ni 2 Ningani khan Ramthar Kohhran Biak In, Lunglei South Bial ah an thu khawm a, Lunglei District inkhawmpui a hun hmangtu turte a ruat.

District Committee thutkhawm hi Upa K.Lalzarliana District Chairman chuan a kaihruaia, Area Secretary Rev.C.Liansanga'n a telpui bawk a ni.

Lunglei District Committee chuan November ni 7-9 chhunga Lunglei District inkhawmpui, Lungsen Bial a neih tur atana tul pawimawh te an sawihova, 

District inkhawmpui an hman chhunga Thuhril rawngbawlna neitu turte hetiang hian an ruat.

Zirtawp Zan inkhawmah Pastor F.Lalnienga Lunglei Rahsiveng Bialtu 

Inrinni Zan inkhawmah Upa N.Lalfakzuala, Lunglei South 

Pathianni chawhma inkhawmah Rev.Ngurthanpara Sailo, Principal ATI

Pathianni chawhnu inkhawmah Rev. C.Liansanga, Area Secretary 

Pathianni zan inkhawmah Pastor K.Rohmingthanga Mualthuam 'N' Bialtu te chuan thuhril rawngbawlna an nei dawn a ni.