United Pentecostal Church
of Mizoram

#General Superintendent Rev. P. Lalrinawm a chu November ni 14 Zirtawpni khan Champhai Bial Kahrawt kohhran Biak In thar Pathian hnena hlanna leh  hawnna nei turin a zin chhuak.

Genera Superintendent hi November ni 17 Thawhtanni khian Aizawl a lo let leh ang.

#Rev. Lalngaizuala Secretary, General SS Department chu November ni 15 Inrinni hian Shillong Bial-ah SS Campaing nei turin a zin chhuak a, Orpahanage Sunday ni 16 hi a hmanpui bawk ang. 

General SS Dept. Secy hi Thawlehni hian Aizawl a lo let leh dawn a ni.

BETHANI CHILDREN’S HOME SOCIETY BOARD 

Bethani Children’s Home Society Board chu November ni 11 Thawhlehni khan  General Headquarters Office Committee room-ah an thu khawm a, Board Chairman Upa Lalduhawma’n meeting hi a kaihruai a, Mizoram UPC Executive Committee-a thlen turin 

“Bethani Children’s Home a thawktute dinhmun (Status) tih chian nise” tih rawtna an pawm.

Kum 2026 Bethani Calendar siam chungchang leh thawktute hlawh Sawrkar atanga hmuh beisei la hmuh loh avanag harsatna sut kian dan turte chu Bethani Board-ah hian thu ngaihtuah langsar zualte an ni.

Bethani Board thutkhawm hi Mizoram UPC General Treasurer Rev. Rokhuma’n a ho a ni.

Tun dinhmunah Bethani Children’s Home-ah hian naupang 25, mipa 16 leh hmeichhia 9 an awm mek a ni.

November ni 16 Pathianni hi Orphanage Sunday a ni a. Mizoram UPC Tualchhung hrang hrangah Fahrahte Ni pual hian hun hman a ni ang.

General Headquarters

Mizoram UPC Recruitment Board kaltlanga thawktu lakna Office Assistant Grade-III Written Exam result tih chhuah niin, mi 30 exam atangin mi 5 Personal Interview nei tura koh an ni a, November ni 18 Thawhlehni ah Mizoram UPC Office Committee room-ah Interview an hmachhawn ang.

Office Assistant Grade III atana Personal Interview hmachhawn tura tlingte chu 

1. Lalkhawngaiha.    

2. John VL Chuailova 

3. Annie Lalrinzuali.   

4. David Zothanmawia 

5. PC Vanlalhriata te an ni.       

District

Mizoram UPC hnuaia District 13 te chuan inkhawmpui an hmang zo va, Puipa te leh an aiawha kal Department leh Board Secretary te chuan an hmanpui a ni.

Distrcit hrang hrang inkhamwpuiah hian District inrelbawlna bakah General Assembly leh Executive Committee a thlen tur Agenda engemaw zat rel a ni.

Siaha District

Siaha District inkhawmpui Cheural Bial Lungsen hmuna hman chu tluang taka neih zawh a ni.

District inkhawmpui hi October ni 31 – November ni 2 chhung khan hman a ni a, General Treasurer Rev. Rokhuma’n a hmanpui.

Siaha District inkhawmpuiah hian Siaha district chhunga ram beihna chak zawka neih a nih theih nan Siaha district crusade committee din a ni a, General Assembly a thlen tur Agenda 4 pass a ni bawk.

Kum 2026 Siaha District inkhawmpui chu Niawhtlang Bial in an thleng dawn a ni.

HMARCHHAK DISTRICT

Hmarchhak district inkhawmpui, vawi 23-na Bawngkawn kohhran biak in a nghah chu tluang taka hman zawh a ni.

November ni 7-9 Pathianni hmanga neih Hmarthlang District inkhawmpui hi Mizoram UPC Puipa atangin Upa F. Lalremmawia Executive Chairman chuan a hmanpui a, Zirtawp zan atangin Pathian biak inkhawm revival a hman a ni a, inkhawmpuiah hian thuhriltu atana ruat bik Upa D. Lalnuntluanga Darlawn Bial, Pastor RT Rodingpuia Sakawrdai Bial, Upa F. Lalremmawia Executive Chairman, Upa J. Lalramliana Thuampui bial leh Pastor Lalhmunthara Durtlang Bialte chuan thuhril rawngbawlna an nei a, zaithiam tak tak ten fakna hla sa in zai rawngbawlna an nei thin bawk a ni.

Hmarthlang District inkhawmpui ro rel inkhawm chu District Chairman Upa Vanlaldinthara  kaihhruaina hnuaiah Inrinni nileng a neih a ni a. 

District Inkhawmpui thlen dan tur kum 2035 thleng a rotation duan lawk chu pawmin, kum 2026 Hmarchhak District inkhawmpui chu Sakawrdai Bial-ah neih a ni dawn a ni.

