General Secretary Rev. C. Lalawmpuia chu January ni 30 Zirtawpni khan N. Khawlek Bial LAD leh PYD Joint Conference Khawlian kohhrana nghah chu hmanpui turin a zin chhuak.
General Secretary hi Pathianni thleng a cham ang.
General Treasurer Rev. Rokhuma chuan January ni 25 Pathianni hmanga Chawlhhmun Bial Missions Dept. inkhawmpui neih tur chu a hmanpui ang.
Upa Lalzirliana Chairman General Missions Dept. chu Khawhai Bial Missiosn Dept. inkhawmpui hmanpui turin Januaru ni 30 Zirtawpni khan Tlangpui panin a zin chhuak a. Pathianni thleng a cham ang.
Upa Lalnuntluanga Sailo Chairman General SS Dept. chu Lawngtlai Bialah SS Campaign nei turin January ni 31 Inrinni hian a zin chhuak a, Pathianni a cham ang.
Rev. Lalngaizuala Secretary, General SS Dept. chu January ni 30 Zirtawp zan aṭang khan Hqrs bial PYD inkhawmpuiah speaker a ni a, Pathianni zan thleng hian rawngbawlna a nei dawn a ni.
Rev. Gospelthanga Secretary Southern Zone chuan Phura hmunah January ni 25 Pathianni hmang hian Saiha bial LAD inkhawmpui a hmanpui ang. Southern Zone Secretary hi February ni 2 hian Lunglei a let leh dawn a ni.
Foreign Missions Board
Mizoram UPC Foreign Missions Board chu January ni 28 Nilaini khan General Headquarters Office Committee room-ah an thu khawm a, Foreign Missions rawngbawlna chak zawka kalpui dan tur an sawiho.
Foreign Missiosn Board chuan China missionary Christina Vanlalremruati chu china atanga koh kira Cambodia rama kal tura tirh nise an ti a,
Myanmar rama Oneness kohhran, Mizoram UPC zawm duhte chu an dinhmunte zirchian hmasak a, ruahmanna siam tha an ti bawk.
Heng bakah hian Bhutan rama Fellowship pakhat, tunhma lama kohhranin a thawhpui thin tawhte nena thawhhona tih nun leh tura hma lakte leh Nepal rama Nawalparasi khuaa kohhran rawn zawm duhtute tlawh chhuaha Crusade hmanpuite chu Foreign Misisons Board chuan a rel a ni.
Report kan dawn danin Foreign Mission Field Myannar Shan state chhungah kohhran rawng bawlna atangin budhist sakhua vuantu mi 2 te chu Lalpa Isua hminga baptisma chan tir an nih hnuah Mizoram UPC kohhranah lawm luh an ni a, Shan State a Huisawh kohhran leh Tangyan kohhrana lawi turte an ni.
GENERAL PYD
General PYD Executive Board meeting chu General Superintendent Quarter, Zonuam-ah January ni 28 Nilaini khan neih a ni a. Upa Dr. Zonunmawia, President chuan kai hruaiin Rev Dr. Ngurthanpara, Superintendent leh Rev C. Lalawmpuia, General Secretary Mizoram UPC ten an telpui.
Kum 2026 atana hmalakna tur hrang hrang, Ruihhlo ngaite puala Chawnghei țawngțai neihte, Bial tlawh a zin chungchang te, kum 2026 General Board lo awm tura țul leh pawimawh te leh Rawngbawlna nei tura sawmna an dawnte chu an thu rel langsar zualte an ni.
General PYD Social Wing Committee chuan kum 2026 atana Meeting hmasa ber January Ni 22 Ningani khan Bungkawn Kohhran Sunday School Hall ah an nei a. Social Wing Committee Ex-Officio H Reuben Lalbiakpuia, Treasurer, GPYD in a telpui.
Kum 2026 a hmalakna atan Thisen pek buatsaih, Mi bik chawimawi leh kawmna neihte, Khawvel ni pawimawh a activities neihte, Lui dung tih fai, Karbi Anglong field a Seminar neihte, Bethani naupangte advance christmas hmanpui, Zuk leh hmuam awareness atana Reels insiam siak buatsaihte leh seminar paper buatsaih te chu an thurel langsar zualte an ni.
