GENERAL MISSIONS DEPARTMENT
General Missions Dept. Inkhawmpui vawi 13-na chu October ni 24 Zirtawp zan atang khan Zemabawk Headquarters Biak In ah hman tan a ni.
Inkhawmpui tan zan hian Pastor Lalhmangaihzuala, Guwahati Field chuan thuhril rawngbawlna a nei a, Pathian biak inkhawm hi General Missions Dept. Chairman Upa Lalthlamuana Hnamte chuan a kaihruai a ni.
General Missions Department inkhawmpui hi vawiin Inrinni hian LPS Arena, Flakland-ah ro rel inkhawm a chhunzawm a ni dawn a, zanin atanga Pathianni zan thleng hian LPS Arena-ah General Missions Dept. inkhawmpui hi revival a hman chhunzawm a ni bawk ang.
Inkhawmpui hman chhung hian Rev. P. Lalrinwma General Superintendent, Upa Lalthlamuana Hnamte, Chairman, Pastor Aurobindo Mushahary, Uttar Pradesh Field leh Pastor Nelson Laltanpuia Vaiphei, Agra Field-te chu speaker an ni dawn a ni.
General Missions Department inkhawmpui hi Mizoram UPC Puipate leh Department hruaitu ten an hmanpui ang.
Gen SS Dept.
General Sunday School Department, Quiz Organising Committee chu October ni 21 zan khan General Sunday School Department Secretary Quarters ah an thu khawm a, Organising Chairman, Rev. Lalngaizuala, Secretary General Sunday School Department chuan he thutkhawm hi a kaihruai.
Meeting-ah hian Doctrine Department Quiz neih zawh tak thlirletna neiin tluang taka an nei zo thei chu lawmawm an ti hle a, Kohhran mipui ngaihlu a thlir thintute chungah lawmthu an sawi a ni.
General Sunday School Department chuan kum 2026 ah Doctrine Department Quiz a buatsaih leh dawn a, Tualchhung tam thei ang ber tel turin Organisng Committee chuan min sawm a ni.
Doctrine Department Quiz neih zawh takah khan tualchhuang hrang hrang atangin Doctrine Department 28 an tel a, Dinthar Kohhran Doctrine department te chu Pakhatna an ni.
General LAD
LADIES AUXILIARY DEPARTMENT GENERAL Board Cum REVIVAL VAWI 3-NA tluang taka neih zawh a ni.
October Ni 17 – 19 Pathianni hmang khan Lengte Kohhran Biakin ah Mizoram UCP tanpuitu hmeichhe pawl General Board cum revival hi hman a ni a,
Zirtawp zan hian revival inkhawmah Lengpui Bialtu Pastor Rualthanmawia'n Palai lawmna leh General Board cum Revival Pathian hnena hlanna a nei a.
Tk.Ruatfamkima hnen atangin Pathian thuchah ngaihthlak a ni.
A tuk Ni 18 Inrinni nilengin Rorel Inkhawm an nei a, Mizoram UPC Puipa te chuan hovin General PYD aiawhih palai ten he hun hi an hmanpui bawk.
Ro rel palai mi 138 kalkhawmte chuan General LAD hmalakna tur pawimawh tak tak an rel a,
Kum 2026 General LAD Inkhawmpui Lunglei South bialah.
October Pathianni vawi 4 na ni 23 - 25 chhunga hmante,
Kum 2027-2028 LAD Thupui a tan'I Pathian tawk turin in peih rawh' Amosa 4:12 rawtnate,
General LAD inkhawmpui neih loh kum a General Board neih thin chu Aizawl khawpui chhungah nghah thin a, Revival-a chhunzawm tawh lohte,
General LAD Inkhawmpui neih kum a member pakhata inkhawmpui thlengtu puihna Rs. 50/- khawn thin chu khawn chhunzawm zel rawtnate,
General inkhawmpui thlengtu puihna Rs. 400000/- hman mek Rs. 600000/- a tih sante chu General LAD General Board ro rel langsar zualte an ni a,
Kum 2026 General LAD luan chhuahna atan HYSSOP Recreation Centre Board chu an thlan bakah luan chhuahna an hman mek Rs 50000/- chu Rs.100000/- ah an ti sang bawk.
Kum tin Missionary puala Rs.70000/- a luanchhuah thin chu kum 2026 atang chuan Rs.100000/- a tih san a ni a,
Relief Fund hman mek pawh Rs.100000/- atangin kum 2026 a hman tan turin Rs.150000/- ah an ti sang bawk.
