United Pentecostal Church
of Mizoram

Executive Chairman Upa F. Lalremmawia chu January ni 25 Parthianni hian Project 2030 pual Campaign nei turin Zemabawk North kohhranah a inkhawm ang.

General Superintendent Rev. Ngurthanpara Sailo chu January ni 23 Zirtawpni khan Chawngtlai kohhran Khawzawl vengthar Bial a Pathian chawimawina hman pui turin a zin chhuak. Zirtawp zan atang khan Pathian biak inkhawmah thuhril rawngbawlna a nei a, Pathianni thleng a cham dawn a ni.

General Secretary Rev. C. Lalawmpuia chu January ni 23 Zirtawp zan atang khan Edenthar kohhran Bawngkawn Bial a Pathian chawimawina ah Speaker a ni a. Pathianni zan thleng hian rawngbawlna a nei ang.

General Treasurer Rev. Rokhuma chu January ni 25 Pathianni hian Edenthar kohhran a tlawh dawn a, Pathian biak inkhawm a telpui ang.

Rev. Lalngaizuala Secretary General SS Dept. chu January ni 23 Zirtawpni khan Senvon Bial SS leh Bial LAD Joint Conference hmanpui turin a zin chhuak. SS General Secretary hian nizan atang khan inkhawmpuiah hian thuhril rawngbawlna a nei a, Pathianni zan thleng hian hun a hmang ang. Rev. Lalngaizuala Secretary General SS Dept. hi January ni 26 Thawhtanni hian Aizawl a lo let leh dawn a ni.

Upa Lalzirliana Chairman General Missions Dept. chu North Eastern India Area I & II Audit neih pui turin Janaury ni 23 Zirtawpni khan Upa Robert Lalramchuana nen Itanagar panin an zin chhuak. Upa Lalzirliana hian Pastor Subimal Marak, Tura pension thlahna General Missions Dept aiawhin a chenna in ah a neihpui bawk dawn a, General Missions Chairman hian a cham chhungin Lower Assam Field a Burachara Biak In sak mek a hmunah kal in a enfiah bawk ang.

Rev. Andrew L. Singson Secretary General Missions Dept. chu Central India Area Audit neih pui turin January ni 23 Zirtawpni vek khan Delhi Field panin a zin chhuak a, EBM Upa Dr. Zonunmawia’n a tawiawm a ni.

Audit

Mizoram UPC kum tawp Audit ni thum awh chu tluang taka neih zawh a ni. Kum 2025 July – December chhunga Mizoram UPC sum leh pai dinhmun enfiahna, kum tawp Audit hi January ni 20-22 chhung khan General Headquarters Office Zonuamah neih a ni a. General Auditor nilai Upa Pc Lalchunglura Sr. Auditor leh T. Upa Daniel Lalawmpuia Jr Audiotr-te chuan sum leh pai chet vel dan an en dik a, kohhran main Account, General level Dpearment/Board/Committee Account hrang hrang Mizoram UPC hnuaia mite chu he hunah hian en fel an ni.

Gen SS

General SS Dept Executive Board chu January ni 15 Ningani khan Committee Room General Headquarters Office-ah an thu khawm a. kum 2025 SS Exam thlir letnate an nei. He thutkhawm hi Dept. Chairman Upa Lalnuntluanga Sailo chuan a kaihruai a, SS Exam tun aia hmachhawntu an thathnem lehzual theih nana hmalak dan turte sawihovin, Manipur District Children’s Meet June ni 19-21 chhunga buatsaih an rel bawk a ni. General SS Dept Executive Board chuan Ram pumah SS neih hun in ang tlang a kalpui a nih theih nan Lawngtlai Area leh Lunglei Area chhungah Campaign neih an rel a, Lawngtlai Bial leh Hnahthial Bial ah Dept. Chairman Upa Lalnuntluanga Sailo chu campaign tur a ruat a ni a, tawiawm turin Upa K. Rosangzuala EBM leh Upa H. Lalremruata EBM te chu ruat an ni bawk. Mualthuam N Bial ah SS Campaign nei turin Rev. HT Vanlalengmawia EBM leh Upa F. Vanlalchama EBM-te ruat an ni a, Lungpho Bial a campaign nei turin Upa F. Vanlalchama leh Tirhkoh Lianhmingthanga EBM te an ruat bawk. Heng bakah hian Animation Movie Thuthlung lam hawi a tam thei ang ber siam te an rel a, kum 2028 atanga Naupang SS zirlaibu a thar hman tawh tur a thu awm chu, hmalakna hmasa atan Consultation Committee an din a, hruaitu atan

Chairman-ah Upa Lalnuntluanga Sailo, Secretary atan Upa H. lalremruata EBM Member atan Upa K. Rosangzuala EBM Upa F. Vanlalchama EBM Rev. HT Vanlalengmawia EBM Rev. T. Laldingliana Lecturer ATI Upa Dr. Zonunmawia, Durtlang T. Upa David Lalzara Fanai, Saikhamakawn te chu ruat an ni.

M&PB

Mizoram UPC Media & Publicity Board chu Janaury ni 19 Thawhtanni khan Board Chairman Upa Lalthlamuana Hnamte te chenna In Zemabawk ah an thu khawm a. Kum 2026 chhung atana Media kaltlang rawngbawlna zau zawk neih dan turte chu an thu rel langsar zual a ni a. Casual Announcer tang lai Emilia Lalnunpuii Chawlhhmun leh Esther Lalhmingmawii Dawrpui te chu kum khat atan rawih chhunzawm an rel bawk a ni.

Bookroom board

Mizoram UPC Bookroom Board chu January ni 22 Ningani khan Confernce Hall general Hadquarters Office-ah an thu khawm a, Book Seller atan Lalremthangi lak a ni. Bookroom Board meeting hi Chairman Upa Lalroenga’n a kaihruai a, Mizoram UPC Puipa ten hovin, Boorkroom tihchangtlun chungchang leh Suggestion Box Bookroom a dah chungchangte chu an thu rel langsar zualte an ni a. February 2026 atanga January 2027 chhung atan Lalremthangi a pa Lalhmingthanga Chanmari West a khawsa, Lungchhuan khua chu Book Seller atan an la thar a ni. Book Seller lakna Personal Interview hi diltu mi 20 awm zingah mi 17 in an hmachhawn a ni.