KHAWTHLANG AREA
General Headquarter Conference Hall ah Khawthlang Area Committee chu January ni 26 (Thawhtanni) khan an thukhawm a, Sub Pastoral Board Chairman Tk. Ch. Lalhmingmuana fam ta aiawh thlanna neih a ni.
Khawthlang Area Committee hi Chairman Upa. K Rosangzuala’n a kaihruai a,
SUB PASTORAL BOARD Chairman thar atan Secretary ni lai Upa F. Vanlalchama chu thlan a ni a,
Secretary atan Upa K. Laltanpuia, Chawlhhmun bial chu an thlang bawk.
Khawthlang AREA INKHAWMPUI a hun hmangtu turte an ruat bawk a,
Zirtawpni zanah Tk. Lalhmachhuana, Sairang bial.
Inrinnizan: Rev. R.Lalnghaksanga, Dinthar bial.
Pathianni chawhma: Puipa pual.
Mitthi Sûnna: Rev. R. Laldawngliana,Chawlhhmun bial.
Pathianni chawhnuah Upa Rosangliana, Mamit bial.
Pathianni zanah Rev.PC.Parliana, District Superintendent-te an ni ang.
Heng bakah hian AREA chhunga tirhkoh rawihna turte an sawiho bawk a,
Damparengpui, (W.Phaileng bial) ah Tk.J.Lalpêkhlua
Tumpanglui: (Kawrthah bial)ah Tk.Vanlalhmingsanga
Damdiai: (Mamit bial) ah Tk.Vanlalhriatpuia te chu rawng bawl tur a rawih an rel a ni.
Heng bakah hian Khawthlamg Area Committee chuan REVIVAL TEAM THAR 2 lak an rel a,
Team Speaker atan Tk. Tc.Lalmuantlinga Dinthar bial leh Tk. Lalrindika Dinthar bial te chu lak an ni.
North Mizoram Area Committee
North Mizoram Area hruaitu thlanna General Secretary-in a neih pui.
Area Superintendent atan Pastor C. Lalramnghaka, Aibawk Bialtu chu thlan a ni.
January ni 26 Thawhțanni khan, Kum 2026 atana Committee hmasa ber Bungkawn Kohhran SS Hall ah an nei a, North Mizoram Area hruaitu zingah, term hmang zo, Area Superintendent, Rev. C. Lalremsanga, Bethlehem Bialtu leh Area Treasurer Upa K. Lalsangzuala, Bungkawn Bial te an aiawh thlan tharna Rev. C. Lalawmpuia, General Secretary kaihhruaina hnuaiah neih niin
North Mizoram Area Superintendent thar (2026 - 2027) atan, Pastor C. Lalramnghaka, Aibawk bialtu thlan niin, Area Treasurer (2026 - 2027) atan, Upa Lalrorelpuia, Hqtrs Bial chu thlan thar an ni.
Hruaitu thlanna an neih zawh hnuaha hian Area Chairman Tk. H. Lalawmpuia kaihhruaina hnuaiah, Area Committee an thu khawm nghal a, Area Auditor Senior, Upa R. Lallawmzuala (2025) term a tawp tak avangin a ai awh turin, Junior Auditor ni lai, Upa R. Vanlalruata, Bethlehem Bial chu ruat a ni a, Junior Auditor atan, Upa T. Dolura, Bazar Bial chu an ruat bawk.
Kum 2025 Area inkhawmpui rorel bawhzui ngaite en ho vin, Area hmalakna a Tirhkoh rawih chhunzawm tura ruahmanna awm sa chu Aibawk Bial Chamringah rawih ni se an ti a, Reiek Bial, Ailawng hmuna Tirhkoh rawih tur General lamah dil an rel bawk.
General Headquaretrs atanga lehkha kal Project 2030 bawhzuina Area chhung bialtin ah țhahnemngai taka kalpui an rel bawk a ni.
Kumin hian North Mizoram Area chhungah Bialtu Pastor thar pathum, Rev. V. Roțhuamluaia, Bazar Bialtu, Rev. P. Lalrinawma, Bungkawn Bialtu leh, Rev. H. Lalthankima, Reiek Bialtu te an awm thar a ni.
