General Superintendent Rev. P. Lalrinawma chu November ni 21 Zirtawpni hian Lawngtlai Vengpui kohhran Biak In Pathian hnena hlanna leh hawnna nei turin a zin chhuak dawn a, Inrinni hian Biak In hawnna a nei ang a, Pathianni hian Thingfal Bial Pastor Quarters hawnna leh Pathian hnena hlanna a nei bawk ang.
General Superintendent zin chhuak hi November ni 24 Thawhtanni hian Aizawl a lo let leh ang.
General SS Department Chairman Upa Lalnuntluanga Sailo chu, Lunglei Rahsiveng Bialah SS Campaign nei turin November ni 22 Inrinni hian a zin chhuak ang.
General SS Chairman hi Thawhtanni hian Aizawl a lo let dawn a ni.
Education Board
Mizoram UPC Education Board hruaitute chuan General Treasurer Rev. Rokhuma hovin kohhran School, Khasnampara leh Naisingpara a mite chu an tlawh a, November Ni 12 Nilaini khan an zin chhuak.
Education Baord hruaitu zin chhuakte hi Board Chairman Upa Lalnuntluanga Chhangte, Board Treasurer Malsawmdawngliani te an ni a, Khasnampara a Apostolic Mission School leh Naisingpara Misison School te an tlawh a ni.
November ni 12 Nilai zan khan Rengdil kohhrante inkhawmpuiin, Rev. Rokhuma General Treasurer in Pathian thuchah a sawi a, General Treasurer zin chhuak hian Kanchanpur Bial Pastor Quarters sak mek a hmunah a enpui bawk a, Bialtu Pastor A.Vanlalparan a tawiawm a ni.
Education Board hruaitu zin chhuakte hian an Board meeting thu rel angin, school an tlawh-te hi ‘sum leh pai vawn dan’ inzirtirna hun an hmang bawk a, Education Board Treasurer Malsawmdawngliani chu resource person a ni.
Naisingpara leh Khasnampara Mission School tlawh a zin chhak Board hruaitute hi November ni 14 (Zirtawpni) khan Aizawl an lo let leh a ni.
Gen LAD
General LAD hruaitute chuan November ni 15 leh ni 16 Pathianni hmang khan 'N'. Khawlek LAD te Seminar cum Revival an hmanpui.
Inrinni zanah Pathian inkhawm an nei a, Unaunu Zoramthari EBM hnen a tangin Pathian thu chah ngaihthlak a ni a, Pathianni chawhma inkhawmah Orphanage Sunday pual hun hmang ho lehin Seminar a chhunzawm a ni a. ‘Thlarau thianghlim pawimawhna’ tih leh ‘Chhungkaw maicham’ tih thupui hmangin Unaunu R.Lalbiaknii, Asst secy GLAD leh unaunu Lalfamkimi EBM te chuan zirtirna an pe a ni.
Pathianni chawhnuah revival programme hmang lehin Unaunu Lalawithangi EBM chuan thuhril rawngbawlna a nei a, Pathianni chawhnu inkhawm banah General LAD hruaitute hian kohhran in tlawh kualin N. Khawlek Bial hruaitu ten an tawiawm a ni.
Pathianni zanah Unaunu R.Lalbiaknii. Asst secy hnen atangin Pathian thu chah ngaihthlak a ni bawk a ni.
# General LAD chuan November ni 9 Pathianni khan Unaunu Vanlalawii, New Vengpui, Lawngtlai bial
Khuarel chhiatna avanga an chenna in chim chu, Releif Fund atangin Rs. 10000/- (Sing khat) an hlan a, Lawngtlai Bial LAD President Unaunu H. Lalramthianghlimin Genral LAD aiawhin tanpuina sum hi a hlan a ni.
November ni 14 Zirtawpni khan Vairengte IOC veng kohhran a lawi Unaupa Lalhmachhuana te chhungkua, Kangmei avanga Bungrua engmah chuh hmanlo a an in kang ral vek chu GLAD chuan relief fund an hlan bawk a, General LAD aiawhin Unaunu R. Lalthanpari EBM GLAD chuan tanpuina sum hi a hlan a, Vairengte Bial LAD hruaitute chuan an tawiawm a ni.
M&PB
Mizoram UPC Media & Publicity Board buatsaih Thlasik Live Crusade chu November ni 25-27 chhung hian zan dar 8:00 ah neih thin a ni dawn a, Pentecost Media Youtube Channel-ah Live a pek chhuah a ni dawn a ni.
Thlasik Live Crusade-ah hian zan khatnaah Tirhkoh Emmanuel Lalthianghlima chu speaker a ni dawn a, unaunu J. Zonunsangi’n zai rawngbawlna a nei ang.
Zan hnihnaah hian Upa F. Lalremmawia Executive Chairman hnen atangin Pathian thu ngaihthlak a ni ang a, unaunu Ely VL Hmangaihsangi’n zai rawngbawlna a nei bawk ang.
M&PB buatsaih Thlasik Live Crusade zan thumna-ah hian Pastor K. Lalhmingsangzuala Speaker a ni dawn a, unaunu C. Lalruatsangi hnen atangin fakna hla ngaihthlak a ni dawn a ni.
Upper Myanmar District
Upper Myanmar District inkhawmpui vawi-25 na tluang tak a hman zawh a ni.
Upper Myanmar District inkhawmpui hi Letpanchaung biakin ah hman a ni a, ruahmanna ang chuan revival inkhawm nen a hman tum niin Myanmar ram chhung buaina in zual lam a pan zel avangin District inkhawmpui ah hian ro relna chauh neih theih a ni.