District inkhawmpui thlengtu puihna tih sante, Kum 2026 ah Tirhkoh pakhat rawihte,

Sailutara Tirhkoh rawih mek Tk. Zonuntluanga, Kum 2026-atan Sailutar khua-a rawih chhunzawmte,

Kum 2026 atanga hman turin Revival Team leh Revival Board dinte an rel a,

General Assembly-a thlen turin Bawngkawn Shalom kohhran hming chu Bawngkawn West kohhran ti a thlakte, Sakawrdai Kohhran tih pawh Sakawrdai Headquarters Kohhran tia thlak an rel a, General Assembly bial hniha thlen rawtna te, Kohhrana thawktute pension hun kum 65 hman mek chu kum 60 ah tih hniam rawtnate an passed bawk a, Danpui khawih agenda Executive Chairman leh General Superintendent post mi pakhatin term khat bak chelh tawh loh ni rawh se” tih rawtna chu General Assembly-ah put luh tura pawm a ni a, Mizoram UPC hnuaia inkhawmpui hrang hrang, Bial Kohhran inkhawmpui leh department hrang hrang inkhawmpui te chu rampum huap a, a ruala neih thin tawh tura rawtna thlente an rel bawk.

Hmarchhak District inkhawmpui ro relna chuan “Kohhran Upa a zawna term 5 (Kum 10) thlan tlin tawh te chu thlan nawn ngai tawh lova Upa nghet atan ordain zel rawtna, ro relna sang zawka thlen turin an pawm a, “Upa nghet neih theihna dan fel taka zam an rel bawk.

General Assembly rorel palai tih tlem rawtnate leh Kum 2026 District Budget te chu Hmarchhak District inkhawmpuiah ah hian ro rel thu passed langsar zualte an ni.

Hmarchhak District inkhawmpui hi Pathianni chawhma inkhawm General Superintendent Rev. P. Lalrinawma’n a hmanpui bawk a, November ni 9 Pathianni zan khan District inkhamwpui hi a tiak a ni.  

KHAWTHLANG DISTRICT

Khawthlang District inkhawmpui vawi 28-na a ṭiak ta.

November ni 7-9, chhunga Khawthlang District Inkhawmpui vawi 28-na, Lengpui bial, Hmunpui kohhran a neih chu hlim taka hman zawh a ni a, Rev. Rokhuma, General Treasurer, Mizoram UPC in a hmanpui. 

Khawthlang District inkhawmpui revival inkhawm hi Rev. PC Parliana, District Superintendent in a kaihruai ṭhin a, District chhunga Pastor, Tirhkoh leh Upa ten thuhril rawngbawlna an nei a, Rev. R. Laldawngliana, Chawlhhmun bialtu in Pentecostal Jubilee campaign a neih bakah, bial hrang hrang aṭangin zai miten fakna hla saa rawngbawlna neiin District chhunga Tirhkoh rawih te leh revival team-te hnen aṭangin an rawngbawlna report ngaihthlak ṭhin a ni.  

Zirtawpni tlaiah District chhunga Trihkohte pualin training neih a ni a, Rev. Rokhuma, General Treasurer-chu Resource person niin training hi a hmanpui a, Pathianni zingah District Committee neiin, Tirhkoh licence dil mi pahnih an recommend bawk a ni. 

Inrinni ah ro rel inkhawm an nei a, Upa K. Rosangzuala, District chairman-in a kaihruaia, District in rel bawlna tur bakah General a thlen tur agenda pawimawh tak tak an rel a, chung zingah chuan 

Kum 2026 Khawthlang District inkhawmpui Chawlhhmun biala nghahte,

District Revival team leh Tirhkoh rawih mek rawih chhun zawmte,

kum 2026 chhung in bial hrang hrangah Financial Campaign neihte leh 

kum 2026 District budget-te chu ro rel langsar zualte an ni.

District Secretary report aṭanga a lan danin Khawthlang district huam chhungah hian kum 2025 chhungin member thar 609 Mizoram UPC ah lawm luh an ni.

LUNGLEI DISTRICT 

Lunglei District inkhawmpui vawi 31-na, Lungsen hmun a nghah chu November ni 9 Pathianni hman tluang taka hman zawh a ni a, Puipa aiawhin Rev. Ngurthanpara Sailo, Principal, ATI chuan inkhawmpui hi a hmanpui a ni.

District chairman Upa K. Lalzarliana'n kaihhruaiin, ro rel palaite chuan Inrinni nilengin agenda 22 chhawp chhuah te chu an ngaihtuah a, 

Kum 2026 inkhawmpui Lunglei 'S' Bial a nghahte, 

District inkhawmpui thlengtu puihna hman mek tihsan rawtnate, 

District, Bial leh Bial Department inkhawmpui neih hun, inrualkhai zawk a hman anih theih nan a Danpui a in ziak tih danglam rawtnate leh 

General Superintendent leh Executive Chairman post, mi pakhat in term khat bak chelh chhunzawm tawh loh rawtna ro relna sang zawka thlen turin Lunglei District inkhawmpui chuan a pawm bawk a ni.

