General Superintendent Rev. Ngurthanpara Sailo chuan Saipum Bial thar January ni 18 Pathianni hian a hawng dawn a. Pathianni zan thleng Saipum Bialah hian hun a hmang ang.
General Secretary Rev. C. Lalawmpuia chuan January ni 16 Missionary Day chu Venghlui kohhran te a hmanpui dawn a, zan lamah Pathian biak hona neiin, Thuhril rawngbawlna a nei ang.
Rev. Lalngaizuala Secretary General SS Dept. chuan January ni 16 Zirtawp zan atang hian Thenzawl vengpui kohhran a Pathian chawimawina a hmanpui dawn a, January ni 18 Pathianni thleng hian rawngbawlna a nei dawn a ni.
Rev. Andrew L. Singson Secretary General Missions Department chu Nagaland Field Conference January ni 16-18 chhunga neih tur hmanpui turin a zin chhuak.
General LAD
General LAD Executive Board chuan January ni 14 Nilaini khan kumin atan a thutkhawm hmasa ber General Headquarters Office Conference Hall-ah an nei a, President C. Renghlupuiin a kaihruai.
General LAD Executive Board chuan kohhranpui hmalakna Project 2030 tihhlawhtlinna atan, Bial tin LAD inkhawmpuiah Project 2030 puala thawhlawm lakkhawm a rel a, Project lam hawi Sermon nei turin Bial LAD te an ngen bak ah, Hyssop Recreation Centre dinna tur atan Bial LAD inkhawmpuiah vawikhat tal thawhlawm lakkhawm turin Bial tin LAD te an ngen a ni.
Heng bakah hian General LAD inkhawmpui emaw General Board agenda nei turte chuan Bial inkhawmpui kaltlang a a rel ngei, Agenda theh luh tawh nise an ti a, kum 2026 General LAD inkhawmpuia thu sawi thei tur bial tin atanga rawtna nei duhte tan May thla ral hma a General LAD Secretary hnenah thehlut turin ruahmanna a siam bawk.
Rawtna hi Bial pakhat atangin pakhat ai tam thehluh theih a ni dawn lo va. Rawtna lo lutte hi General ALD Executive Board chuan a ngaihtuah leh dawn a ni.
General LAD Executive Board thutkhawm hi Mizoram UPC Puipa ten an ho a ni.
Vehicle Board
Mizoram UPC Vehicle Board chu January ni 13 Thawhlehni khan an thu khawm a, kohhran hnuaia thawktu Driver te puala intuaitharna neih an rel.
Vehicle Board thutkhawm hi Board Chairman Upa Pc Lalhmingliana’n a kaihruai a, an thu rel langsar zual zingah kohhran Driver kaihruaitu tur Supervisor pakhat Driver zing a mi ruatte, Lirthei thar pahnih lei phalna P&FB a dilna thlente a tel a ni.
Serchhip Area
Serchhip Area chhunga Rawngbawltu tur lawmluhna neih a ni.
Serchhip Area Crusade Committee hmalaknain Keifang Bial Kohhran la din lohna Ruallung khua a rawngbawltu atan a lak Upa R. Lalhriatliana tirh chhuahna inkhawm January ni 11 Pathianni chawhnu dar 2 khan Rulchawm kohhran Biak in ah neih a ni a. Bialtu Pastor J. Zothansanga’n tawngtai sakna neiin rawngbawltu tirhchhuahna hun a hmang a, Keifang Bial chhung atangin he hun hmanpuitu hi an thahnem hle a ni.
Ruallung khua a rawngbawltur a tirhchhuah Upa R. Lalhriatliana hi N. Vanlaiphai Lungchhuan kohhran a lawi a ni a, a rawngbawlna tur hi a nupui Lalmani chuan a tawiawm bawk a, Ruallung khua ah in luah tur hmuh zawh anih loh avangin Rulchawm ah hian Serchhip Area chuan an chenna tur a ngaihtuah a, Rulchawm atangin rawngbawlna hi Upa R. Lalhriatliana hian a neih a ngai dawn ta a ni.
