United Pentecostal Church
of Mizoram

KOLKATA-a MIZORAM UPC HOUSE, GENERAL SUPERINTENDENT IN A HAWNG

November ni 30 Pathianni khan Kolkata-a kohhranin Building a lei thar, Mizoram UPC House leh Biak In atan a hman tur chu Rev. P. Lalrinawma, General Superintendent chuan Pathian hnenah hlanin a hawng. 

Kolkata a Mizoram UPC House hi Hatiara Extention, Hatiara, Rajarhat hmun a awm a ni a , Netaji Subash Chandra Bose International Airport, Kolkata aṭangin KM  6 vel a hla a awm a ni

Building hawn thar hi a dung feet 40 leh avang feet 38 a ni a, chhawng thum niin a hnuai ber ah hian Guest room man chawi a luah theih leh man chawi a luah tur in pangai a awm bawk a, tunah hian chhungkaw khatin man chawiin an luah mek a ni. 

A chhawng lai hi Pastor Quarters a ni a, a chung berah hian Biak In a awm bawk.

Kolkatta a Mizoram UPC House hawng tura kal General Superintendent hi Rev. Lalruatfela, Secretary, General Missions Department, Lalhmangaihzuali, Treasurer General Missions Department, Rev. R. Laldawngliana, Executive Board Member, bakah General Headquarters Office Staff ten an tawiawm a, Missions Field hrang hrang aṭangin Pastor leh rawngbawltu pawimawh tak tak ten he hun hi an hmanpui bawk a ni.

Building leh Biak In hawnna inkhawm hi Pastor Vanlalchama, Eastern India Area Supervisor-in a kaihruaia, Kolkata tualchhung LAD-ten fakna hla remin Sunday School naupang ten lam mawi tak an en tir bawk. 

Zan lam thlengin Pathian biak inkhawm an nei a, Rev. P. Lalrinawma, General Superintendent leh Rev. Lalruatfela, General Missions Department Secretary te chuan thuhril rawnbawlna an nei a ni. 

Mizoram UPC house hawnni hian Hindu mi 3 leh UPC member nisa mi 2 te chuan Lalpa Isua hmingin Baptisma an chang a, tlai lamah Building thar hawnna ruai kalkhawm ten an theh bawk a ni.

General Secretary-in Thenzawl Pastor Quarters thar Pathian hnenah hlanin a hawng.

December ni 4 Ningani khan Thenzawl Pastor Quarters thar chu Pathian hnena hlanna leh hawnna inkhawm neih a ni a, Mizoram UPC General Secretary Rev. T. Laldingliana’n he hun hi hmanpuiin, Pastor Quarters hi a hawng a ni.

Thenzawl Bial Pastor Quarters atan hian In ding sa Rs 20 lakh a lei a ni a, thawm that nan Rs 11 lakh hman ral niin, a dung ft 47 leh a vang ft 31 a lian a ni.

Kumin hian Pastor Quarters  sak thar 19 a awm a, thawm that mek hi 14 awm bawkin, tun dinhmunah Pastor Quarters hi Bial 33 ah sak mek a ni.

Puipa Committee

Mizoram UPC Puipa Committee December ni 4 Ningani a thu khawm chuan Project 2030 ram lak beih pui thlak chu kum 2026 atanga hman tan turin Executive Committee ah thlen an rel.

Puipa Committee hi Executive Chairman Upa F. Lalremmawia te chenna in ah an thukhawm a, kohhran chhungkua a vanduaina tawk, khuarel chhiatna leh dam lohna avanga harsatna nei mek mi 5 te hnenah tanpui sum General Headquarters Relief Fund atanga pek an rem ti a, kohhran ding thar Champhai vengthar hnenah lawmpuina Rs. Singgna pek tah an ti bawk.

Kum tawp Mizoram UCP Executive Committee a thlen atan Bookroom Tuikhuahtlang a mi chu Assembly Centre Zonuamah sawn an rel bawk.

Ministerial Licence renew diltu mi 26 te dilna chu Puipa Committee chuan renew a remtih sak bawk a ni. 

KUM TAWP RO RELNA SANG NEIH DAN TUR

Mizoram UPC ro relna sang kum tawp thutkhawm chu December ni 9 atang hian neih tan a ni dawn.

Mizoram UPC Pastor Transfer & Posting khawihtu Pastoral Board kum tawp thutkhawm chu December ni 9 hian Conference Hall, General Headquarters Office, Zonuam-ah neih a ni dawn a, Pastor pali Ordination dilte leh Pastor pahnih lakna Personal Interview neih a ni dawn a, kumin hian Pastor awm hmun siksawi ngai engemaw zat a awm bawk a. Pastoral Board-ah hian thu ngaihtuah tur chhawpchhuah langsar zualte an ni ang.

December ni 10 leh ni 11 ni hnih chhung hian Executive Committee chu Conference Hall-ah hian an thu khawm leh ang a, General hruaitu term hmang zo te aiawh tur thlanna neih a ni ang. Kumin hian General Assembly ro rel inkhawm leh revival inkhawm chu R. Dengthuama Hall Mualpuiah neih a ni thung dawn a ni.

Kum 2025 General Assembly hi Headquarters Bial In an thleng dawn a, December ni 12-14 chhung hian hman a ni dawn a ni. 

General PYD

General PYD, Bethani Children Home ah an luang chhuak.

November ni 29 Inrinni khan Social Wing Committee, General PYD chuan an ro rel bawhzuiin Bethani Children's Home, Sihhmui an tlawh a, thil pek chi hrang hrang an hlan.

General PYD aiawh a feh chhuakte hi Treasurer Reuben Lalbiakpuia’n a hova, programme tawi buatsaih niin Lalnunpuia Pachuau, Chairman, SWC chuan a kai hruai a,  F.Lallawmzuala, Secretary, SWC leh Tirhkoh Lalnunthara, Home Superintendent te chuan inhmelhriattirna leh Report tawi an pe a, Treasurer, SWC Ramnunpari’n lehkha zir that pawimawhna tih hmangin campaign a nei bawk.

Social Wing Committee General PYD te hian Bethani Childrens Home-ah hian

Ceiling fan pahnih, Naupang hlabu, Excercise book, Dictionary leh stationery items chi hrang hrang, naupang lehkha zirna puitu atan a tangkai tur tak tak an hlan a ni.