Executive Chairman Upa F. Lalremmawia chuan Serchhip District inkhawmpui October ni 10-12 Pathianni hmanga Thingsulthliah a nghah chu Zirtawp zan atang hian a hmanpui dawn.
General Superintendent Rev. P. Lalrinawma chu Tuichangral District inkhawmpui hmanpui turin October ni 10 Zirtawpni khan Hnahlan panin a zin chhuak.
General Treasurer Rev. Rokhuma chu Tumpanglui Kawrthah Bialah Preaching Point hawng turin October ni 11 Inrinni hian a zin chhuak dawn a, October ni 13 Thawhtanni khian Aizawl a lo let leh ang.
Rev. Lalruatfela Secretary, General Missions Department chu October ni 11 Inrinni zan atang hian Sairang Bial Missions Department revival-ah Speaker a ni dawn a, Pathianni zan thleng hian rawngbawlna a nei ang.
Rev. Lalngaizuala Secretary General SS Department chuan Falkland kohhrana Pathian chawimawina October ni 10 Zirtawp zan atang hian a hmanpui dawn a, thuhril rawngbawlna neiin Pathianni zan thelng hian rawngbawlna a neih chhunzawm ang.
Bethani Childrens Home
Bethani Children’s Home a thawktute pualin in fuih tharna hun October ni 7 Thawhlehni chawhnu khan Bethani Children's Home, Sihhmuiah neih a ni a, he hun hi Board Chairman Upa Lalduhawma chuan a kaihruai a, Sairang Bialtu Rev PC Parliana’n hunserh a hmang.
Thawktu infuih tharna hunah hian Tk Lalnunthara Home Superintendent chuan report a pe a,
Fuihna Thu chah Tk. H Lalrawngbawla, Bethani Board Member hnen atangin ngaihthlak a ni bawk.
Satff aiawhih Case Worker Linda Lalnunhlimi’n thu a sawi bakah thu sawi tawi Board member-te hnen atangin ngaihthlak a ni bawk a ni.
Bethani Childrren’s Home Society Board buatsaih thawktu infuih tharna hun a kalte hian
Tlai lamah chawhlui an kilho nghal a ni.
Press Board
Mizoram UPC Press Board chu October ni 9 Ningani hian Committee Room General Headquarters Office-ah an thu khawm a, kum 2026 budget estimate thlir hovin khawl thar lei chungchangte chu an thu rel langsar zualte an ni.
Press Board thutkhawm hi Chairman Upa Lalrinawma Sailo chuan a kaihruai a, Mizoram UPC Press-in chak zawka hna a thawh lehzual theih nan Offset khawl thar lei an rel a, kum 2026 Budget atan cheng nuai 31 sing 5 sang 8 chu an pawm a ni.
Press Board thutkhawm hi Mizoram UPC Puipa te chuan an ho a ni.
