Mizoram UPC District 13 zinga parukah inkhawmpui hman zawh tawh niin, November ni 7 Zirtawp zan atang hian District 7 te chuan inkhawmpui an hmang tan dawn a, Mizoram UPC Puipa bakah General Headquarters atanga hmanpui an ni.
Hmarchhak District inkhawmpui hi Banwgkawn kohhran Biak In ah hman niin,
Upa F. Lalremmawia, Executive Chairman chuan a ho va,
Khawthlang District inkhawmpui hi Rev. Rokhuma, General Treasurer chuan hman puiin, Lengpui Bial Hmunpui kohhran Biak In ah nghah a ni.
Ramthar District inkhawmpui hi Hmarkhawlian-ah nghah niin Rev. T. Laldingliana General Secretary chuan a hmanpui a, Foreign Missions Board Secretary Upa K. Lalsangzuala'n a țawiawm a ni.
Lunglei District inkhawmpui hi Lungsen kohhranah hman a ni a, ATI Principal Rev. Ngurthanpara Sailo chuan a hmanpui bawk.
Manipur District inkhawmpui chu Saikot kohhranah hman niin Rev. Lalngaizuala, Secretary, General Sunday School Department chuan a ho va,
Tripura District inkhawmpui hi Rev. Lalruatfela, Secretary, General Missions Department
Chuan hmanpuiin Agartala Bial Gomchakobra kohhranah nghah a ni a, General Missions Department Executive Board Member Tirhkoh C. Malsawmsanga’n a tawiawm a ni.
Lawngtlai District inkhawmpui hi Rev C. Liansanga, Area secretary chuan a hmanpui thung a, Vathuampui kohhranah neih a ni.
EXECUTIVE CHAIRMAN
Mizoram UPC Executive Chairman Upa F. Lalremmawia chuan November ni 2 Pathianni hmang khan Mualṭhuam 'N' Bial LAD Seminar cum Revival, Mualṭhuam 'N' kohhrana neih chu a hmanpui.
Pathianni chawhnu inkhawmah Pathian thutak leh thupui chi hrang hrang hmangin, Seminar a neih pui a ni.
Puipa Committee
Mizoram UPC Puipa Committee chuan kum 2025 General Assembly programme a ti chhuak.
December ni 12-14 Pathianni hmang hian R. Dengthuama Hall, Mualpui ah General Assembly hman a ni dawn a, heng mite hi thuhriltu atan ruat an ni.
Zirtawp zanah Rev. Biakhmunrem, Supervisor Tripura District
Inrin ni zanah Upa FH Lalramliana, Chairman, Planning & Financial Board
Pathianni zingah Upa F. Lalremmawia, Executive Chairman
Pathianni chawhnuah Upa Zahnghinglova, Champhai
Pathianni zanah Rev. P Lalrinawma, General Superintendent
General Assembly-a zai turte
Zirtawpni zan : Lalhmangaihzuali, Damdiai, Senvon bial.
Inrinni zan : Zionramnghaka, Saipum, Bilkhawthlir bial.
Pathianni zing : Rochanhluii, Ainawn, Chawlhhmun bial.
Pathianni chawhnu : Upa Vanlalnghaka, Cheural bial.
Pathianni zan : Lalduhsaka, Tumpui, Kolasib venglai bial te an ni.
General SS Dept.
Gen. SS Board chu November Ni 4 Thawhlehni khan Committee Room, General Headquarters Office-ah an thu khawm a, Tualchhung tinah Pathianni chawhma a SS neih a nih vek theih nan chak zawka hmalak an rel.
General SS Board thutkhawm hi Board Chairman Upa Lalnuntluanga Sailo chuan a kaihruai a,
October ni 1, 2025 a General Board meeting an neih zawh tak thlirletna an nei a, tluang taka an nei zo thei chu lawmawm an ti a, hmalakna tur pawimawh tak tak an sawiho bawk a ni.
General SS Board-ah hian Mizoram UPC Bial tin te chuan October thla ral hmain budget an tlin vek thu tarlan a ni a, bial 79-a Bial 35 te chuan budget an khum a ni.
Tualchhugn tin Pathianni chahwma inkhawmah SS neih a nih vek theih nan ngenna siam an rel bakah SS la neih lohna Tualchhungte chu General SS hruaitu te chuan tlawh chhuah an rel bawk a ni.
