United Pentecostal Church
of Mizoram

Rev. Lalngaizuala Secretary, General SS Department chu January ni 9 Zirtawp zan atang khan Bazar kohhrana Pathian chawimawina programme-ah Speaker a ni a. Pathianni zan thleng hian rawngbawlna a nei dawn a ni.

OFFICE HAWN TAN A NI

Mizoram UPC General Headquarters Office chu kum 2026 atan January ni 6 Thawhlehni khan hawn tan a ni.

Office hawnna inkhawm hi Staff Devotion-ah neih niin, General Superintendent kal chhuak Rev. P. Lalrinawma’n a kaihruai a, Staff kal khawm ten inhlan tharnate neiin, hruaitu kal chhuak Rev. T. Laldingliana leh Rev. Lalruatfelate hnen atangin thu sawi ngaihthlak a ni.

General Headquarters Office, Zonuam hawn rual hian Sub Office Lunglei leh Bookroom-te pawh he mi ni hian mipuite dawr theih a hawn tan an ni bawk.

GENERAL HRUAITU CHARGE HLAN INKHAWM NEIH A NI

January ni 7 Nilaini khan General Headquarters Office, Conference Hall-Zonuamah Puipa tharte leh General hnuaia Department leh Board hruaitute chuan charge inhlanna an nei.

Charge hlanna inkhawm hi Upa F. Lalremmawia, Executive Chairman-in a kaihruaia, Rev. Lalruatfela, General Missions Secretary kal chhuakin hunserh hmangin, Rev. P. Lalrinawma, General Superintendent kal chhuak tur leh Rev. T. Laldingliana, General Secretary kal chhuak turten thu an sawi a. Charge hlanna neih zawh anih hnuah Rev. Ngurthanpara Sailo, General Superintendent thar leh Rev. C. Lalawmpuia, General Secretary thar ten thu an sawi bawk a ni.

Charge hlanna hun hi Rev. T. Laldingliana’n kaihruaiin hruaitu thlan tharte an tel kim hle a, Rev. Rokhuma, General Treasurer in lawmthu sawina neiin, Rev. Lalngaizuala, General Sunday School Department Secretary in malsawm ṭawngṭaina a nei thung a ni.

Mizoram UPC hruaitu charge inhlanna hun hi General level hruaitute bakah Aizawl khawpui chhunga Pastor, Pastor Pensioner te leh Office Staff te chuan an hmanpui a ni.

ATI

Mizoram UPC kohhran hnuaia Pathian thu zirna, Apostolic Theological Institute chuan BTh zir duh tan admission a hawng mek a, class XII pass chin emaw G.Th chin tan dilna January ni 31 thleng thehluh theih a ni.

General Missions Department

General Missions Department Executive Board chu January ni 8 Ningani khan Committee Romm-ah an thu khawm a, Chairman Upa Lalzirliana’n he thutkhawm hi a kaihruai.

Nagaland Field Conference January Ni 16-18 chhunga neih tur chu Department aiawha hmanpui turin Secretary Pastor Andrew L. Singson chu an ruat.

Missions Dept Executive Board chuan Pastor Subimal Marak, Tura pension thlah dan tur an sawi hova, January leh Feb thla chhung ngei a Pension Thlahna, Pastor Subimal Maraka chenna in ah neih an rel bawk a,

Kum 2025 Annual Audit missions field-te neih pui dan tur an ruahman bawk.

North Eastern Area I and II, Itangar, Arunachal Pradesh Field-ah

Upa. Lalzirliana, Chairman leh Upa. Lalthlamuana, Treasurer

N. Bengal & Eastern Area, Birpara-ah

Rev. Lalruatfela, EBM leh Upa. Bibleliana, EBM.

Central India Area, Delhi-ah

Pastor Andrew Singson, Secy leh Upa. Dr. Zonunmawia, EBM ten an neih pui dawn a, Janaury thla chhunga Audit hi neih an rel bawk a ni.

Heng bakah hian Burachara Biak In, Lower Assam Field a Biak In sak mek chu a hmunah kal a enfiah nise an ti bawk.

Biak In sak nan Nuai 12 sen ral tawh a ni a, General Headquarters atanga tanpuina an hmuh hi Rs. 3.5 Lakh niin, a bak zawng hi Lower Assam Field-te hmalakna a ni.