Heng bakah hian HYSSOP Recreation Centre (Ruihlo ngaite enkawlna tur) pualin kum 2026- ah chuan LAD member pakhat zelah Rs.50/- ai a tlemlo khawn an rel bawk a,
Kum 2026 Budget atan Rs.40,90000/- (Nuai sawmli leh singkua ) chu an pawm bawk a ni.
October ni 18 atanga ni 19 Pathianni zan thleng khan Revival programme hman chhunzawm a ni a, Mary Lalrinawmi secy GLAD, Rev. T. Laldingliana General Secretary, Tirhkoh Michawl lalramchhana leh rev. P. Lalrinawma General Superintendent te hnen a tangin Pathian thu chah ngaihthlak a ni.
Pathianni zing inkhawmah member boral sunna Rev.Rokhuma General Treasurer MUPC chuan a nei a, Upa F.Lalremmawia Executive Chairman MUPC hnen atangin thu sawi ngaihthlak a ni bawk a ni.
General LAD General Board cum revival hi October ni 19 Pathianni zan khan a tiak a,
Kum 2024 & 2025 LAD kum puan Thupui chu 'I Puan in hmun chu zauh rawh' Isaia 54 : 2 a ni.
GENERAL PYD
General PYD Executive Board chu Falkland Kohhran Biak Inah October ni 17 Zirtawp zan khan an thu khawm a, Upa Dr. Zonunmawia, President General PYD chuan meeting hi a kaihruai.
Executive Board chuan General PYD hmalakna tur hrang hrang an sawiho va, Kum 2025 PYD General Inkhawmpui, R. Dengțhuama Indoor Stadium a neih zawh tak chu thlirletna neiin, inkhawmpui hlawhtling taka an nei zo thei chu lawmawm an ti a, hmasawn lehzelna tur kawng hrang hrang an sawiho nghal bawk a, PYD General Inkhawmpui rorel bawhzui ngaite chak zawka tih hlawhtlin an rel bawk a ni.
L&PB
Mizoram UPC L&PB chu October ni 22 Nilaini khan Committee Room General Headquarters Officer-ah an thu khawm a, Library tih hmasawn dan turte an sawiho.
Meeting hi Board Chairman Rev. Hc Lalthlamuana’n a kaihruai a, Lehkhabu chhuah dilna lo lutte chu enho vin, Hosea Lehkhabu hrilhfiahna Tirhkoh Lalrinzuala ziah, Fishers of Men ziaktu Pastor Andrew Singson leh Tuartute Thawnthu Genenral PYD buatsaihte chu chhuah sak an rem ti a, endik tu turte an ruat nghal a ni.
Heng bakah hian L&PB inkaihhruaina ennawn chu kum tawp Executive Committee pawmpui tura thlen nise an ti a, heng bakah hian Library tih changtlung dan turte sawiho vin, Library chhunga lehkhabu rem fel dante lo endik a, hmalakan tur report lo siam turin Librarian rev. lalngaizuala Secretary general SS Dept chu an ruat bawk a ni.
Foreign Misisosn Board
Mizoram UPC Foreign Missions Board October ni 23 Ningani khan Committee room, General Headquarters Office-ah an thu khawm a, kum 2026 budget estimate an thlir ho.
Meeting hi Mizoram UPC Puipa te chuan an ho va, Bangladesh field-a Rangamati khua a Pastor quarters sak mek chhun zawm na tur Rs Nuai 3 pek an remti.
Foreign Missions Board chuan Board hnuaia thawktute service record mumal taka siam an rel a,
Thawktu pakhat chu ministerial licence pek tlakah ngaiin recommend an rel bawk a ni.
M&PB
Mizoram UPC Media & Publicity Board chu kum 2026 Budget Estimate ruahmanin October ni 23 Ningani zan khan General Headquarters Office Committee Room-ah an thu khawm a, Puipa ten an ho.
M&PB thu khawm chuan kum 2026 Budget turte ruahmanin media hmang a rawngbawlna chak lehzual a kalpui a nih theih nan hmalakna tur hrang hrang an sawihova, November ni 25-27 ni thum chhung hian zan dar 8:00 ah Thlasik Crusade, Mizoram UPC Studio-ah neih an rel bawk.
Thlasik Crusade-a thuhril rawngbawlna nei turin Executive Chairman Upa F. Lalremmawia, Pastor K. Lalhmingsangzuala, Rabung leh Tihrkoh Emmanuel Lalthianghlima, Tuidam te chu ruat an ni.
Thlasik Crusade hi Youtube channel Pentecost Media-ah Live a pek chhuah thin a ni ang.