General SS Board thu khawm chuan Doctrine dept. Quiz an neih zawh tak chu thlirletna an nei bawk a, Kum 2026 ah Quiz hi buatsaih leh tur a ni.
General SS Board-ah hian SS kai kim Award chungchang sawiho a ni bawk a,
Rev. Dr. Saihnuna award dawng thei tur kum 5 a zawna SS kaikim (2019, 2022, 2023, 2024 leh 2025) te chu kum thar 2026 January thla ral hmaa Gen. SS secretary hnenah report turin General SS Board chuan min ngen a ni.
Kum 5 SS kai kim lawmman Rev. Dr. Saihnuna award leh Kum 10 kai kim Rev. R.A.T. Dover-i Award dawng tawhte erawh chuan Award hi dawn nawn theih a ni dawn lo a ni.
General SS Department chuan kum 2026 SS zirlaibu man tur a bi tuk bawk a.
1. Puitling zirlaibu: Lehkhathawn 7-te
(Jacoba, I&II Petera, I,II &III Johana, Juda) Rev. Zoramthara ziak chu Rs.100
2. Naupang zirlaibu (Beginners – Doctrine) Rs. 70
hei hi Kum 2-na, chhut thar, a bu thar vek hman tur a ni
3. Naupang chawhnu zirlaibu hi Rs.70 man niin
(Kum 2025 zirbu hman mek chu hman nawn tur a ni)
North Mizoram District
North Mizoram District inkhawmpui Bazar Bial a nghah chu tluang taka hman zawh a ni.
October ni 31 atanga November ni 2 Pathianni hmang khan North Mizoram District inkhawmpui vawi 29-na chu Armed Veng South kohhran Biak In ah neih a ni a, General Secretary Rev. T. Laldingliana’n a hmanpui.
North Mizoram District inkhawmpuiah hian Zirtawp zan atangin revival inkhawm neih a ni a, ruat bik thuhriltu ten rawngbawlna neiin zai mawi tak tak ngaihthlak a ni bawk.
Inrinni ah ro rel inkhawm an nei a, kum 2026 inkhawmpui chu Kaghmun bialah nghah a ni.
North Mizoram District inkhawmpui ro relna chuan Kum 2026 ah Tirhkoh pakhat rawih an rel a, Danpui kaihhnawih leh ro relna sang zawk a thlen tur rawtna engemaw zat an passed bawk a. A langsar zual zingah, ram pum huapa Pentecost Pavalai pawl din rawtnate, Mizoram UPC Fulltime worker te Pension kum 65 hman mek, kum 60 emaw kum 62 a tih hniam te a tel a ni.
HMARTHLANG DISTRICT
HMARTHLANG DISTRICT INKHAWMPUI VAWI 30-NA TLUANG TAKA ZAWH FEL A NI
Hmarthlang District inkhawmpui vawi 30-na October ni 31- 2 November 2025 chhunga Vairengte Community Hall-a neih chu tluang taka zawh fel a ni a, Rev. P. Lalrinawma, General Superintendent-in a hmanpui.
Hmarthlang District inkhawmpui ah hian mikhual riak lut 250 chuang an awm a, Zirtawpni zan aṭangin revival inkhawm neih a ni a, District chhunga Pastor, Tirhkoh leh Upa ten thuhril rawngbawlna an nei a, bial hrang hrang aṭang a zai mi ten fakna hla saa rawngbawlna an nei ṭhin bawk.
Inrinni ah rorel inkhawm neih a ni a, rorel palai 129 ten agenda pawimawh tak tak relin agenda pass zing ah inkhawmpui thlengtu puihna cheng 30,000/- a tih san bakah rorelna sang zawk a thlen turin Foreign leh Home Missions Department-te board khata chhun fin chungchangte, General Superintendent leh Executive Chairman post, term khat bak chelh theih loh tura ruahmanna siam chung chang bakah Danpui khawih 1 pass a ni.
Hmarthlang District huam chhungah hian Bial 6, Kawnpui, Kolasib Diakkawn, Kolasib Venglai, Bilkhawthlir, Vairengte leh Bairabi bialte an awm mek a, kum 2026 atangin Saipum bial ding thar tur nen bial 7 an awm tawh dawn a ni.
District Secretary report-a a lan danin Hmarthlang District huamchhungah hian kum 2025 chhungin member thar 443 an awm a, kohhran dingthar 4 a awm bawk a ni.
