United Pentecostal Church
of Mizoram

Mizoram UPC General Superintendent thar atan Rev. Ngurthanpara Sailo chu thlan a ni.

Mizoram UPC Executive Committee chuan nimin leh vawiin (10-11 Dec, 2025) hian Zonuam a General Headquarters Office Conference Hall-ah kum tawp thut khawm Executive Chairman Upa F. Lalremmawia kaihhruaina hnuaiah an nei a. kum 2026 leh 2027 chhung atana hruaitu thar thlanna an nei.

Kumin hian Mizoram UPC Puipa zinga General Superintendent leh General Secretary ni laite Term a tawp tak avangin a thar tur thlanna neih a ni a. Rev. Ngurthanpara Sailo, Principal Apostolic Theological Institute chu General Superintendent atan thlan thar niin, General Secretary thar atan Rev. C. Lalawmpuia, Lecturer Apostolic Theological Institute chu thlan a ni bawk.

Mizoram UPC Executive Committee ro relna chuan Southern Zone Area Secretary atan Rev. Gospelthanga, Bazar Bialtu chu an thlang a, Apostolic Theological Institute, Durtlang a Principal hna chelh turin Rev. Thangliansanga an ruat bawk. Heng bakah hian General Missions Department, Media & Publicity Board leh Bookroom Board hruaitu leh member turte thlan thar an ni bawk.

Executive Committee-ah hian Mizoram UPC Pastoral Board kum tawp thut khawmin recommendation a siam hrang hrang, Fixed Pay Pastor lak tharte, Ordained Pastor pathum Ordain Senior a hlan kai rawtna leh Ordination diltu Pastor pali te Ordination pek a remti a. 

Fixed Pay Pastor hna kum thum thawk tawh Non Ordain a hlan kai tir rawtna leh Fixed Pastor tanglaite kum 2026 atana rawih nawnrawtna te chu Executive Committee chuan a pawmpui bawk a ni.

#

December ni 11 Ningani zan khan Mizoram UPC Pastor Transfer & Posting chungchang ngaihtuahin Pastoral Board an thu khawm a, Mizoram UPC hnuaia Pastor 28 te an awmna siksawi an ni a,

Puipa kal chhuak tur General Superintendent Rev. P. Lalrinawma chu Bungkawn Bialah dah niin, General Secretary Rev. T. Laldingliana chu ATI Lecturer atan ruat a ni bawk.

Kum 2026-a Post thar a awm tur Pastor-te chu 

General Assembly

Mizoram UPC ro relna sang ber General Assembly chu Zirtawpni khan R. Dengthuama Hall-ah ro relna a bul tan a ni a, Executive Chairman Upa F. Lalremmawia’n a kaihruai a, General Superintendent leh Executive Chairman Post, mi pakhatin term khat bak chelh nawn tawh loh ni se tih rawtna chu an thu pawm langsar zual a ni a, Imphal Bial tih chu Kangpokpi Bial tia thlak an rel bawk. 

General Assembly ro rel inkhawm hi  Inrinni hian chhunzawm a ni ang.

General Assembly revival inkhawm hi nizan atang khan hman tan niin, Rev. Biakhmunrem, Tripura District Supervisor hnen atangin Pathian thu chah ngaihthlak a ni a,

Pathianni zan thleng hian revival inkhawm neih chhunzawm a ni ang.

Inrinni zan inkhawmah Upa Fh Lalramliana’n thuhril rawngbawlna a nei dawn a, Pathianni chawhma inkhawmah Upa F. Lalremmawia chu speaker a ni ang.

Pathianni chawhnuah hian Upa R. Zanghinglova hnen atangin Pathian thu ngaihthlak a ni ang a, Pathianni zan inkhawmah General Superintendent Rev. P. Lalrinawma’n thuhril rawngbawlna a nei bawk dawn a ni.

ATI

Apostolic Theological Institute Board chuan Kum 2026 February - June thla chhunga Linguistic Teacher (Guest) ATI a thawk turin T. Upa David Lalzara Fanai, Saikhamakawn chu a la thar.

Kum 2026 ATI session hi February thlaah tan leh tur a ni.