RAMTHAR DISTRICT 

Ramthar District Inkhawmpui vawi 15-na, Barak Valley Bial, Hmarkhawlien kohhran a November ni 7-9, 2025 chhunga neih chu hlim taka hman zawh niin Rev. T. Laldingliana, General Secretary chuan inkhawmpui hi a hmanpui.

Ramthar District inkhawmpuiah hian Pastor C. Ramchhanmawia, Barak Valley Bialtu, 

Pastor Andrew L. Singson, District Superintendent leh Rev. T. Laldingliana, Mizoram UPC General Secretary te chuan thuhril rawngbawlna an nei a, Pathianni chawhma inkhawm banah Baptisma rawngbawlna buatsaih niin mi 9-in Lalpa Isua hmingin Rev. T. Laldingliana kutah Baptisma an chang a ni.

Pthianni chawhnuah Tirhkoh, Upa leh T.upa te chuan retreate leh seminar an nei bawk a, General Secretary chu resource person a ni a, Pathianni zanah revival inkhawm an hman chhunzawm a ni.

Ramthar District inkhawmpui ro relna chuan 

Kum 2026 District inkhawmpui chu Shillong Bial, Dona Kohhranah an nghat a, 

Foreign Mission Field, Home Mission Dept. enkawlna hnuai a dah rawtnate, 

District Inkhawmpui palai kum 70 chin chunglam te hnena lawmpuina pek chhunzawm zel te, 

Silchar-ah Tirhkoh rawngbawltu rawihte, 

Pastor pension hun kum 60 rawtnate leh

Ramthar District chhunga Bial intlawh tawnna neih chhunzawm zelte chu District inkhawmpui ro rel langsar zualte an ni.

LAWNGTLAI DISTRICT

Lawngtlai District inkhawmpui vawi 29-na pawh tluang taka hman zawh a ni a, 

November ni 8 Inrinni khan ro rel inkhawm an nei a, Puipa aiawhin Rev C. Liansanga Area Secretary chuan inkhawmpui hi a hmanpui a ni.

Upa C. Ṭialvunga District Chairman kaihhruaina hnuaiah Agenda 15 ngaihtuah niin, ro relna sang zawk a thlen turte nen Agenda 12 an pawm a ni.

Manipur District

Manipur District inkhawmpui Saikawt kohhran a nghah chu November Ni 7-9 Pathianni hmang khan tluang tak neih zawh a ni a, Mizoram UPC Puipa aiawhin Rev. Lalngaizuala, Secretary General SS Department chuan a hmanpui a, Aizawl atangin mi 4 in an tawiawm a ni.

Manipur District inkhawmpui  Ro relna chuan district chhung inenkawlna chungchang bakah Mizoram UPC ro relna sang zawka thlen chhoh tur Agenda engemaw zat an pawm a ni.

District inkhawmpuiah hian Rev. Lalngaizuala’n, Manipur District chhunga General LAD in buhfaiṭham ṭha lawmman a sem, lawmman 3-na dawngtu Thiemneihoi Rengkai hnenah Gen LAD aiawhin Pathianni zing inkhawmah lawmpuina thil pek a hlan a, he mi rual hian Consolation prize dawngtu Debori Ramdinpui Rengkai hnenah a hlan bawk.

Pathianni zing inkhawmah vek hian Full time evangilist Langminluna'n mahni sum senga Thado Kuki ṭawnga naupang SS zirlaibu a lehlin chu Genenral SS Department Secretary hian a tlangzarh bawk a ni.

Manipur District inkhawmpuiah hian revival nasa takin a thleng a, he hlimna atang hian Pathian chawimawina puan niin, November ni 10 Thawhṭanniah chawimawina programme hi hman chhunzawm a ni a, Rev. Lalngaizualan rawng bawlna neih chhunzawmin Inkhawmpui palaite pawh an la cham leh vek a, Pathian Thlarau thianghlim amwpuina hnuaiah zan lam thelngin revival inkhawm hman chhunzawm a ni a, Thawhtanni zan hian Manipur dist inkhawmpui vawi 20-na revival inkhawm chu a tiak a ni.

TRIPURA DISTRICT 

Tripura District inkhawmpui Vawi 14-na chu November ni 7-9 Pathianni hmang khan Agartala biala Gamchha Kobra khuaah hlim taka hman zawh a ni.

District inkhawmpui hi Mizoram UPC Puipa aiawhin General Mission department Secretary Rev.Lalruatfela'n a hmanpui a, General Mission Dept Executive Board member Tirhkoh C.Malsawmsanga leh Upa Lalrinmawia, Nghalchawm te chuan an hmanpui a ni. 

Tripura District inkhamwpuiah hian Thlarau thianghlim baptisma chang thar mi engemawzat an awm a, General Mission secretary Rev.Lalruatfela kutah mi 12 in Lalpa Isua hmingin baptisma an chang a,  an zingah hian hindu nupa an tel bawk a ni.

Tripura district ah hian Pastor bial 6 awmin, kumin chhunga member thar Mizoram UPC a lawm luh tawh hi mi 400 an ni.